Success Story: ఓలా-ఉబెర్‌లను వెనక్కు నెట్టిన స్టార్టప్.. కథమార్చేసిన ఇద్దరు స్నేహితులు..

BluSmart Cabs: ఒకప్పుడు మార్కెట్లో క్యాబ్-హెయిలింగ్ దిగ్గజాలుగా ఓలా, ఉబెర్ నిలిచాయి. వీటితో మార్కెట్లో భారీ పోటీ కూడా నెలకొంది. ఈ క్రమంలోనే మార్కెట్లోని ఆటను మార్చేందుకు ఇన్నోవేషన్ కోసం అవకాశాన్ని అందిపుచ్చుకుంది బ్లూ స్మార్ట్ క్యాబ్స్.

2017లో సోలార్ పవర్ ప్లాంట్ ఇండస్ట్రీలో విజయవంతమైన వ్యాపారవేత్తగా పునీత్ కే గోయల్ కొనసాగుతున్నారు. ఈ క్రమంలో ఉబెర్ సీఈవోతో జరిగిన సంభాషనలో రానున్న కాలంలో ఎలక్ట్రిక్ వాహనాలకు మంచి అవకాశం ఉందని గ్రహించారు. దీంతో ఇండియాలో పూర్తిగా ఎలక్ట్రిక్ క్యాబ్ సర్వీస్ ప్రారంభించాలనే తన ఆలోచనను జెన్సాల్ ఇంజనీరింగ్ కు చెందిన అమోల్ జగ్గికి వెల్లడించారు. అలా వారు ఈ ప్రాజెక్టుపై దాదాపు రెండు సంవత్సరాలు సమయం వెచ్చించారు.

ఆ సమయంలో దేశీయంగా క్యాబ్ సర్వీసుల్లో ఇన్ సెంటివ్స్ తగ్గటం, సర్వీస్ క్వాలిటీ తగ్గటం, ఎక్కువగా క్యాబ్ సర్వీసులు క్యాన్సిల్ కావటం వంటి అనేక సమస్యలను వీరు గమనించారు. వీటిని పూరించేందుకు 2019లో ఎలక్ట్రిక్ కార్ల హెయిలింగ్ సేవలను వీరు ప్రారంభించారు. ఈ క్రమంలోనే తుషార్ గార్గ్, రిషబ్ సూద్, అనిరుధ్ అరుణ్ వారి మిషన్‌కు సహ వ్యవస్థాపకులుగా చేరారు.

EV కార్ల ప్రారంభంలో ఉబెర్ ప్లాట్‌ఫారమ్‌లో పనిచేసింది. ఆ తర్వాత తన సొంత యాప్‌ను రూపొందించడానికి స్టార్ట్-అప్‌కు మార్గం సుగమం చేసింది. ఒక స్వతంత్ర సంస్థగా ఉద్భవించి.. ధరల పెరుగుదల, రైడ్స్ రద్దు వంటి సమస్యలను పరిష్కరించి షెడ్యూల్డ్ రైడ్‌లను ప్రవేశపెట్టింది. తన ఎలక్ట్రిక్ కార్ల ఫ్లీట్ కోసం ఛార్జింగ్ సూపర్‌హబ్‌లను ప్రారంభించింది. కంపెనీ ప్రస్తుతం 4,000 ఛార్జింగ్ స్టేషన్‌లను కలిగి ఉంది. కంపెనీ బెంగళూరు, దిల్లీ వంటి నగరాల్లో 5500 కంటే ఎక్కువ కార్లను కలిగి ఉంది.

కంపెనీ తన డ్రైవర్లకు, సొంత క్యాబ్‌ల అవసరాన్ని తొలగించడం ద్వారా కంపెనీ గణనీయమైన ఆర్థిక భారాన్ని తగ్గిస్తుంది. వారికి ఇన్సూరెన్స్ కవరేజ్, విశ్రాంతి స్థలాలు, భోజన సౌకర్యాలు వంటి అవసరమైన సౌకర్యాలను కూడా అందిస్తోంది. ప్రారంభం నుంచి BluSmart 18,000 కంటే ఎక్కువ డ్రైవర్ భాగస్వాములను ఆన్‌బోర్డ్ చేసింది. 10 మిలియన్ల ఎలక్ట్రిక్ ట్రిప్పులను విజయవంతంగా అమలు చేసినందుకు 330 మిలియన్ల ఎలక్ట్రిక్ కిమీలను కవర్ చేసి దాదాపు 24,000 మెట్రిక్ టన్నుల CO2ని ఆదా చేసింది. అలా కంపెనీ తన విజయవంతమైన ప్రయాణాన్ని కొనసాగిస్తోంది.