Multibagger Stocks: LIC పెట్టుబడులు పెట్టిన మల్టీబ్యాగర్.. ఏడాదిలో సూపర్ లాభాలు

Multibagger Stocks: ఇటీవలి కాలంలో మల్టీబ్యాగర్ స్టాక్స్ ఒకటి తర్వాత మరొకటి బయటకు వస్తున్నాయి. ఇన్వెస్టర్లను సంపన్నులుగా మార్చేస్తున్నాయి. ఈ క్రమంలో తాజాగా ఎల్ఐసీ పెట్టుబడులు పెట్టిన కంపెనీ కూడా ఇన్వెస్టర్లకు స్వల్ప కాలంలో మంచి రాబడులను అందించింది.

ఇప్పటి వరకు మనం మాట్లాడుకున్నది రైల్ వికాస్ నిగమ్ లిమిటెడ్ కంపెనీ గురించే. ఈ స్టాక్ ఏడాది కాలంలోనే తన ఇన్వెస్టర్లకు సూపర్ లాభాలను అందించింది. ఈ క్రమంలో స్టాక్ ధర రూ.68.50 స్థాయి నుంచి రూ.127కి పెరిగింది. అంటే YTD ప్రాతిపధికన దాదాపు 85 శాతం లాభపడింది. ఈ కంపెనీలో ఇన్సూరెన్స్ దిగ్గజం ఎల్ఐసీకి దాదాపు 6.38 శాతం వాటాలు ఉన్నాయి.

ఆర్వీఎన్ఎల్ షేర్ ధర గత నెలలో రూ.72.75 నుంచి రూ.126.35 స్థాయికి పెరిగాయి. ఎన్ఎస్ఈలో ఈ క్రమంలో స్టాక్ దాదాపు 70 శాతం మేర పెరిగింది. అలాగే ఆరు నెలల కాలాన్ని పరిశీలిస్తే స్టాక్ ధర రూ.55 నుంచి రూ.126.35 స్థాయికి పెరిగి ఇన్వెస్టర్లకు మల్టీబ్యాగర్ అందాయి.

ఎవరైనా ఇన్వెస్టర్ 5 ఏళ్ల కిందట దీర్ఘకాలిక పెట్టుబడి ఆలోచనతో కంపెనీలో షేర్లను రూ.19.75 ధర స్థాయిలో లక్ష రూపాయలతో కొనుగోలు చేసి ఇప్పటి వరకు కొనసాగించి ఉంటే వారి పెట్టుబడి విలువ రూ.6.4 లక్షలకు చేరుకుని ఉండేది. ఈ క్రమంలో స్టాక్ ఆరు రెట్ల కంటే ఎక్కువ రాబడిని అందించింది. అలాగే ఎవరైనా ఇన్వెస్టర్ నెల రోజుల కిందట షేర్లలో లక్ష రూపాయలు పెట్టుబడిగా పెట్టి ఉంటే ఇప్పుడు దాని విలువ రూ.1.70 లక్షలుగా అయి ఉండేది.

Note: పైన అందించిన వివరాలు కేవలం అవగాహన కోసం మాత్రమే. అయితే వీటి ఆధారంగా ఎలాంటి ట్రేడింగ్ నిర్ణయాలు తీసుకోకండి. స్టాక్ మార్కెట్ పెట్టుబడులు నష్టాలతో కూడుకున్నవి. పెట్టుబడి నిర్ణయాలు తీసుకునే ముందు తప్పనిసరిగా మీ ఆర్థిక సలహాదారుడిని సంప్రదించండి.