Insurance: వరదలకు ఇల్లు మునిగిపోతే గోల్డ్, టీవీ, ఫ్రిజ్‌కు హోమ్ ఇన్సూరెన్స్ వర్తిస్తుందా..?

Chennai Floods: అనుకోకుండా వచ్చిన తుపానుకు చెన్నై నగరం నీట మునిగింది. భారీగా వరదతో ఇళ్లు నీట మునిగిపోయాయి. కొన్ని చోట్ల భవనాలు కూలిపోయాయి. పైగా వరద నీటితో సామాన్లు పాడైపోయాయి.

ఇలా దేశంలో అనేక చోట్ల కురిసిన వరదలకు చాలా మంది తమ విలువైన ఆస్తులను కోల్పోయారు. ఈ క్రమంలో ఎలక్ట్రికల్ పరికరాలు, ఫ్రిజ్, టీవీ, ఆభరణాలకు కలిగిన నష్టం హోమ్ ఇన్సూరెన్స్ కిందకు వస్తుందా అనే అనుమానాలు చాలా మందిలో ఉన్నాయి. అసలు బీమా విషయంలో రూల్స్ ఎలా ఉంటాయి ఎలాంటి ప్రయోజనాలు ఉంటాయో నిపుణుల సూచనలను ఇప్పుడు తెలుసుకుందాం.

ఇండియాలో హోమ్ ఇన్సూరెన్స్ సాధారణంగా నిర్మాణం, కంటెంట్‌లు రెండింటినీ కవర్ చేస్తుంది. సమగ్ర రక్షణను అందిస్తుంది. సహజ వైపరీత్యాలు లేదా ఊహించని విపత్తుల నుంచి నిర్మాణాత్మక నష్టంతో సహా సంభావ్య ప్రమాదాల నుంచి మీ ఇంటిని రక్షించే పటిష్టమైన ఇన్సూరెన్స్ పాలసీ ఒక రక్షణగా పనిచేస్తుంది. అంతేకాకుండా వస్తువులు, ఆభరణాలు, ఫర్నిచర్, ఎలక్ట్రానిక్స్, గాడ్జెట్‌లు, టీవీలు, రిఫ్రిజిరేటర్లు వంటి ఇతర గృహోపరకరణాలకు కవరేజీని అందిస్తుంది.

హోమ్ ఇన్సూరెన్స్ కింద అగ్ని ప్రమాదాలు, పరికరాలు పనిచేయకపోవడం, ప్రమాదవశాత్తు నష్టాలు వంటి ప్రమాదాలను కూడా కలిగి ఉంటుంది. ఇది ఇంటిలోని దాదాపు అన్ని విలువైన వస్తువులు, వ్యక్తిగత వస్తువులకు రక్షణను అందిస్తుంది. కొన్ని ఇన్సూరెన్స్ కంపెనీలు ఫైన్ ఆర్ట్ పీస్‌లకు, అధిక విలువ కలిగిన వస్తువులకు కవరేజీని అందిస్తున్నాయి. వీటిలో కొన్ని యాడ్-ఆన్‌లను సైతం ఎంచుకోవచ్చు. మొబైల్ ఫోన్‌లు, కంప్యూటర్లు, సైకిళ్లు వంటి పోర్టబుల్ ఆస్తులను కూడా కవరేజ్ అందిస్తున్నాయి. ప్రీమియం లెక్కింపులో ఇంటి వయస్సు, నిర్మాణ రకం, నిర్మాణ ఖర్చులు మొదలైన వివిధ పారామీటర్‌లను పరిగణలోకి తీసుకుంటారు.