Success Story: కేరళ యువత అద్భుతం.. 80 రోజుల్లో రూ.12 లక్షలు లాభం..

Watermelon Cultivation: కేరళలోని పెరింతల్మన్న సమీపంలోని కరించపాడికి చెందిన రైతు సైఫుల్లా పుచ్చకాయ సాగుపై దృష్టి సారించి బాగా లాభాలు గడించాడు. కేవలం 80 రోజుల్లో 12 లక్షల రూపాయల లాభాన్ని ఆర్జించినట్లు వెల్లడించటం అందరినీ ఆకర్షిస్తోంది.

ప్రస్తుతం ఎండాకాలం కావడంతో వేసవి తాపాన్ని తట్టుకునేందుకు అనేక మంది పండ్లు, పండ్ల రసాలను ఎక్కువగా తీసుకుంటున్నారు. ఈ క్రమంలోనే సైఫుల్లా పుచ్చకాయ సాగుపై దృష్టి సారించాడు. పుచ్చ సాగులో కొత్త విధానాలను అవలంబిస్తూ మంచి లాభాలు గడిస్తున్నాడు. ఎలక్ట్రానిక్స్ అండ్ బయోస్టాటిస్టిక్స్ పట్టభద్రుడైన సైఫుల్లా 8 ఎకరాల భూమిని కౌలుకు తీసుకుని సాగు చేస్తున్నాడు. దీంతో యువ రైతు రాష్ట్ర అవార్డు గ్రహీత కూడా. వ్యవసాయం పట్ల చాలా ఆసక్తి ఉండడంతో కూరగాయలు, పుచ్చకాయలు పండిస్తున్నాడు.

సైఫుల్లా ఇతర కూరగాయలు పండిస్తున్నప్పటికీ.. అతనికి ఇష్టమైన పంట పుచ్చకాయ. తొలిసారిగా 2016లో రెండెకరాల భూమిని కౌలుకు తీసుకుని పుచ్చసాగు ప్రారంభించాడు. మంచి లాభం రావటంతో 8 ఏళ్లుగా వ్యవసాయంలో చురుకుగా నిమగ్నమై ఉన్నాడు. పుచ్చకాయలను పండించడానికి మట్టి కోతను నివారించడానికి డ్రిప్ ఇరిగేషన్ & ప్లాస్టిక్ షీటింగ్ ఆధునిక పద్ధతులను ఉపయోగిస్తున్నారు. ఎకరాకు 4500 మొక్కల చొప్పున పుచ్చకాయ విత్తనాలు విత్తారు.

సైఫుల్లా ప్రస్తుతం లేత ఆకుపచ్చ నుంచి ఎరుపు, పసుపు, నారింజ వరకు వివిధ రంగుల్లో అన్యదేశ రకాల పుచ్చకాయలను పెంచుతున్నాడు. అవన్నీ వివిధ ప్రైవేట్ సంస్థల పరిశోధనలో అభివృద్ధి చేయబడ్డాయి. ముదురు ఆకుపచ్చ చర్మంతో పాటు లోపల ఎర్రగా ఉండే పుచ్చకాయ పండ్లు ఇప్పుడు పెద్ద మొత్తంలో ఉత్పత్తి అవుతున్నాడు. కానీ నారింజ మరియు పసుపు పండ్ల విత్తనాలు సాంప్రదాయ పండ్ల విత్తనాల కంటే 10 రెట్లు ఎక్కువ. 5000 సాధారణ పుచ్చకాయ విత్తనాలు ఎకరాకు రూ.10,000, నారింజ- పసుపు రకాలు రూ.50,000 కూడా విక్రయిస్తున్నారు.

బయట పచ్చగా, లోపల ఎరుపు రంగులో ఉండే సంప్రదాయ పుచ్చకాయలు రూ.25కి విక్రయించారు. అలాగే అన్యదేశ పుచ్చకాయలు రూ.40 వరకు విక్రయించారు. సైఫుల్లా తన ఉత్పత్తిలో 60% నేరుగా రిటైల్ దుకాణాలకు విక్రయిస్తూ అధిక లాభాలను అందుకుంటున్నారు. భూమిని లీజుకు తీసుకోవడం ద్వారా విత్తన ఎరువులు వంటి ఖర్చులను సమర్థవంతంగా నిర్వహించడం వల్ల ఎక్కువ లాభాలు పొందవచ్చని సైఫుల్లా చెప్పారు.