Cylinder Price: జులైలో కూడా తగ్గని ఎల్పీజీ సిలిండర్ ధరలు

చమురు కంపెనీలు ప్రతి నెల 1వ తేదీన సిలిండర్ ధరలు సవరిస్తాయి. తాజాగా జూలై నెలకు సంబంధించి సిలిండర్ ధరలు వెల్లడించారు. ఇండియన్ ఆయిల్ వెబ్‌సైట్ ప్రకారం 14.2 కిలోల ఎల్‌పిజి సిలిండర్, 19 కిలోల వాణిజ్య సిలిండర్ ధరలో ఎటువంటి మార్పు చేయలేదు. దేశ రాజధాని న్యూఢిల్లీలో డోమెస్టిక్ ఎల్‌పీజీ సిలిండర్ ధర రూ.1103 ఉండగా.. వాణిజ్య వినియోగ సిలిండర్ ధర రూ.1773గా ఉంది.

ముంబైలో డోమెస్టిక్ ఎల్‌పిజి సిలిండర్ ధర 1102.50 రూపాయలు ఉండగా.. వాణిజ్య సిలిండర్ ధర 1725 రూపాయలుగా ఉంది. హైదరాబాద్ లో గృహ వినియోగ సిలిండర్ రూ.1150 గా ఉంది. గత నెల జూన్‌లో వాణిజ్య వినియోగ సిలిండర్‌ ధర రూ.83 తగ్గింది. అ మే నెలలో వాణిజ్య సిలిండర్ల ధర మరోసారి తగ్గింది. ఏప్రిల్‌లో వాణిజ్య సిలిండర్ ధర రూ. 2028. మార్చిలో దీని ధర అత్యధికంగా రూ.2119.50గా ఉంది. ఆ తర్వాత తగ్గింది. జనవరి, ఫిబ్రవరిలో వాణిజ్య సిలిండర్ ధర రూ.1769గా ఉంది.

గత కొన్ని నెలలుగా గృహ వినియోగ LPG ధరలో ఎలాంటి మార్పు లేదు. మార్చిలో ఎల్‌పీజీ సిలిండర్‌పై రూ.50 పెరిగింది. అదే సమయంలో, అంతకు ముందు, గత ఏడాది జూలై 6న, LPG సిలిండర్ ధరను మార్చారు.మీరు LPG సిలిండర్ ధరను తెసులుకోవాలంటే ఇండియన్ ఆయిల్ అధికారిక వెబ్‌సైట్ https://iocl.com/prices-of-petroleum-products కు వెళ్లి చూడొచ్చు