Amitabh Bachan: అమితాబ్ కు స్పెషల్ ఆఫర్ ఇచ్చిన ముఖేష్ అంబానీ తండ్రి..బిగ్ బి ఏమన్నారంటే..

Amitabh Bachan: బాలీవుడ్ చక్రవర్తి అమితాబ్ బచ్చన్ సినిమాలు ఇప్పటికీ కోట్లాది ప్రజల గుండెల్లో నిలిచిపోయాయి. అమితాబ్ 70-80లలో ఒకటి కంటే ఎక్కువ సూపర్‌హిట్ చిత్రాలను అందించారు. అయితే 90వ దశకంలో బిగ్ బి సినిమాకు అవకాశాలు రాక ఇబ్బందులు ఎదుర్కోవటం ప్రారంభించారు.

దారుణ పరిస్థితుల్లో అంబానీ చేయూత..

అమితాబ్‌ ఆర్థిక పరిస్థితి చాలా దారుణంగా మారింది. 1999లో అమితాబ్‌ కంపెనీ భారీ నష్టాన్ని చవిచూసింది. అమితాబ్ దివాళా తీసే దశకు చేరుకున్నారు. అతని బ్యాంక్ బ్యాలెన్స్ జీరో అయింది. ఆ సమయంలో దేశంలోని ప్రముఖ వ్యాపారవేత్త ధీరూభాయ్ అంబానీతో అమితాబ్‌కు మంచి సంబంధాలుండేవి. ధీరూభాయ్ అమితాబ్‌కి కొంత ధనాన్ని సహాయంగా అందించారు. దీంతో అమితాబ్ కష్టాలన్నీ తీరిపోతాయి. ఆ తరువాత ఏమైందో అమితాబ్ స్వయంగా ఓ ప్రోగ్రామ్‌లో వివరించిన విషయాలు మీరు తెలుసుకోండి.

అప్పుల్లో అమితాబ్..

1999లో అమితాబ్ బచ్చన్ కంపెనీ.. అమితాబ్ బచ్చన్ కార్పొరేషన్ లిమిటెడ్ (ABCL) భారీ నష్టాన్ని చవిచూసింది. ఈ సంస్థ ఫిల్మ్ ప్రొడక్షన్, డిస్ట్రిబ్యూషన్, ఈవెంట్ మేనేజ్‌మెంట్‌లో పనిచేసింది. కంపెనీ భారీ అప్పుల పాలైంది. రుణాల రూపంవో దాదాపు రూ.90 కోట్ల అప్పు తీసుకున్నట్లు అమితాబ్ తెలిపారు. ఈ క్లిష్ట కాలం గురించి అమితాబ్ బచ్చన్ అందరితో పంచుకున్నారు.

ఇంటికి వచ్చి బెదిరింపులు..

అమితాబ్ బచ్చన్ ఆర్థికంగా చెడ్డ దశలో ఉన్నప్పుడు చాలా వినవలసి వచ్చింది. అప్పు ఇచ్చిన వ్యక్తులు ఏకంగా ఇంటి వద్దకు రావడం, దుర్భాషలాడడం, బెదిరించడాన్ని తాను ఎప్పటికీ మరచిపోలేనని ఆయన వెల్లడించారు.

ధీరూభాయ్ అంబానీ సహాయం..

రిలయన్స్ కంపెనీ 40వ వార్షికోత్సవం సందర్భంగా అమితాబ్ బచ్చన్ తన కష్టమైన రోజుల గురించి వెల్లడించారూ. నా ఆర్థిక పరిస్థితి విషమంగా ఉందని తెలుసుకున్న ధీరూభాయ్ అనిల్ అంబానీని ఆయన వద్దకు పంపారు. అనిల్ అంబానీ అమితాబ్‌కి స్నేహితుడు. అమితాబ్‌కి బ్యాడ్‌ టైమ్‌ ఉందని, కాస్త డబ్బు ఇవ్వమని ధీరూభాయ్‌.. అనిల్‌ను ఎవరూ అడగకుండానే చెప్పారు.

అమితాబ్ మాట్లాడుతూ, "అనిల్ వచ్చి నన్ను కలిశాడు. అతను నాకు ఇవ్వాలనుకున్న డబ్బుతో నా కష్టాలన్నీ తీరిపోయేవి. అతని దాతృత్వానికి నేను ఉద్వేగానికి గురయ్యాను. కానీ.. అతని సహాయాన్ని నేను అంగీకరించలేనని భావించాను. దేవుడి దయతో సమయం మారింది. నేను పని చేయడం ప్రారంభించాను. నా అప్పులన్నీ తీర్చాను." అంటూ అమితాబ్ చెప్పారు.

ఇలా దశ తిరిగింది..

అమితాబ్ బచ్చన్ 2000లో 'మొహబ్బతే', 'కౌన్ బనేగా కరోడ్‌పతి'తో టెలివిజన్‌లోకి ప్రవేశించి బలమైన పునరాగమనం చేశారు. దీని తర్వాత అమితాబ్ బచ్చన్ పాపులారిటీ గతంలో కంటే మరింత పెరిగింది. దీని తర్వాత, అమితాబ్ బచ్చన్ కభీ ఖుషీ కభీ ఘమ్, ఆంఖేన్, బాగ్‌బాన్, ఖాకీ, దేవ్, లక్ష్య, వీర్-జారా, బంటీ ఔర్ బబ్లీ, చీనీ కమ్, భూత్ నాథ్, సర్కార్, పా, పికు, పింక్, గులాబో వంటి ఒకటి కంటే ఎక్కువ ఉత్తమ చిత్రాలను అందించారు.

ధీరూభాయ్ ప్రశంసలు..

ఒక రోజు అమితాబ్ ధీరూభాయ్ అంబానీ పార్టీకి వెళ్లారు. తన స్నేహితులతో కలిసి ఎంజాయ్ చేస్తున్నాడు. అదే సమయంలో ధీరూభాయ్ తన వ్యాపారవేత్తలతో కూర్చున్నాడు. అమితాబ్ మాట్లాడుతూ.. "నన్ను చూడగానే ధీరూభాయ్ నన్ను పిలిచారు. తన పక్కన కూర్చోమని అడిగారప.

నాకు కొంచెం ఇబ్బందిగా అనిపించింది. నేను నా స్నేహితులతో కూర్చున్నాను, నేను అక్కడ బాగానే ఉన్నాను. ధీరూభాయ్ నన్ను తనతో కూర్చోబెట్టుకున్నట్లు" తెలిపారు. అమితాబ్ జీవితంలో పడిపోయారని.. అయినా కష్టపడి తిరిగి నిలదొక్కుకున్నారని ధీరూబాయ్ తన మిత్రులకు వెల్లడించారు. ధీరూభాయ్ చెప్పిన ఆ మాటలు నాకు ఇవ్వాలనుకున్న మొత్తం కంటే వేల రెట్లు ఎక్కువ అని అమితాబ్ అన్నారు.