Success Story: పుట్టింది హైదరాబాదులో.. రూ.64తో మెుదలైన ప్రయాణం, వేలకోట్లకు అధిపతి..

Prem Watsa Success: గడచిన కొన్ని దశాబ్ధాలుగా భారతీయ విద్యార్థులు ఉన్నత విద్య కోసం కెనడాకు వెళుతున్న సంగతి తెలిసిందే. అయితే అలా కెనడాకు వెళ్లిన ఐఐటీ గ్రాడ్యుయేట్ వి ప్రేమ్ వాట్సా ప్రస్తుతం కెనడాలో అత్యంత సంపన్నుడిగా మారారు. ఆయన ఐఐటీ మద్రాసులో గ్రాడ్యుయేషన్ పూర్తి చేశారు.

ప్రస్తుతం ప్రేమ్ వాట్సా కెనడాలో స్థిరపడిన భారతీయ సంపన్నుడు. పైగా సంపన్న వ్యాపారవేత్తగా గుర్తింపు తెచ్చుకున్నారు. వాస్తవానికి వాట్సా హైదరాబాదులో జన్మించారు. మధ్యతరగతి కుటుంబానికి చెందిన వాట్సా ఐఐటీ మద్రాసులో కెమికల్ ఇంజనీరింగ్ పూర్తి చేశారు. దీని తర్వాత ఓంటారియా కెనడాలో పై చదవుల కోసం వెల్లారు. ఆర్థిక పరిస్థితుల కారణంగా విదేశాలకు వెళ్లటం చాలా కష్టంగా నడిచింది. ఆ సమయంలో కేవలం జేబులో 8 డాలర్లతో ప్రయాణాన్ని కొనసాగించారు. అయితే తన చదువును కొనసాగించటం కోసం కెనడాలో ఎయిర్ కండిషనర్లు, ఫర్నేసులు వంటి వస్తువులను అమ్మటం ప్రారంభించారు.

అయితే అలా కెనడాలో తన జీవితం కొనసాగుతున్న సమయంలోనే నష్టాల్లో ఉన్న కెనడియన్ కంపెనీని కొనుగోలు చేసి దాని పేరును ఫెయిర్ ఫాక్స్ ఫైనాన్షియల్ హోల్డింగ్స్ గా మార్చారు. 1985లో కంపెనీకి సీఈవోగా మారగా ఇప్పటికీ అదే స్థానాన్ని కొనసాగిస్తున్నారు. మెుదటి 15 ఏళ్లుగా కంపెనీని వృద్ధి బాటలో నడిపించి మల్టీబిలియన్ డాలర్ల స్థాయికి చేర్చారు. 2012లో కంపెనీ ఆదాయం 8 బిలియన్ డాలర్లకు చేరుకుంది. భారతీయ కరెన్సీ ప్రకారం రూ.65,717 కోట్లుగా నమోదైంది. భారతీయ ప్రభుత్వం వాత్సాను పద్మశ్రీ అవార్డుతో సత్కరించింది. అలాగే కెనడా తన అత్యుత్తమ పౌర పురస్కారం ఆర్డర్ ఆఫ్ కెనడాతో సత్కరించింది.

ప్రస్తుతం ప్రేమ్ వాట్సా నికర విలువ దాదాపు రూ.17,430 కోట్లుగా ఉంది. అతను కెనడా వ్యాపార రంగంలో ప్రత్యేకంగా నిలిచారు. కెనడాలో ఉత్తమ వ్యాపారవేత్తగా గుర్తింపు తెచ్చుకున్నప్పటికీ వాట్సా భారతీయ బిలియనీర్లు ముఖేష్ అంబానీ, గౌతమ్ అదానీ వంటి వీటితో పోటీపడే స్థాయిలో లేరు. వృత్తిపరమైన ప్రయాణాన్ని చూస్తే 1974లో కాన్ఫెడరేషన్ లైఫ్ ఇన్సూరెన్స్ కంపెనీతో ప్రారంభమైంది. అక్కడ అతను పెట్టుబడి నిర్వహణలో విలువైన అనుభవాన్ని నేర్చుకున్నాడు. దీని తర్వాత హాంబ్లిన్ వాట్సా ఇన్వెస్ట్‌మెంట్ కౌన్సెల్ లిమిటెడ్‌ను సహ-స్థాపించాడు. 1985లో ఫెయిర్‌ఫాక్స్ ఫైనాన్షియల్ హోల్డింగ్స్‌పై నియంత్రణను తీసుకున్నాడు.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.