Rich People: ఈ దేశంలో అందరూ సంపన్నులే.. పేదరికం జాడే లేదు.. మరిన్ని ప్రత్యేకతలు..

Rich People Country: దేశమంతా సంపన్నులే ఉంటే ఎలా ఉంటది. హే ఊరుకోండి భయ్యా అలా అసలు అంటుందా..? అని మీకు అనుమానం రావచ్చు. కానీ ఈ మాట ముమ్మాటికీ నిజం. ఇలాంటి దేశం ఒకటి ఉందని మనలో చాలా మందికి తెలియదు. అసలు అక్కడి విశేషాలు తెలిస్తే తప్పక షాక్ అవుతారు.

టాప్-10 దేశాల్లో ఒకటిగా..

ప్రస్తుతం ప్రపంచంలో 195 దేశాలు ఉన్నాయి. కొన్ని దేశాలు చాలా ధనవంతులుగా ఉండగా.. మరికొన్ని చాలా పేదరికంతో అల్లాడుతున్నాయి. ఆఫ్రికా దేశాల పరిస్థితి మరీ దారుణంగా ఉంది. కానీ.. యూరప్, ఉత్తర అమెరికా అలాగే మధ్యప్రాచ్యం ధనవంతులు. వీటిలో ధనవంతుల దేశమైన మొనాకో కూడా ఉంది. ప్రపంచంలోని 10 సంపన్న దేశాలలో మొనాకో ఒకటి. ఇక్కడి ప్రజలు చాలా సంపన్నులు. ఇక్కడ దాదాపు ప్రతి ముగ్గురిలో ఒకరు లక్షాధికారిగా ఉన్నారు.

మొనాకో ఎక్కడ ఉంది..?

నైస్, ఫ్రాన్స్, ఇటలీ నైరుతి తీరం మధ్య ఉన్న మొనాకోను మెడిటరేనియన్ రత్నం అని పిలుస్తారు. ఇది ఆకర్షణీయమైన, అధునాతన జీవనశైలికి ప్రసిద్ధి చెందింది. ఇది సంపదకు కూడా ప్రసిద్ధి. ప్రపంచ జనాభా తలసరి GDP పరంగా ప్రపంచంలోని టాప్- 10 సంపన్న దేశాల్లో ఒకటిగా నిలిచింది. అందుకే మొనాకోను "బిలియనీర్స్ ప్లేగ్రౌండ్" అని పిలుస్తారు.

అందరూ ధనవంతులే..

ఇటీవలి అఫ్రాసియా బ్యాంక్ గ్లోబల్ వెల్త్ మైగ్రేషన్ రివ్యూ ప్రకారం.. మొనాకో తలసరి అత్యధిక సగటు సంపద సుమారు 2.1 మిలియన్ డాలర్లుగా ఉంది. అక్కడ నివసించే 39,000 జనాభాలో.. 32 శాతం మంది మిలియనీర్లు ఉన్నారు. దాదాపు 3,000 మంది మల్టీ మిలియనీర్లతో పాటు కనీసం అర డజను మంది బిలియనీర్లు ఆ దేశంలో నివసిస్తున్నారు.

కీలకమైన టాక్స్ విధానం..

విలాసవంతమైన జీవనశైలి, సౌకర్యాల దృష్ట్యా, అద్భుతమైన వాతావరణం ఆ దేశంలో ఉంది. దీనికి తోడు లగ్జరీ పడవలను సొంతం చేసుకోవడానికి, ఆనందించడానికి మెురాకోను అనేక మంది సరైన ప్రదేశంగా భావించటంలో తప్పులేదు. కానీ.. మొనాకోలో ధనవంతులు నివసించడానికి ఇతర కారణాలు ఉన్నాయి. ఆ దేశంలో వ్యక్తిగత ఆదాయ పన్ను లేదా మూలధన లాభాల పన్ను అస్సలు లేదు. అంటే అక్కడ ఎలాంటి పన్నులు చెల్లించాల్సిన అవసరం లేదన్నమాట. అందువల్ల ఇది ప్రపంచంలోనే అత్యంత అనుకూలమైన పన్ను వ్యవస్థను కలిగి ఉంది.

ప్రాపర్టీల ధరలు..

మోనెగాస్క్ ఇన్‌స్టిట్యూట్ ఆఫ్ స్టాటిస్టిక్స్ అండ్ ఎకనామిక్ స్టడీస్ విడుదల చేసిన 2022 రియల్ ఎస్టేట్ అబ్జర్వేటరీ నివేదిక ప్రకారం.. 2021లో మొనాకో రియల్ ఎస్టేట్ ధరలు చదరపు మీటరుకు రికార్డు స్థాయిలో 52,000 యూరోలుగా ఉంది. భారత కరెన్సీ ప్రకారం దీని విలువ సుమారు రూ.42.05 లక్షలని చెప్పుకోవాలి. ఇది ప్రపంచంలోనే అత్యంత ఖరీదైన ప్రైమ్‌ లొకేషన్ గా నిలిచింది. ఇది గిరాకీ ఉన్న హౌసింగ్ మార్కెట్ అయింది. మోంటే-కార్లో రియల్ ఎస్టేట్ అమ్మకానికి మొనాకోలో అత్యంత ఖరీదైన జాబితాలో అగ్రస్థానంలో ఉంది.

మెురాకోపై మక్కువ ఎందుకంటే..?

మొనాకోలో ధనవంతులు నివసించడానికి ఉన్న కీలక కారణాలను ఇప్పుడు తెలుసుకుందాం. ప్రపంచ-స్థాయి ఆరోగ్య సంరక్షణ, మిచెలిన్-స్టార్ రెస్టారెంట్లు, టాప్-రేటెడ్ స్పాలు, హాట్ కోచర్ షాపులు ధనవంతులను ఆకర్షిస్తున్నాయి. అదనంగా.. దేశం 100 మెగాయాచ్‌లను కలిగి ఉన్న ప్రసిద్ధ మొనాకో గ్రాండ్ ప్రిక్స్ అండ్ మొనాకో యాచ్ షోతో సహా ప్రధాన ఈవెంట్‌లను నిర్వహిస్తుంటుంది.

ప్రకృతికి తోడు సంస్ర్కృతి..

ఆకర్షణీయమైన వీధులు, చారిత్రాత్మక ఒపెరా హౌస్, సాంస్కృతిక, కళల కార్యక్రమాలు, సహజమైన బీచ్‌లు, రక్షిత సముద్ర పర్యావరణం వంటి అనేక ఆకర్షణలు ఉన్నాయి. మొనాకో ధనవంతులకు ఎందుకు నిలయంగా ఉందో వీటినిబట్టి అర్థం చేసుకోవచ్చు. అక్కడి విలాసవంతమైన జీవితాన్ని ధనవంతులు ఎందుకు ప్రేమిస్తున్నారో ఇప్పుడు అర్థమౌతుంది.