LIC News: బీమా రక్షణను కోల్పోకుండా LIC పాలసీ సరెండర్ చేయెచ్చు తెలుసా..??

Insurance News: కరోనా మహమ్మారిని చూసిన తర్వాత దేశంలో చాలా మంది తమ ఆరోగ్యం, ఫ్యామిలీ రక్షణ కోసం ఇన్సూరెన్స్ కంపెనీలను సంప్రదించటం పెరిగింది. తమ అవసరాలకు అనుగుణంగా వారు వివిధ రకాల పాలసీలను కొనుగోలు చేస్తున్న సంగతి తెలిసిందే.

లైఫ్ ఇన్సూరెన్స్ కార్పొరేషన్ ఆఫ్ ఇండియా నుంచి ఇన్సూరెన్స్ స్కీమ్స్ పొందిన పాలసీదారులకు ఓ రిలీఫ్ న్యూస్. బీమా పాలసీదారులకు సులభమైన పరిష్కారాలను అందించే సంస్థ ACESO.. ALIPని ప్రారంభించింది. ఇది పాలసీ సరెండర్ లేదా పాలసీ లాప్స్‌ను పరిగణనలోకి తీసుకున్న పాలసీదారులకు గొప్ప ఉపశమనాన్ని అందించబోతోంది. లైఫ్ ఇన్సూరెన్స్ పాలసీదారులు ఈ ప్లాట్‌ఫారమ్ సహాయంతో ఇకపై తమ సరెండర్ విలువను సులభంగా పొందగలుగుతారు. అస్సెటో ఎండోమెంట్ సర్వీసెస్ ప్రైవేట్ లిమిటెడ్ ద్వారా నిర్వహించబడే ALIP, LIC పాలసీ హోల్డర్‌లకు గరిష్ట విలువ, ప్రయోజనాలను అందించడానికి రూపొందించబడింది.

దీనికి తోడు ALIP సరెండర్ విలువ ఆలోచనకు మించినది, పాలసీ హోల్డర్ ప్రమాదవశాత్తు మరణం లేదా ప్రీమియం తప్పిపోయిన సందర్భంలో అసైన్‌మెంట్ తేదీ నుంచి మెచ్యూరిటీ తేదీ వరకు దాని నామినీలకు సంవత్సర వారీ లైఫ్ కవరేజ్ ప్రయోజనాలను అందిస్తుంది. ఇదంతా ఒక స్వతంత్ర SPV ట్రస్ట్ ద్వారా అందించబడుతుంది. ఇది సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియాలో రిజిస్టర్ చేయబడిన కంపెనీ ద్వారా నిర్వహించబడుతుంది.

ACESOలో రీసెర్చ్ అండ్ స్ట్రాటజిక్ అక్విజిషన్స్ హెడ్ రంజిత్ కులకర్ణి మాట్లాడుతూ.. LIC ఎండోమెంట్ పాలసీలు కంపెనీ మొత్తం పాలసీ జారీల్లో గణనీయమైన 80 శాతం వాటాను కలిగి ఉన్నట్లు వెల్లడించింది. అయితే వీటిలో 50 శాతం పాలసీలు మెచ్యూరిటీకి ముందే ముగుస్తున్నాయి. ALIP వారి పాలసీలను ముందస్తుగా సరెండర్ చేయడానికి ఒక సాధారణ ఎంపికను అందిస్తుంది. దీని ద్వారా వారు కవరేజ్ పొందటంతో పాటు బీమా పాలసీ విలువను అన్‌లాక్ చేయవచ్చుని పేర్కొన్నారు.

ALIP సహాయంతో బీమా హోల్డర్లు వేగవంతమైన ప్రక్రియలో తక్కువ సమయంలో తమ చెల్లింపును పొందగలుగుతారు. ALIP ప్రకారం, అవసరమైన అన్ని పత్రాలను పూర్తి చేసిన తర్వాత సాధారణంగా 48 గంటలలోపు చెల్లింపు చేయబడుతుంది. ఇది కాకుండా డాక్యుమెంటేషన్, KYC ప్రక్రియ వీలైనంత త్వరగా ఆన్‌లైన్‌లో పూర్తవుతుంది. తద్వారా పాలసీదారు తన LIC ఏజెంట్ ఇద్దరూ ఎటువంటి అవాంతరాలను ఎదుర్కోవాల్సిన అవసరం ఉండదు. దీనికి సంబంధించిన పూర్తి వివరాల కోసం పాలసీదారులు తమకు దగ్గరలోని ఎల్ఐసీ ఆఫీసును సంప్రదించటం ద్వారా పూర్తి వివరాలను సులువుగా పొందవచ్చు.