Success Story: రూ.కోటి జీతం వదులుకుంది.. రూ.4 వేల కోట్ల కంపెనీని నిర్మించింది, సెభాష్..

Vineeta Singh Success: భారతదేశంలో ఉద్యోగాలు చేసేవారు లక్షల రూపాయల వార్షిక ప్యాకేజీలను సైతం వద్దనుకుని తమ సొంత వ్యాపార ఆలోచనలను పట్టాలెక్కిస్తున్నారు. ఈ క్రమంలో రిస్క్ ఉన్నప్పటికీ రిటర్న్ కూడా అదే స్థాయిలో ఉంటుందని వారు భావిస్తున్నారు. పైగా ప్రస్తుతం ఉన్న టెక్నాలజీ కూడా వారి వ్యాపారాలను ముందుకు నడిపించటానికి దోహదపడుతోంది.

ఇప్పుడు మనం మాట్లాడుకోబోతున్నది షుగర్ క్యాండీ కాస్మెటిక్స్ సహ వ్యవస్థాపకులు వినీతా సింగ్ సక్సెస్ స్టోరీ గురించే. ప్రముఖ షో షార్క్ ట్యాంక్ సీజన్ 4లో కూడా ఆమె జడ్జిగా వ్యవహరించిన సంగతి తెలిసిందే. వాస్తవానికి మహిళల్లో బ్యూటీ ఉత్పత్తులు విశ్వాసాన్ని ఎలా పెంచుతాయో ప్రపంచానికి చూపించింది. దీంతో కంపెనీ ఉత్పత్తులకు దేశవ్యాప్తంగా మంచి గుర్తింపు వచ్చింది. దేశంలోని ప్రతి ఒక్కరి చర్మానికి అనుకూలమైన ఉత్పత్తులను తయారు చేయటంతో షుగర్ కాస్మెటిక్స్ మంచి పేరు ప్రఖ్యాతలను అందుకుంది.

వాస్తవానికి ఆమె తన 23 ఏళ్ల వయస్సులో ఒక ఇన్వెస్ట్మెంట్ బ్యాంక్ అందించిన రూ.కోటి జాబ్ ఆఫర్ వదులుకుని వ్యాపారవేత్తగా మారాలనే తన కోరికను ముందుకు తీసుకెళ్లారు. ప్రస్తుతం ఆమె కంపెనీ వార్షిక ఆదాయం రూ.500 కోట్లకు చేరుకుంది. ఆమె కుటుంబం గుజరాత్ ఆనంద్ ప్రాంతం నుంచి దిల్లీకి వచ్చింది. 1983లో దిల్లీలో పుట్టిన ఆమె చదువు అక్కడే దిల్లీ పబ్లిక్ స్కూల్ లో జరిగింది. చిన్న తనంలో ఆమె ఇంటింటికీ తిరిగి పత్రికలను అమ్మటం ద్వారా వ్యవస్థాపక స్ఫూర్తిని కొనసాగించింది. అలాగే ఐఐటీ మద్రాసులో 2005లో ఎలక్ట్రికల్ ఇంజనీరింగ్ ఆ తర్వాత 2007లో ఐఐఎం అహ్మదాబాదులో పూర్తి చేశారు.

ఈ క్రమంలో ఆమె షార్క్ ట్యాంక్ కార్యక్రమంలో డజనుకు పైగా స్టార్టప్ కంపెనీల్లో పెట్టుబడులు పెట్టారు. స్కిప్పీ ఐస్ పాప్సికల్స్, కాసిక్, బ్లూపైన్ ఫుడ్స్, బాజ్, ఎన్ఓసీడీ, హార్ట్ అప్ మై స్లీవ్స్, సన్ ఫాక్స్ టెక్నాలజీస్, ది క్విర్కీ నారీ, హంపీ ఏ2 మిల్క్, వకావో, కబడి అడ్డా, జైన్ షికజీ మసాలా, నోమడ్ ఫుడ్ ప్రాజెక్ట్, గెట్ ఏ వే కంపెనీల్లో పెట్టుబడులను పెట్టారు. ప్రస్తుతం నినీత షుగర్ అండ్ ఫ్యాబ్ బ్యాగ్ కంపెనీల్లో సహ పెట్టుబడిదారుగా ఉన్నారు. ఆమె ప్రయాణం వర్ధమాన వ్యాపారవేత్తలకు శక్తివంతమైన ప్రేరణగా నిలుస్తోంది. ప్రస్తుతం కంపెనీ విలువ 90 మిలియన్ డాలర్లుగా ఉంది.

ఆమె ప్రారంభ వెంచర్లు విఫలమైన లోదుస్తుల బ్రాండ్, పరిమిత వృద్ధి సామర్థ్యంతో సేవా ఆధారిత వ్యాపారంతో సహా అడ్డంకులను ఎదుర్కొన్నాయి. ఈ ఎదురుదెబ్బలకు భయపడకుండా ఆమె తన భర్త కౌశిక్ ముఖర్జీతో కలిసి 2012లో షుగర్ కాస్మటిక్స్‌ని సహ-స్థాపన చేసింది. ఈ బ్రాండ్ సరసమైన ధరకే అధిక నాణ్యత కలిగిన మేకప్‌ను అందించడంపై దృష్టి సారించింది. ఆమె ముంబైలోని ఒక విలాసవంతమైన అపార్ట్‌మెంట్‌లో నివసిస్తుండడంతో సింగ్ విజయం స్పష్టంగా కనిపిస్తుంది.