Multibagger Stock: 3 వారాల్లో పైసా డబుల్ చేసిన స్టాక్.. భారీ అమ్మకాల ఒత్తిడిలోనూ పైపైకి.. మీ దగ్గర ఉందా..?

Multibagger Stock: కొన్ని స్టాక్స్ తన ఇన్వెస్టర్లకు స్వల్ప కాలంలోనే రెట్టింపు రాబడులను అందిస్తున్నాయి. ఇందుకోసం ఏళ్లకు ఏళ్లు ఎదురుచూడాల్సిన పనిలేదని ఈ స్టాక్ నిరూపించింది. కేవలం మూడు వారాల్లోనే ఇన్వెస్టర్ల డబ్బును డబుల్ చేసింది.

కంపెనీ వివరాలు..

గత నెల రోజులుగా స్టాక్ మార్కెట్‌లో అమ్మకాల ఒత్తిడి కొనసాగుతోంది. ఇలాంటి ఓలటైల్ సందర్భాల్లోనూ ఫుట్‌వేర్ కంపెనీ లిబర్టీ షూస్‌ తన ఇన్వెస్టర్ల సంపదను రెండితలు చేసి మల్టీబ్యాగర్ రాబడులను అందించింది. సెప్టెంబర్ నెలలో లిబర్టీ షూస్ షేర్ రికార్డు స్థాయిని తాకింది. అప్పటి నుంచి ఈ స్టాక్ క్రమంగా పెరుగుతూ వచ్చింది.

ఊహించని రాబడులు..

పాదరక్షల తయారీ కంపెనీ లిబర్టీ షూస్ లిమిటెల్ కేవలం ఒక్క నెలలో 104 శాతం లాభపడింది. ఇదే సమయంలో S&P BSE సెన్సెక్స్‌ 1.7 శాతం పతనమైంది. గడచిన ఐదు రోజుల్లో స్టాక్ ఏకంగా 30% వరకు పెరిగింది. ఏడాది ప్రాతిపదికన స్టాక్ 118.99% పెరిగింది. స్టాక్ 52 వారాల కనిష్ఠ ధర రూ.124.05 ఉండగా.. 52 వారాల గరిష్ఠ ధర 346.80గా ఉంది. ఈ రోజు మార్కెట్లు ముగిసే సమయానికి స్టాక్ ధర రూ.335.40 వద్ద ఉంది.

కంపెనీ వ్యాపారం..

లిబర్టీ షూస్ ప్రస్తుతం రోజుకు 50,000 బూట్లను తయారు చేయగల సామర్థ్యాన్ని కలిగి ఉంది. ఇది దేశీయ, అంతర్జాతీయ మార్కెట్లలో పది విభిన్న బ్రాండ్లను తయారు చేస్తోంది. లీప్ 7X, హీలర్, లూసీ & లూక్, AHA కంపెనీ యాజమాన్యంలోని బ్రాండ్‌లు. ఇవి మార్కెట్లో కస్టమర్ల నుంచి మంచి ఆదరణ పొందుతున్నాయి. 2022-23 సంవత్సరంలో 30 శాతం వృద్ధిని సాధించాలని కంపెనీ లక్ష్యంగా పెట్టుకుంది.