హీరో రామ్ చరణ్ భార్య ఉపాసన ఆస్థి ఎంతో తెలుసా..? ఆమె రేంజ్ ఇదే..

టాలీవుడ్ హీరో RRR సినిమాతో పాన్ ఇండియా గుర్తింపును దక్కించుకున్నారు. మెగాస్టార్ చిరంజీవి వారసుడి రేంజ్ ఆస్కార్‌తో ఒక్కసారిగా మారిపోయింది. అయితే ఆయన భార్య ఉపాసన బ్యాగ్రౌండ్ కూడా పెద్దదే. ఇటీవల ఈ దంపతులకు ఆడపిల్ల పుట్టింది.

ఉపాసన కామినేని పెద్ద వ్యాపార కుటుంబానికి చెందిన కుమార్తె, అనేక కంపెనీల్లో కీలక పదవులను నిర్వహిస్తోంది. ఈ క్రమంలో ఇప్పుడు అపోలో హాస్పిటల్స్ నిర్వహిస్తున్న కామినేని కుటుంబం నుంచి వచ్చి ఉపాసన సంపదపై పడింది. ఉపాసన తాతగారు ప్రతాప్ సి.రెడ్డి అపోలో హాస్పిటల్స్ చైర్మన్ గా ఉన్నారు. ఆయన సంపద విలువ దాదాపు 21,000 కోట్లు కాగా.. నివేదిక ప్రకారం ఈ భార్యాభర్తలైన రామ్ చరణ్, ఉపాసనల నికర విలువ రూ.2,500 కోట్లని తెలుస్తోంది.

ప్రస్తుతం ప్రతాప్ సి.రెడ్డి దేశంలోని 100 మంది అత్యంత సంపన్నుల జాబితాలో ఒకరిగా ఉన్నారు. ఉపాసన అపోలో హాస్పిటల్స్ వైస్ ప్రెసిడెంట్‌గా ఉండగా.. ఆమె తల్లి శోభన ఎగ్జిక్యూటివ్ వైస్ చైర్‌పర్సన్‌గా ఉన్నారు. అయితే ఉపాసన ఆస్తుల విలువ దాదాపు రూ.1,130 కోట్లని వెల్లడైంది. ఉపాసన ఇంటర్నేషనల్ బిజినెస్ మార్కెటింగ్ అండ్ మేనేజ్‌మెంట్‌లో పట్టభద్రురాలైంది. అపోలో హాస్పిటల్స్‌లో సీనియర్ పదవిని నిర్వహించడమే కాకుండా బి పాజిటివ్ అనే మ్యాగజైన్‌కు ఎడిటర్-ఇన్-చీఫ్‌గా కూడా ఉపాసన కొనసాగుతున్నారు.

రామ్ చరణ్, ఉపాసన కామినేనిల వివాహం 11 ఏళ్ల కిందట జూన్ 14, 2012న జరిగింది. మొదట్లో ఉపాసన కుటుంబ వ్యాపారంలో చేరడానికి ముందు ఫ్యాషన్ డిజైనర్ కావాలనుకున్నారు. అయితే ఆ తర్వాత హాస్పిటాలిటీ రంగంలోకి అడుగుపెట్టిన తర్వాత మనసు మార్చుకున్నారు. ఆమె మొదట్లో హైదరాబాద్‌లోని అపోలో హాస్పిటల్‌లో జనరల్ మేనేజర్‌గా పనిచేశారు. ఉపాసన తండ్రి అనిల్ కామినేని కూడా వ్యాపారవేత్త. ఆయన KEI గ్రూప్ వ్యవస్థాపకుడు.