RBI News: ఆర్‌బీఐ రెపో రేటును 25 బేసిస్ పాయింట్లు తగ్గించే అవకాశం.. పండగే..

RBI Repo Rate: వాస్తవానికి గడచిన మానిటరీ పాలసీలో రిజర్వు బ్యాంక్ అమెరికా సెంట్రల్ బ్యాంక్ ఫెడ్ ని అనుకరించి వడ్డీ రేట్లను తగ్గిస్తుందని తొలుత అందరూ భావించారు. అయితే ఆ సమయంలోనే ఇజ్రాయెల్-ఇరాన్ యుద్ధం తీవ్రతరం కావటంతో ద్రవ్యోల్బణం గణనీయంగా దేశంలో పెరిగింది. అయితే ఇప్పుడు అందరి చూపులో డిసెంబర్ సమావేశంపై పడింది.

ఆర్థిక వృద్ధిని పెంచేందుకు రిజర్వ్ బ్యాంక్ ఆఫ్ ఇండియా డిసెంబర్‌లో కీలక పాలసీ రేటును 25 బేసిస్ పాయింట్లు తగ్గించి 6.25 శాతానికి తగ్గించవచ్చని నిపుణులు అంచనా వేస్తున్నారు. రానున్న రోజుల్లో ద్రవ్యోల్బణం ఓ మోస్తరుగా ఉంటుందని అంచనా. సెప్టెంబర్‌లో ద్రవ్యోల్బణం 5.49 శాతానికి పెరగగా.. ప్రస్తుత త్రైమాసికంలో ఇది 4.9 శాతానికి తగ్గుతుందని తెలుస్తోంది. జనవరి నుంచి మార్చి త్రైమాసికంలో ద్రవ్యోల్బణం 4.6 శాతానికి తగ్గవచ్చని నివేదిక పేర్కొంది. 2019 నుంచి వరుసగా 10 సమావేశాల్లో అత్యధిక రేట్లను చూస్తున్నాయి. రిజర్వు బ్యాంక్ గవర్నర్ శక్తికాంత దాస్ వచ్చే త్రైమాసికంలో ద్రవ్యోల్బణం తగ్గుతుందని అంచనాలను పంచుకున్నారు. గత మానిటరీ పాలసీలో ఆర్బీఐ తన వైఖరిని తటస్థానికి మార్చుకుంది.

ఇప్పుడు ఆర్థికవేత్తలు వృద్ధిలో కనిష్ట మందగమనాన్ని ఆశిస్తున్నందున రేటు తగ్గింపుకు బలమైన అవకాశం ఉందని తెలుస్తోంది. ఈ క్రమంలో రాబోయే సమావేశంలో వడ్డీ రేట్లపై చేసిన సర్వేలో మెగారిజీ ఆర్థిక వేత్తలు రెపో రేటును 25 బేసిస్ పాయింట్లు తగ్గించవచ్చని భావిస్తున్నట్లు వెల్లడించారు. భారత్ అత్యంత వేగంగా అభివృద్ధి చెందుతున్న ఆర్థిక వ్యవస్థగా అవతరిస్తుందని అంచనా. అంచనా వేసిన ద్రవ్యోల్బణం 2026 ప్రారంభంలో రిజర్వు బ్యాంక్ మోడరేట్ లక్ష్యం 4 శాతం కంటే ఎక్కువగా ఉంటుందని, దీని వలన సెంట్రల్ బ్యాంక్ రేట్లు తగ్గించడానికి చాలా తక్కువ అవకాశాన్ని ఉంచుతుందని ఆర్థికవేత్త మిగ్యుల్ చాంకో అన్నారు.

ప్రస్తుతం నిర్వహించిన పోల్ ప్రకారం డిసెంబరులో రేటు తగ్గింపు తర్వాత వచ్చే ఏడాది ఫిబ్రవరిలో ఆర్బీఐ రేట్ల తగ్గింపును కొనసాగించవచ్చని తెలుస్తోంది. ఇప్పటికే అమెరికా సెంట్రల్ బ్యాంక్ ఫెడరల్ రిజర్వ్, యూరోపియన్ సెంట్రల్ బ్యాంక్ తమ రేట్లను కనీసం 50 బేసిస్ పాయింట్లను తగ్గించిన సంగతి తెలిసిందే. మానిటరీ పాలసీ రూపకర్తలు అస్థిరమైన ఆహార ధరలు, వినియోగదారుల బాస్కెట్ ఫండమెంటల్స్ ద్వారా తమ జాగ్రత్తను నొక్కిచెబుతున్నారు. కాబట్టి ద్రవ్యోల్బణం డైనమిక్స్ నియంత్రణలో ఉందని బ్యాంక్ విశ్వసించే అవకాశం ఉందని ఆక్స్‌ఫర్డ్ ఎకనామిక్స్ ఆర్థికవేత్త అలెగ్జాండ్రా హర్మాన్ నివేదికలో పేర్కొన్నారు.