Success Story: రోజుకు రూ.200 కోసం కష్టపడ్డాడు.. ఇప్పుడు రూ.1000 కోట్ల టార్గెట్, అమేజింగ్ సక్సెస్

Shiju Pappen Story: చాలా మంది సక్సెస్ ఫుల్ పీపుల్ తమ జీవితాన్ని చాలా నిరాఢంబరంగానే ప్రారంభించిన సంగతి వారి విజయగాథలు చూసినప్పుడు మనకి అర్థమౌతుంది. అయితే ఈ ప్రయాణంలో రోజుకు వందలు సంపాదించటానికి కష్టాలు పడ్డా చాలా మంది తర్వాతి కాలంలో కోట్ల రూపాయాల వ్యాపారాలను స్థాపించిన సంగతి తెలిసిందే. అయితే దీనికి అకుంటిత దీక్షతో కూడిన పట్టుదల చాలా అవసరం అని మరోసారి రుజువైంది.

ఇప్పుడు మనం మాట్లాడుకోబోతున్నది షిజూ పప్పన్ గురించే. ఆయన విజయం దూరదృష్టిని నిదర్శనంగా చెప్పుకోవచ్చు. తొలినాళ్లలో నెలకు రూ.5-6 వేలు సంపాదన కోసం రెస్టారెంట్లో పనిచేసిన రోజుల నుంచి తన ప్రయాణాన్ని మెుదలుపెట్టారు. రాజస్థాన్ లోని చిన్న పట్టణంలో పుట్టిన షిజు చిన్నతనంలోనే తల్లిదండ్రులను కోల్పోయాడు. దీంతో 1997లో వ్యక్తిగత కష్టాలతో దిల్లీ నగరానికి బతకటం కోసం వెళ్లాడు. ఈ క్రమంలో పిజ్జా హట్‌లో కస్టమర్లకు సర్వ్ చేయటం నుంచి ప్లేట్లు కడగటం వరకు అనేక పనులు చేశాడు. అయితే ఈ చిన్న సంపాదనతో తిండి, కరెంటు బిల్లు, రెంట్ వంటి అవసరాలు తీర్చుకోవటం కూడా కష్టంగా ఉండేదని వెల్లడించాడు.

ఇంత కష్టాల్లో ఉన్నప్పటికీ తన భవిష్యత్తు ఆశలను నెరవేర్చుకునేందుకు పనిచేయటం ప్రారంభించాడు. అలా ఫాస్ట్ ఫుడ్ రంగంలో 20 ఏళ్ల అనుభవంతో మార్కెట్లో చిరుతిండ్లకు పెద్ద గ్యాప్ ఉన్నట్లు గుర్తించాడు. దీంతో చట్‌పటా అఫైర్స్ ప్రారంభించాడు. ప్రస్తుతం ఈ కంపెనీ ఆదాయం ఏటా రూ.8 కోట్లుగా ఉంది. ఇప్పుడు భారతదేశం అంతటా 50 అవుట్‌లెట్‌లు ఉండగా వాటిలో అధిక శాతం ఫ్రాంచైజ్ మోడల్ కింద నడుస్తున్నాయి. ఒక ఔట్ లెట్ స్థాపనకు 5-6 లక్షలు ఖర్చవుతుండగా రూ.60-70 వేలు నెలకు ఆదాయాన్ని తెచ్చిపెడుతాయని తెలుస్తోంది. 2027 నాటికి దేశవ్యాప్తంగా ఔట్‌లెట్ల సంఖ్యను 500కి పెంచాలని కంపెనీ ప్లాన్ చేస్తోంది. దీని ద్వారా వార్షిక ఆదాయాన్ని రూ.1,000 కోట్లకు చేర్చాలని కంపెనీ లక్ష్యంతో పనిచేస్తోంది.

భవిష్యత్తును దృష్టిలో ఉంచుకుని షిజు మధ్యప్రాచ్యం, ఐరోపాలో వ్యాపారాన్ని విస్తరించే అవకాశాలను అన్వేషిస్తున్నారు. బెంగుళూరులో ఉన్న చట్‌పాటా అఫైర్స్ ఇప్పుడు 200 మంది ఉద్యోగులతో అద్భుతమైన వృద్ధి ప్రయాణాన్ని కొనసాగిస్తోంది. చత్‌పాటా వ్యవహారాల స్థాపకుడిగా అతను భారతీయ స్టీట్ ఫుడ్ ని ప్రపంచ వేదికపై ఉంచాలనే లక్ష్యంతో ఉన్నారు. కంపెనీ స్టోర్లు ప్రస్తుతం బెంగళూరు, చెన్నై, గురుగ్రామ్, హైదరాబాద్ వంటి ప్రధాన నగరాల్లో కూడా ఉన్నాయి. బీహార్‌లోని ప్రసిద్ధ లిట్టి చోఖా నుండి ఉత్తర భారతదేశంలోని రుచికరమైన చాట్ వరకు మెనూలో దాదాపు 200 వంటకాలను చట్‌పాటా అఫైర్స్ అందిస్తోంది. ఇది నేటి తరం యువతకు మార్గనిర్థేశకంగా నిలుస్తోంది.