Real Estate News: రియల్ బూమ్‌పై నైట్ ఫ్రాంక్ రిపోర్ట్.. పదేళ్లలో జరగబోయేది ఇదే..

Realty in Decade: నానాటికీ పెరుగిపోతున్న భూముల ధరలు మధ్యతరగికి దడ పుట్టిస్తున్నాయి. పలు నగరాల్లో గృహాలతో పాటు ఆఫీస్ స్పేస్‌కు కూడా బాగా డిమాండ్ పెరిగింది. బెంగళూరులో నెలకొన్న నీటి సంక్షోభంతో దేశంలోని ఇతర ప్రాంతాలకు మళ్లాలని పలు కంపెనీలు భావిస్తున్నాయి. దీంతో రానున్నరోజుల్లో రియల్‌ ఎస్టేట్ రంగం దేశవ్యాప్తంగా భారీ వృద్ధిని నమోదుచేయవచ్చనే అంచనాలు ఉన్నాయి.

2034 నాటికి రియల్ ఎస్టేట్ రంగం 1.5 ట్రిలియన్ డాలర్లకు చేరుకుంటుందిని రియల్టీ కన్సల్టెన్సీ నైట్ ఫ్రాంక్ నివేదించింది. 482 బిలియన్ డాలర్ల నుంచి 3 రెట్లు పెరిగనున్నట్లు తెలిపింది. మొత్తం ఎకనామిక్ అవుట్‌పుట్‌లో రియల్ ఎస్టేట్ వాటా 7.3 శాతం ఉండగా.. వచ్చే దశాబ్ధంలో ఇది 10.5 శాతానికి పెరుగుతుందని వెల్లడించింది.

1.5 ట్రిలియన్ డాలర్ల వాల్యుయేషన్‌లో రెసిడెన్షియల్ మార్కెట్ 906 బిలియన్ డాలర్ల విలువతో ముందంజలో

ఉంటుందని ఇండస్ట్రీ లాబీ CII వారాంతపు నోట్ పేర్కొంది. ఆ తర్వాత ఆఫీస్ సెక్టార్ 125 బిలియన్ డాలర్ల వాటాకు మద్ధతిస్తుందని అంచనా వేసింది. తయారీ కార్యకలాపాల కోసం భూమి వాటా 28 బిలియన్ డాలర్లుగా ఉండనున్నట్లు తెలిపింది. ఇక గిడ్డంగుల నుంచి 8.9 బిలియన్ డాలర్ల ఆదాయం రావచ్చని లెక్కగట్టింది.

నివేదిక ప్రకారం.. 2034 నాటికి 1.55 బిలియన్ దేశ జనాభాలో 42.5 శాతం నగరాల్లోనే నివసించవచ్చు. దీంతో కొత్త గృహాల మార్కెట్ 906 బిలియన్ డాలర్లకు చేరవచ్చు. డాలర్‌తో రూపాయి వార్షిక క్షీణత 2 శాతంగా లెక్కిస్తే, జాతీయ GDP 2034 నాటికి 10.3 ట్రిలియన్‌ డాలర్లుగా ఉండవచ్చు. అధిక నెట్‌వర్త్ మరియు అల్ట్రా హై నెట్‌వర్త్ కేటగిరీకి చెందిన వ్యక్తుల విలాసవంతమైన గృహాల డిమాండ్ ఇప్పుడున్న 3 నుంచి 9 శాతానికి పెరుగుతుందని అంచనా.