లింక్డిన్ ఉద్యోగులకు గుడ్న్యూస్, వారం రోజులు పెయిడ్ లీవ్
ప్రొఫెషనల్ సోషలన్ నెట్ వర్క్ లింక్డిన్ ఉద్యోగులకు అదిరిపోయే న్యూస్ చెప్పింది. సంస్థలో పని చేసే ఉద్యోగులకు వారం రోజులపాటు పెయిడ్ లీవ్ ఇచ్చింది. కష్టపడి పని చేసిన తమ సిబ్బంది ఒత్తిడిని అధిగమించి, రిలాక్స్ అయి తిరిగి రెట్టించిన ఉత్సాహంతో పని చేసేందుకు వీలుగా ఈ సెలవు సౌకర్యం కల్పించినట్లు తెలిపింది. ఈ మేరకు ఏప్రిల్ 5వ తేదీ నుండి వీకా లాంగ్ సెలవును అమలు చేస్తున్నట్లు తెలిపింది.
లింక్డిన్లో దాదాపు 1600 మంది ఉద్యోగులు ఉన్నారు. వీరందరికీ వారం రోజులు రెస్ట్ దొరకనుంది. దీనిని రెస్టప్గా చెబుతోంది. కంపెనీ కోసం కష్టపడి పని చేసిన ఉద్యోగులకు కాస్త విశ్రాంతితో కూడిన సమయం ఇవ్వాలని భావిస్తున్నామని, వారు మంచి సమయం గడపాలని భావిస్తున్నామన్నారు. సెలవు నుండి తిరిగి వచ్చిన ఉద్యోగులు పూర్తి శక్తితో పని చేయాలని కోరుకుంటున్నామన్నారు.
అలాగే మెయిట్ టీమ్ ఈ వారంలో పని చేస్తారని, ఆ తర్వాత వారు కూడా ఈ సెలవును తీసుకోవచ్చునని ప్రకటించింది. కంపెనీ తీసుకున్న ఈ నిర్ణయంతో ఉద్యోగులకు విశ్రాంతి దొరుకుతుందని చెబుతున్నారు. కరోనా నేపథ్యంలో ఈ ఏడాది సెప్టెంబర్ వరకు లింక్డిన్ ఉద్యోగులు వర్క్ ఫ్రమ్ హోం విధానాన్ని కొనసాగించవచ్చు.