లోటస్ డెవలపర్స్ రూ.792 కోట్ల ఐపిఒ.. వాటాదారులుగా షారుఖ్, అమితాబ్ సహా ప్రముఖ స్టార్లు..

ముంబైకి చెందిన లోటస్ డెవలపర్స్ అండ్ రియల్టీ ఐపిఒ ద్వారా రూ.792 కోట్లను సమీకరించాలని యోచిస్తోంది. ఇందుకోసం క్యాపిటల్ మార్కెట్ రెగ్యులేటర్ సెబీకి కంపెనీ డ్రాఫ్ట్ పేపర్స్ ఫైల్ చేసింది. IPOలో కొత్త షేర్లు మాత్రమే జారీ చేస్తారు, OFS (ఆఫర్ ఫర్ సేల్) ఉండదు. లోటస్ డెవలపర్స్‌లో ప్రమోటర్లకు 91.78 శాతం వాటా ఉంది. మిగిలిన 8.22 శాతం ఈక్విటీ వాటా పలువురు బాలీవుడ్ స్టార్లు, ఆశిష్ కచోలియా, NAV క్యాపిటల్, డోవెటైల్ గ్లోబల్ ఫండ్, మినర్వా వెంచర్స్ సహా 150 మంది పబ్లిక్ షేర్‌హోల్డర్ల చేతుల్లో ఉంది.

ఈ ఏడాది సెప్టెంబర్ 16న లోటస్ డెవలపర్స్ & రియల్టీ ప్రైవేట్ ప్లేస్‌మెంట్ ద్వారా రూ.139.4 కోట్లు సమీకరించింది. మనీ స్పిన్నర్స్, సెర్రా ఇన్వెస్ట్‌మెంట్స్, స్మార్ట్ ఆల్గో సొల్యూషన్స్, ఎన్‌ఎవి క్యాపిటల్, డోవెటైల్ గ్లోబల్ ఫండ్, మినర్వా వెంచర్స్, యంత్ర ఇ-సోలార్ ఇండియాతో సహా 37 మంది పెట్టుబడిదారులకు ఒక్కో షేరుకు రూ. 300 చొప్పున 46.46 లక్షల ఈక్విటీ షేర్లను జారీ చేసింది.

అంతేకాకుండా ఈ ఏడాది డిసెంబర్ 14న కంపెనీ షేరు ధర రూ.150 చొప్పున 2.66 కోట్ల ఈక్విటీ షేర్లను మరో ప్రైవేట్ ప్లేస్‌మెంట్ ద్వారా రూ.399.2 కోట్లు సమీకరించింది. ఈ ప్రైవేట్ ప్లేస్‌మెంట్‌లో మొత్తం 118 మంది ఇన్వెస్టర్‌లకు షేర్లు కేటాయించారు, ఇందులో ఆశిష్ కచోలియా, అబుందాంటియా క్యాపిటల్, ఆస్టోర్న్ క్యాపిటల్, AARII వెంచర్స్, టాప్‌గైన్ ఫైనాన్స్, టర్టిల్ క్రెస్ట్, అమినిటీ బిల్డర్స్ & డెవలపర్లు, D.R.Choksey ఫిన్‌సర్వ్, జగదీష్ N మాస్టర్ ఇంకా నూర్తుర్ ఫౌండేషన్ ఉన్నాయి.

ఏ బాలీవుడ్ సెలబ్రిటీలకు షేర్లు ఉన్నాయి?

ఆశిష్ కచోలియా 33.33 లక్షల షేర్ల కోసం కంపెనీలో సుమారు రూ. 50 కోట్లు పెట్టుబడి పెట్టగా, షారుక్ ఫ్యామిలీ ట్రస్ట్, అమితాబ్ బచ్చన్, ఏక్తా రవి కపూర్, తుషార్ రవి కపూర్, జీతేంద్ర అలియాస్ రవి అమర్‌నాథ్ కపూర్, టైగర్ జాకీ ష్రాఫ్, రాజ్‌కుమార్ యాదవ్, రాకేష్ రోషన్, హృతిక్ రాకేష్ రోషన్, సాజిద్ సులేమాన్ నదియాడ్‌వాలా, మనోజ్ బాజ్‌పేయ్ వంటి బాలీవుడ్ సినీ పరిశ్రమకు చెందిన వారు లోటస్ డెవలపర్స్‌లో 28.92 కోట్లకు 19.28 లక్షల షేర్లను కొనుగోలు చేసారు.

IPO డబ్బు ఎలా ఉపయోగిస్తారు?

ముంబైలో పనిచేస్తున్న ఈ రియల్ ఎస్టేట్ డెవలపర్ పశ్చిమ శివార్లలోని అల్ట్రా లగ్జరీ సెగ్మెంట్ అండ్ లగ్జరీ విభాగంలో రిడెవలప్మెంట్ ప్రాజెక్టులపై ఫోకస్ చేస్తుంది. సంస్థ ప్రమోటర్ ఆనంద్ కమల్‌నయన్ పండిట్, IPO ఆదాయంలో దాని అనుబంధ సంస్థలైన రిచ్‌ఫీల్ రియల్ ఎస్టేట్, ధ్యాన్ ప్రాజెక్ట్స్ అలాగే త్రిక్షా రియల్ ఎస్టేట్ - అమాల్ఫీ, ది ఆర్కాడియన్ ద్వారా నిర్వహిస్తున్న ప్రాజెక్ట్‌ల కోసం లోటస్ డెవలపర్స్ & రియల్టీ రూ.550 కోట్లు ఉపయోగిస్తుంది. అంతేకాకుండా మిగిలిన డబ్బు సాధారణ కార్పొరేట్ ప్రయోజనాల కోసం ఉపయోగిస్తుంది. మోనార్క్ నెట్‌వర్త్ క్యాపిటల్ లిమిటెడ్, మోతీలాల్ ఓస్వాల్ ఇన్వెస్ట్‌మెంట్ అడ్వైజర్స్ లిమిటెడ్ బ్యాంకర్లుగా KFin టెక్నాలజీస్ లిమిటెడ్ మెయిన్ రిజిస్ట్రార్‌గా ఉంది.