LIC Policy: రోజూ రూ.167 దాచుకుంటే ఒకేసారి రూ.10 లక్షలు.. మంచి పాలసీ బాసు..

Jeevan Umang policy: ఎల్ఐసీ దేశంలో అత్యంత ప్రజాదరణ పొందిన ఇన్సూరెన్స్ కంపెనీగా ఉంది. దేశంలోని ప్రజల కోసం ప్రభుత్వ యాజమాన్య సంస్థ అనేక ప్రయోజనాలను అందించే పథకాలను ప్రవేశపెడుతూనే ఉంది.

LIC అందించిన జీవన్ ఉమంగ్ ప్లాన్ కుటుంబానికి ఆదాయంతో పాటు రక్షణను సైతం అందిస్తుంది. ప్రీమియం చెల్లింపు వ్యవధి ముగింపు నుంచి మెచ్యూరిటీ వరకు.. ఈ ప్లాన్ వార్షిక మనుగడ ప్రయోజనాలను అందిస్తుంది. ఇది మెచ్యూరిటీ సమయంలో లేదా పాలసీ వ్యవధిలో పాలసీదారు మరణించిన సందర్భంలో ఒకేసారి మొత్తం పాలసీ సొమ్మును అందిస్తుంది. అలాగే ఈ ప్లాన్ ఏదైనా లిక్విడిటీ అవసరాలను తీర్చడానికి రుణ సౌకర్యాన్ని కల్పిస్తుంది.

పుట్టిన తర్వాత 90 రోజుల నుంచి గరిష్ఠంగా 55 ఏళ్ల వయస్సు మధ్య వ్యక్తులు ఈ పాలసీని కొనుగోలు చేసేందుకు అర్హులుగా ఎల్ఐసీ ప్రకటించింది. పాలసీ కాలవ్యవధి 100 సంవత్సరాలుగా ఉంది. అయితే ఇందులో పెట్టుబడి పెట్టాలంటే కనీసం రూ.2 లక్షల హామీ మెుత్తాన్ని ఎంచుకోవాల్సి ఉంటుంది. అయితే దీనిపై గరిష్ఠంగా ఎలాంటి పరిమితి లేదు.

ఉదాహరణకు ఎవరైనా వ్యక్తి 30 ఏళ్ల వయస్సులో పాలసీని కొనుగోలు చేసినట్లయితే.. వారు ప్రతినెల రూ.5,000 పెట్టారనుకుందాం. అలా 20 ఏళ్ల పాటు ప్రీమియం చెల్లించినట్లయితే వారు రూ.10 లక్షల హామీ మెుత్తాన్ని పొందుతారు