IT Stocks: యూఎస్ అధ్యక్ష ఎన్నికలు దగ్గరపడ్డాయ్.. భారతీయ ఐటీ షేర్లపై ప్రభావం ఇదే.. జాగ్రత్త

US Elections 2024: ప్రస్తుతం అమెరికాలో అధ్యక్ష ఎన్నికల సమరం కొనసాగుతోంది. ఈ క్రమంలో చాలా మంది వ్యాపారవేత్తలు తిరిగి డొనాల్డ్ ట్రంపును అధికారంలోకి తీసుకొచ్చేందుకు సీక్రెట్ గా పనిచేస్తున్నారనే వార్తలు వస్తున్నాయి. అయితే మరోపక్క స్పేస్ ఎక్స్ అధినేత ఎలాన్ మస్క్ మాత్రం బాహాటంగానే ట్రంపు గెలుపుకోసం భారీగా నిధులు విరాళంగా ఇవ్వటంతో పాటు క్యాంపెయిన్ సైతం కొనసాగిస్తున్నారు. ఈ క్రమంలో ఎన్నికల ప్రభావం భారతీయ ఐటీ కంపెనీలపై ఎలా ఉంటుందనే చర్చ కొనసాగుతోంది.

అమెరికాలో ఏదైనా సంఘటన జరిగిన సందర్భంలో భారతీయ ఇన్వెస్టర్లు సాధారణంగా ఐటీ రంగం భవిష్యత్తు ఎలా మారుతుందనే అంచనా వేస్తుంటారు. ఈ రెండు దేశీల ఐటీ రంగం మధ్య బలమైన సంబంధం ఉండటమే దీనికి కారణం. ప్రస్తుతం అమెరికాలో అధ్యక్ష ఎన్నికలు సమీపిస్తున్న వేళ పెట్టుబడిదారులు ఐటీ రంగంలో రాబోయే ప్రభావాన్ని అంచనా వేస్తున్నారు. ఈ క్రమంలో కమలా హారిస్ విజయం సాధించిన సందర్భంలో ఈ రంగానికి, భారతదేశానికి వచ్చే పరిణామాలను, అలాగే డొనాల్డ్ ట్రంప్ తిరిగి ఎన్నికైతే పరిణామాలను కూడా మార్కెట్ విశ్లేషకులు పరిశీలిస్తున్నారు. ప్రధానంగా ఆటోమొబైల్స్, ఎనర్జీ, డిఫెన్స్, కమోడిటీస్ అండ్ మెటల్స్, ఫార్మాస్యూటికల్స్ వంటి రంగాలు సైతం ప్రభావితం కావచ్చని తెలుస్తోంది.

ప్రస్తుతం భారతీయ ఐటీ పరిశ్రమలోని ప్రధాన ఆటగాళ్లు ఎక్కువగా అమెరికా క్లయింట్లపై మెజారిటీ వ్యాపారం కోసం ఆధారపడి ఉన్న సంగతి తెలిసిందే. ఈ క్రమంలో టాప్ టెక్ దిగ్గజాలైన టీసీఎస్, ఇన్ఫోసిస్, విప్రో, హెచ్‌సీఎల్ టెక్నాలజీస్, టెక్ మహీంద్రా వంటి ప్రధాన భారతీయ ఐటి కంపెనీలు తమ ఆదాయంలో సగానికి పైగా యుఎస్ నుండి సంపాదిస్తున్నాయి. US ఆర్థిక వ్యవస్థలో మార్పులు ఈ సంస్థల ఆదాయాలు, వృద్ధి అవకాశాలపై ప్రత్యక్ష ప్రభావాన్ని చూపుతాయి. 2025 నాటకి భారతీయ ఐటీ కంపెనీల వ్యాపారం దాదాపు 20 బిలియన్ డాలర్లకు చేరుకుంటుందని ఇండియా బ్రాండ్ ఈక్విటీ ఫౌండేషన్ వెల్లడించింది. కరెన్సీ హెచ్చుతగ్గులతో కూడిన USలో వ్యాపారం నిర్వహించే విధానం కారణంగా IT రంగం ప్రత్యేకంగా ప్రభావితమవుతుందని కేజ్రీవాల్ రీసెర్చ్ అండ్ ఇన్వెస్ట్‌మెంట్ సర్వీసెస్ స్థాపకుడు అరుణ్ కేజ్రీవాల్ వెల్లడించారు.

అమెరికా అధ్యక్ష ఎన్నికల్లో ట్రంప్ వలస వ్యతిరేక విధానాల కారణంగా ఎన్నికైనట్లయితే ప్రారంభ ప్రభావాలు మరింత తీవ్రంగా కనిపిస్తాయని ఫిలిప్‌క్యాపిటల్ నివేదించింది. భారతీయ ఐటీ సంస్థలు ఆన్-సైట్ మార్కెట్‌లలో ఎక్కువ మంది స్థానిక సిబ్బందిని నియమించడం, సబ్‌కాంట్రాక్టర్లను ఉపయోగించడం, అదనపు సమీపంలోని డెలివరీ కేంద్రాలను ఏర్పాటు చేయడం ద్వారా ఈ ప్రమాదాన్ని తగ్గించడానికి ప్రయత్నించాయి. యూఎస్ ఎన్నికలు అక్కడి కంపెనీల ఐటీ వ్యయ విధానాలపై ఎటువంటి ప్రభావం చూపలేదని క్వెస్ట్ ఇన్వెస్ట్‌మెంట్ అడ్వైజర్స్ కు చెందిన సౌరభ్ పట్వా హెడ్ వెల్లడించారు.

రెండవ త్రైమాసికంలో భారతీయ ఐటీ రంగంలోని కంపెనీల నుంచి ఇప్పటి వరకు వచ్చిన ఫలితాలు చాలా వరకు అంచనాలను అందుకుంటున్నాయి. అమెరికాలో BFSI సెక్టార్ రికవరీని ఎదుర్కొంటోంది. వాల్యూమ్‌ల పెరుగుదల, విచక్షణతో కూడిన వ్యయం నెమ్మదిగా పెరగడం ద్వారా గుర్తించబడింది. ఇదే క్రమంలో యూరోపియన్ ముఖ్యంగా ఆటోమోటివ్ మరియు తయారీ రంగాల్లో, వివిధ కంపెనీల పనితీరును ప్రభావితం చేసే సవాళ్లు మిగిలి ఉన్నాయి. మొత్తం మీద సంస్థలు కఠినమైన స్థూల ఆర్థిక ల్యాండ్‌స్కేప్‌ను నావిగేట్ చేస్తున్నాయి. రాబోయే త్రైమాసికాల్లో ఐటీ రంగం మరింత పటిష్టమైన రికవరీ దిశగా సానుకూల సూచికలు సూచిస్తున్నాయని నిపుణులు చెబుతున్నారు. దీనికి తోడు అమెరికాలోని బ్యాంకుల నుంచి ఆకట్టుకునే ఫలితాలు ఆశాజనకంగా ఉన్నాయని నిపుణులు అంటున్నారు.