Success Story: అమెరికాలో ఉద్యోగం మానేసింది.. రూ.8,500 కోట్ల వ్యాపార నిర్మించింది..

Ameera Shah: యుక్త వయస్సులో నేటి యువత స్టార్టప్ కంపెనీలను ప్రారంభిస్తూ ప్రస్తుతం హల్ చెల్ చేస్తున్నారు. అయితే దీనిని కొన్ని దశాబ్దాల కిందటే ఫాలో అయిన వారి సక్సెస్ స్టోరీ గురించి ఇప్పుడు తెలుసుకుందాం.

ఇప్పుడు మనం మాట్లాడుకోబోతున్నది దేశంలో అతిపెద్ద హెల్త్ కేర్ కంపెనీల్లో ఒకటిగా ఉన్న మెట్రోపాలిస్ స్థాపన వెనుక ఉన్న అమీరా షా గురించే. తన 21వ ఏటనే ఆశయం కోసం అమెరికాలో ఎక్కువ జీతం వచ్చే ఉద్యోగాన్ని వదులుకుని ఇండియాకు తిరిగి వచ్చేసింది. వైద్యుల కుటుంబంలో పుట్టిన అమీరా షా మాత్రం వైద్య వృత్తిని ఎంచుకోలేదు. తనకున్న ఎంటర్ ప్రెన్యురల్ స్కిల్స్, వ్యాపార చెతురతతో తండ్రి చిన్న ల్యాబ్‌ను ప్రస్తుతం రూ.8,500 కోట్ల ఎంటర్‌ప్రైజ్‌గా తీర్చిదిద్దింది.

ప్రస్తుతం అమీరా షా మెట్రోపాలిస్ హెల్త్‌కేర్ మేనేజింగ్ డైరెక్టర్ గా కొనసాగుతున్నారు. ముంబై కేంద్రంగా పనిచేస్తున్న సంస్థ 7 దేశాల్లో ప్రముఖ డయాగ్నస్టిక్ చైన్ కార్యకలాపాలను కొనసాగిస్తోంది. అసలు ఇండియాకి రాక ముందర షా యూఎస్‌లోని గోల్డ్‌మన్ శాక్స్‌లో తన ప్రయాణాన్ని ప్రారంభించారు. అలా తండ్రి అమీరా సుశీల్ షా వ్యాపారాన్ని టేకోవర్ చేసి సాంకేతికత వినియోగను ప్రవేశపెట్టింది. ఇక కుటుంబంలోని డాక్టర్ల చిట్టా చూస్తే.. తల్లి దురు షా గైనకాలజిస్ట్, సోదరి జన్యు శాస్త్రవేత్త.

దాదాపు రూ.600 కోట్లను అప్పుగా తీసుకుని దానిని ఓ కంపెనీ షేర్లలో ఇన్వెస్ట్ చేసింది. దాని నుంచి వచ్చిన ఆదాయాన్ని సంపాదించింది. అలా 2022లో అమీరా షా హురున్ సంపన్న మహిళల జాబితాలో చోటు దక్కించుకుంది. అలాగే 2017 నుంచి 2019 మధ్య ఆమె ఫార్చ్యూన్ ఇండియా 50 అత్యంత శక్తివంతమైన మహిళా పారిశ్రామికవేత్తల జాబితాలోనూ నిలిచింది.

అలా 2019లో మెట్రోపాలిస్ హెల్త్‌కేర్ ఇండియన్ స్టాక్ కంపెనీ దేశీయ స్టాక్ మార్కెట్లలో జాబితా చేయబడింది. ప్రస్తుతం కంపెనీ 5 కొవిడ్ ల్యాబ్స్ నడుపుతోంది. ప్రతిరోజూ వేలాది పరీక్షలను నిర్వహిస్తూ ప్రజలకు ఖచ్చితమైన సమాచారాన్ని అందిస్తోంది.