LIC: ధన్ వృద్ధి పాలసీని ఉపసంహరించుకున్న ఎల్ఐసీ..

దేశంలో అతిపెద్ద బీమా కంపెనీ లైఫ్ ఇన్సూరెన్స్ కార్పొరేషన్ ఆఫ్ ఇండియా కీలక నిర్ణయం తీసుకుంది. తన ధన్ వృద్ధి పాలసీని ఉపసంహరించుకోవాలని నిర్ణయించింది. ఇది నాన్-లింక్డ్, నాన్-పార్టిసిపేటింగ్, వ్యక్తిగత జీవిత బీమా పాలసీ. ఇందులో పెట్టుబడి పెట్టడం ద్వారా పాలసీదారులు రక్షణ, పొదుపు రెండింటి ప్రయోజనాలను ఏకకాలంలో పొందుతున్నారు. పాలసీదారుడు పాలసీ వ్యవధిలో మరణిస్తే, అతని నామినీ కూడా గ్యారెంటీ రిటర్న్‌ల ప్రయోజనాన్ని పొందుతారు.

లైఫ్ ఇన్సూరెన్స్ కార్పొరేషన్ ఆఫ్ ఇండియా అధికారిక వెబ్‌సైట్‌లో ఇచ్చిన సమాచారం ప్రకారం, ఎల్ఐసీ ధన్ వృద్ధి పాలసీ ప్లాన్ 869, UIN 512N362V02 ఫిబ్రవరి 2న ప్రారంభించింది. ఇది ఏప్రిల్ 1, 2024న ఉపసంహరించకుంది. మీరు 10, 15, 18 సంవత్సరాల కాలానికి ఈ పాలసీలో పెట్టుబడి పెట్టవచ్చు. ఈ పాలసీని కొనుగోలు చేయడానికి కనీస వయస్సు 90 రోజుల నుండి 8 సంవత్సరాల వరకు ఉంది.

గరిష్ట వయస్సు 32 సంవత్సరాల నుంచి 60 సంవత్సరాల మధ్య ఉంది. ఈ పాలసీపై రుణ సౌకర్యం కూడా అందుబాటులో ఉంటుంది. ఈ పాలసీలో మీరు రూ. 1.25 లక్షల కనీస హామీ మొత్తాన్ని పొందుతున్నారు. అయితే ఎల్‌ఐసీ ఈ పాలసీని నిలిపివేసింది. మీరు దానిని సరెండర్ చేయాలనుకుంటే, పాలసీని సరెండర్ చేయడానికి సంబంధించిన నియమాల గురించి మేము మీకు తెలియజేస్తున్నాము.

ఎల్‌ఐసి నిబంధనల ప్రకారం, పాలసీని కొనుగోలు చేసిన తర్వాత, పాలసీదారు తన అవసరాన్ని బట్టి ఎప్పుడు కావాలంటే అప్పుడు పాలసీని సరెండర్ చేయవచ్చు. ఇలా చేసినప్పుడు, ఎల్ఐసీ సరెండర్ విలువ లేదా ప్రత్యేక సరెండర్ విలువను చెల్లిస్తుంది. మొదటి మూడేళ్లలో పాలసీ సరెండర్‌పై ఎల్‌ఐసీ సింగిల్ ప్రీమియంలో 75 శాతం సరెండర్ విలువగా చెల్లిస్తుంది.