LIC IPO: స్టాక్ మార్కెట్ చరిత్రలో అతిపెద్దది, 3% సబ్‌స్క్రిప్షన్

లైఫ్ ఇన్సురెన్స్ కార్పోరేషన్ ఆఫ్ ఇండియా (LIC) నేడు (మే 04, 2022) ఐపీవోకు వస్తోంది. ధరల శ్రేణి రూ.902 నుండి రూ.949 మధ్య ఉంది. ప్రభుత్వం ఎల్ఐసీ వాటాలో 3.5 శాతం లేదా 22.13 కోట్ల షేర్లను విక్రయిస్తుంది. ఈ ఐపీవో ద్వారా రూ.21,000 కోట్లను సమీకరిస్తోంది. ఎల్ఐసీ పాలసీదారులకు రూ.60, రిటైల్, ఉద్యోగులకు రూ.40 డిస్కౌంట్ వర్తిస్తుంది.

- మధ్యాహ్నం గం.12 సమయం వరకు ఎల్ఐసీ ఐపీవో 27 శాతం సబ్‌స్క్రైబ్ అయింది. ఎల్ఐసీ పాలసీదారుల విభాగంలో 95 శాతం, ఉద్యోగుల పోర్షన్‌లో 46 శాతం, రిటైల్ ఇన్వెస్టర్స్ విభాగంలో 30 శాతం సబ్‌స్క్రైబ్ అయింది. నాన్-ఇనిస్టిట్యూషనల్ ఇన్వెస్టర్స్ 5 శాతం సబ్‌స్క్రైబ్ అయ్యారు.

- ఎల్ఐసీ ఐపీవో ఓపెన్ అయ్యాక ఎల్ఐసీ ఇష్యూ ధరలో 0.12 శాతం సబ్‌స్క్రైబ్ అయింది. ఉదయం గం.11 సమయానికి రిటైల్ సెగ్మెంట్‌లో 0.18 శాతం సబ్‌స్క్రైబ్ అయింది.

- భారత స్టాక్ మార్కెట్‌లో అతిపెద్ద ఐపీవో ఎల్ఐసీదే. ఓపెనింగ్ హవర్స్‌లో 3 శాతం సబ్‌స్క్రైబ్ అయ్యాయి. ఉద్యోగుల విభాగంలో 7 శాతం సబ్‌స్క్రైబ్ అయ్యాయి. రిటైల్ ఇన్వెస్టర్స్ విభాగంలో 5 శాతం, పాలసీదారుల విభాగంలో 3 శాతం సబ్‌స్క్రైబ్ అయ్యాయి.

- జారీ చేస్తోన్న మొత్తం 22.13 కోట్ల షేర్లలో 9.88 కోట్ల షేర్లు క్వాలిఫైడ్ ఇనిస్టిట్యూషనల్ కొనుగోలుదారులకు, 2.6 కోట్ల షేర్లు నాన్-ఇనిస్టిట్యూషనల్ కొనుగోలుదారులకు, 15,81,249 షేర్లు ఉద్యోగులకు, 2,21,37,492 షేర్లు పాలసీదారులకు కేటాయించింది.

- రిటైల్, సంస్థాగత ఇన్వెస్టర్లు, ఉద్యోగులు, పాలసీదారులు బుధవారం నుండి ఎల్ఐసీ ఐపీఓకు దరఖాస్తు చేసుకోవచ్చు.

- ఎల్ఐసీ పాలసీదారులకు 10 శాతం షేర్లు కేటాయించారు. ఎల్ఐసీ ఉద్యోగులకు 0.7 శాతం షేర్లు కేటాయించారు. హౌస్ హోల్డ్ ఇన్వెస్టర్లకు 31.25 శాతం షేర్లు కేటాయించారు.