LIC: 10 కంపెనీల్లో పెట్టుబడులు పెంచిన ఎల్ఐసీ.. మీరూ కొనొచ్చా..?

LIC Investment: దేశంలోని అతిపెద్ద సంస్థాగత పెట్టుబడిదారులు అనగానే అందరికీ ముందుగా గుర్తుకొచ్చే పేరు ఎల్ఐసీ. వివిధ పాలసీలు, స్కీమ్స్ ద్వారా దేశంలోని ప్రజలు ఎల్ఐసీ వద్ద పెట్టిన డబ్బును సంస్థ పెట్టుబడులు పెడుతుంటుంది. ఈ క్రమంలో ఇన్సూరెన్స్ దిగ్గజం తన వాటాలను 10 కంపెనీల్లో పెంచుకుంది.

IRCTC స్టాక్..

సెప్టెంబర్ 30తో ముగిసిన మునుపటి త్రైమాసికంలో PSU టికెట్ బుకింగ్ & హాస్పిటాలిటీ కంపెనీ IRCTCలో ఎల్ఐసీ తన వాటాను 4.44 శాతం నుంచి Q3FY23లో 7.42 శాతానికి పెంచుకుంది. ఫిబ్రవరి 17, 2023న మార్కెట్ ధర రూ.649.80తో IRCTC మార్కెట్ క్యాప్ రూ.51,984 కోట్లుగా ఉంది.

వోల్టాస్..

ఇన్సూరెన్స్ మేజర్ డిసెంబర్ 31, 2022తో ముగిసిన త్రైమాసికంలో టాటాలకు చెందిన ఓల్టాస్ కంపెనీలో 9.88 శాతం ఈక్విటీ వాటాలను కలిగి ఉంది. అంతకు ముందు ఇదే త్రైమాసికంలో ఇది 8.24 శాతంగా ఉంది. దేశంలో అతిపెద్ద ఎయిర్ కండీషనర్ తయారీ కంపెనీల్లో ఒకటైన వోల్టాస్ స్టాక్ ధర రూ.854.6 వద్ద రూ.28,277 కోట్ల మార్కెట్ విలువను కలిగి ఉంది.

Mphasis..

సాఫ్ట్‌వేర్ డెవలపింగ్ కంపెనీ Mphasisలో ఎల్‌ఐసీ ప్రస్తుతం 3.66 శాతం పెట్టుబడులను కలిగి ఉంది. గతంలో కంపెనీలో ఎల్ఐసీ కేవలం 2.1 శాతం వాటాలను కలిగి ఉంది. ప్రస్తుతం స్టాక్ ధర మార్కెట్లో రూ.2,236.30 వద్ద ఉంది. దీంతో ఎంఫాసిస్ మార్కెట్ క్యాప్ రూ.42,129 కోట్లుగా ఉంది.

టెక్ మహీంద్రా..

దేశీయ టెక్ కంపెనీల్లో ఒకటి ఆనంద్ మహీంద్రాకు చెందిన టెక్ మహీంద్రా. ఇటీవలి త్రైమాసికంలో LIC ఈ ఐటీ కంపెనీలో 7.44 శాతం వాటాలను కలిగి ఉంది. గతంలో పెట్టుబడులను గమనిస్తే ఈ పెట్టుబడులు కేవలం 5.96 శాతంగా మాత్రమే ఉన్నాయని వెల్లడైంది.

కాప్రి గ్లోబల్ క్యాపిటల్..

సెప్టెంబర్ 30, 2022 నాటికి LIC కాప్రి గ్లోబల్ క్యాపిటల్ కంపెనీలో 9.69 శాతం వాటాలను కలిగి ఉంది. దీనికి ముందు NBFCలో 8.25 శాతం వాటాను కలిగి ఉంది. ప్రస్తుతం స్టాక్ ధర రూ.703.5 వద్ద ఉండటంతో మార్కెట్ క్యాప్ రూ.14,495 కోట్లుగా ఉంది.

ఇతర కంపెనీలు..

ఇదే సమయంలో ఎల్ఐసీ ఇతర కంపెనీల్లో కూడా తన పెట్టుబడులను గతంలో కంటే పెంచింది. ఫార్మా మేజర్ డాక్టర్ రెడ్డీస్ లాబొరేటరీస్‌లో 8.95 శాతానికి పెట్టుబడిని పెంచింది. వెల్‌స్పన్ కార్ప్ కంపెనీలో 8 శాతం, దీపక్ నైట్రేట్ కంపెనీలో 6.44 శాతం, గెయిల్ ఇండియాలో 7.01 శాతం, HDFC AMCలో వాటాలను 9.12 శాతానికి పెంచింది.