LIC: దాదాపు 5 రెట్లు పెరిగిన LIC ఆదాయం.. కానీ దెబ్బేసిన ప్రీమియం రాబడి

LIC: దేశీయ బీమా దిగ్గజం లైప్ ఇన్యూరెన్స్ కార్పొరేషన్ ఆఫ్ ఇండియా ఫలితాలు వెలువడ్డాయి. ప్రభుత్వం యాజమాన్యంలోని ఈ సంస్థ.. 13 వేల 428 కోట్ల మేర లాభాలు ఆర్జించింది. గతేడాది ఇదే కాలానికి 2 వేల 372 కోట్లు సంపాదించగా.. ఈసారి 4.7 రెట్లు పెరిగినట్లు ఎక్స్ఛేంజ్ ఫైలింగ్ లో పేర్కొంది. అయితే ఏడాది ప్రాతిపదికన నికర ప్రీమియం దాదాపు 8 శాతం క్షీణించి, 1.3 లక్షల కోట్లకు వెళ్లడం మాత్రం కలవరపెడుతోంది.

దాని బాటమ్ లైన్ 1.1 రెట్లు పెరగ్గా, నికర ప్రీమియం గత త్రైమాసికంలో 18 శాతం పెరిగినట్లు LIC పేర్కొంది. నిర్వహణా వ్యయం సైతం 13.53 శాతం నుంచి 3 శాతం పెరిగాయి. పన్ను అనంతరం LIC లాభం 4 వేల 43 కోట్ల నుంచి 8 రెట్లు పెరిగి 36 వేల 397 కోట్లకు చేరుకుంది. అయితే ఈ తరుణంలో ఒక్కో షేరుకు రూ.3 చొప్పున డివిడెండ్ ఇవ్వాలని బోర్డు సిఫారసు చేసింది.

మొత్తం ప్రీమియం సంవత్సరానికి 11 శాతం పెరగగా, వ్యక్తిగత ప్రీమియంలు-పునరుద్ధరణ మరియు కొత్త వ్యాపారం వెరసి -5.8 శాతం మరియు గ్రూప్ ప్రీమియంలు 20.2 శాతం పెరిగాయి. నిర్వహణ ఖర్చులు కూడా 14.5 శాతం నుంచి 15.53 శాతానికి ఎగబాకాయి.LIC పాల్గొనే మరియు నాన్-పార్టిసిపేటింగ్ ప్లాన్‌ల కోసం ఒకే ఫండ్‌ను కలిగి ఉంది. ఏదైనా మిగిలితే పాలసీ హోల్డర్‌లు మరియు వాటాదారులతో 95:5 నిష్పత్తిలో పంచుకోనుంది.

"మొత్తం ఉత్పత్తిలో నాన్-పార్ ప్రొడక్ట్‌ల వాటాను పెంపొందించే దిశగా మా ప్రయత్నాలు ఫలిస్తున్నాయి. లాభం, నికర VNB మార్జిన్ మరియు IEVల పెరుగుదలతో దేశ సేవలో మంచి స్థానం సొంతం చేసుకున్నాం. మా వృద్ధి ప్రయాణాన్ని కొనసాగిస్తూనే ఉంటాం" అని LIC చైర్‌పర్సన్ సిద్ధార్థ మొహంతి అన్నారు. 2047 నాటికి అందరికీ బీమా దిశగా అభివృద్ధికి బాటలు వేసుకుంటున్నట్లు పేర్కొన్నారు. అందులో పాలుపంచుకోవాలని భావిస్తున్నట్లు చెప్పారు.