వావ్ ఏమీ ఆఫర్ గురూ: డెబిట్ కార్డు ద్వారా లోన్, ఆపై ఈఎంఐ కూడా, వివరాలివే..

కరోనా వైరస్ మార్కెట్లపై పెను ప్రభావం చూపించింది. బ్యాంకులు కొత్త రుణాల విషయంలో ఆచి తూచి మరీ అడుగేస్తున్నాయి. అయితే ప్రముఖ ప్రైవేట్ బ్యాంక్ కోటక్ మహీంద్రా మాత్రం డెబిట్ కార్డు ఉంటేనే లోన్ ఇస్తామని చెబుతోంది. రుణం ఇవ్వడమే కాకుండా ఈఎంఐ సౌలభ్యం కూడా అందజేస్తోంది. అయితే డెబిట్ కార్డు యూజర్స్ ఇన్నొవిటి పీఓఎస్ టర్మినల్స్ వద్ద మాత్రమే స్వైప్ చేస్తే రుణ సదుపాయం పొందే వీలు ఉంటుంది.

కోటక్ మహీంద్రా బ్యాంకుకు కోటి మందికి పైగా వినియోగదారులు ఉన్నారు. వీరందరికీ డెబిట్ కార్డు ఉంది. ఒకవేళ ఎవరైనా అవసరం ఉంది అనుకుంటే లోన్ తీసుకునే అవకాశం ఉంటుంది. రుణం కోసం ప్రయత్నిస్తోన్న వారికి ఈ సదుపాయం వరంగా మారనుంది. దేశవ్యాప్తంగా 1000 పట్టణాల్లో 70 వేలకు పైగా ఇన్నొవిటి టర్మినల్స్ అందుబాటులో ఉన్నాయి. సదరు యూనిట్ వద్ద వినియోగదారులు లోన్ విషయం, ఈఎంఐ గురించి ముందుగానే క్యాషియర్‌కు చెప్పాల్సి ఉంటుంది.

షాపింగ్‌కు వచ్చిన సమయంలో ఎన్ని నెలలు ఈఎంఐ ఆప్షన్ పెట్టుకుంటున్నారో ముందుగా తెలియజేయాలి. ఆ తర్వాతే లావాదేవీ నిర్వహించాలి. తొలుత కార్డు ఇన్నొవిటీ పీవోఎస్ టర్మినల్‌లో స్వైప్ చేయాలని.. వెంటనే ఇన్‌స్టంట్ లోన్ మంజూరవుతోందని తెలిపింది.