రోజు రూ.121 ఆదా చేయండి.. 27 లక్షలు పొందండి... నయా పాలసీ వివరాలివే..

కూతురు అనగానే ఖర్చు అనుకుంటారు. చదువు/ ఉద్యోగంతోపాటు పెళ్లి కోసం పొదుపు చేస్తారు. కూతురు పేరుపై బ్యాంకులో డబ్బులు ఫిక్స్‌డ్ డిపాజిట్ చేస్తుంటారు. ఇతరుల డబ్బులు కూతురి పేరుపై అప్పుగా కూడా ఇస్తుంటారు. పుట్టిన దగ్గరి నుంచే డబ్బులు కూడబెడుతుంటారు. దేశంలోని అతిపెద్ద ప్రభుత్వ రంగ బీమా కంపెనీ ఎల్‌ఐసీ పాలసీ అందిస్తోంది. ఎల్‌ఐసీ జీవన్ లక్ష్య పాలసీ పేరులో మంచి ఆఫర్ ప్రకటించారు. ఈ పాలసీని ఎల్‌ఐసీ కన్యాధాన్ అని పిలుస్తారు.

ఈ ఎల్‌ఐసీ పాలసీ తీసుకుంటే.. దాదాపు రూ.27 లక్షలు పొందే వీలు ఉంటుంది. అయితే రోజుకు రూ.121 ఆదా చేస్తేనే పాలసీ తీసుకునే అవకాశం ఉంటుంది. నెలకు రూ.3,500 అవుతుంది. ఏడాదికి 43 వేలకు పైగా ప్రీమియం చెల్లించాల్సి ఉంటుంది. పొదుపు చేసిన డబ్బును ప్రతి నెలా ఎల్‌ఐసీ ప్రీమియంగా చెల్లించాలి. పాలసీదారు చనిపోతే ప్రీమియం కట్టాల్సిన పని లేదు. ఆ కుటుంబానికి పాలసీ డబ్బులు లభిస్తాయి.

18 ఏళ్ల నుంచి 50 ఏళ్లలోపు వయసు కలిగిన వారు పాలసీ తీసుకునే వెసులుబాటు ఉంది. పాలసీ టర్మ్ మాత్రం 25 ఏళ్లు. కానీ 22 ఏళ్లు ప్రీమియం చెల్లిస్తే సరిపోతుంది. ఉదాహరణకు రూ.10 లక్షల బీమా మొత్తానికి 18 ఏళ్ల వయసులో పాలసీ తీసుకుంటే.. మెచ్యూరిటీ సమయంలో రూ.27 లక్షలు లభిస్తాయి. బీమా మొత్తం రూ.10 లక్షలు, బోనస్ రూ.12.2 లక్షలు, ఎఫ్ఏబీ రూ.4.5 లక్షలు ఇందులో కలిపి ఇస్తారు.