airlines survey: ఎయిర్‌లైన్స్‌పై లోకల్ సర్కిల్స్ కీలక రిపోర్ట్.. ఆ సంస్థలపై ప్రయాణీకుల ఆగ్రహం

aviation news: దేశీయ విమానయాన రంగం ఈ మధ్య కాలంలో భారీగా పుంజుకుంది. వివిధ ప్లేయర్స్ కొత్త ఫ్లైట్స్ కోసం విపరీతంగా ఆర్డర్స్ పెట్టారు. అందుకు అనుగుణంగా తమ రూట్లను సైతం పెంచుకుంటున్నారు. అయితే తాజాగా విడుదలైన ఓ సర్వే ఆయా ఎయిర్‌లైన్స్‌పై ప్రయాణీకుల అభిప్రాయానికి అద్దం పడుతోంది.

దేశీయ విమాన ప్రయాణీకులపై లోకల్ సర్కిల్స్ అనే సంస్థ పాన్-ఇండియా స్థాయిలో సర్వే నిర్వహించింది. దాని నివేదికలో పలు ఆసక్తికర విషయాలు వెలుగులోకి వచ్చాయి. పలు సంస్థలకు చెందిన విమానాల టైమ్‌లైన్, ప్రయాణీకులతో నడుచుకునే విధానాలు దారుణంగా ఉన్నట్లు తేలింది.

69 శాతం మంది టాటా గ్రూప్ యాజమాన్యంలోని ఎయిర్ ఇండియా, విస్తారా విమానాల విషయంలో సమయపాలన ప్రధాన సమస్యగా తయారైనట్లు అభిప్రాయపడ్డారు. విమానాల నిర్వహణ, సిబ్బంది వైఖరి, ఆహార నాణ్యత, పారదర్శకతల్లో ఇబ్బందులనూ హైలెట్ చేశారు. ఇండిగో సిబ్బంది ప్రవర్తనపై మాత్రం తీవ్ర అభ్యంతరం వ్యక్తం చేశారు.

'ఎయిర్‌లైన్‌లు తమను లైట్‌గా తీసుకుంటున్నాయని ప్రయాణీకులు భావిస్తున్నారు. అంచనాల కంటే తక్కువ సేవలను అందిస్తున్నట్లు గమనించారు. రెగ్యులేటర్ DGCA మరియు పౌర విమానయాన మంత్రిత్వ శాఖ జోక్యంతో సమస్యలలో కొన్నింటిని సరిదిద్దవచ్చు. విమానయాన సంస్థలు నిబంధనలు ఉల్లంఘించినప్పుడు విధానపరమైన నిర్ణయాలను పటిష్ఠంగా అమలు చేయవచ్చు' అని నివేదిక పేర్కొంది.