Kimaya: లిక్కర్ ప్రియులక శుభవార్త.. సౌత్ మార్కెట్లోకి కొత్త బీర్ బ్రాండ్ ఎంట్రీ..

BeeYoung Beer: దేశంలోని మద్యం ప్రియుల రుచులు, అభిరుచులకు అనుగుణంగా కంపెనీలు సైతం తమ ఉత్పత్తులను ప్లాన్ చేస్తున్నాయి. గత నెలలో సాఫ్ట్ డ్రింక్స్ దిగ్గజం కోకా-కోలా సైతం ఆల్కహాలిక్ బెవరేజెస్ రంగంలోకి అడుగుపెట్టిన సంగతి తెలిసిందే.

తాజాగా ఢిల్లీకి చెందిన పానీయాల తయారీ సంస్థ కిమయా హిమాలయన్ బెవరేజెస్ దక్షిణాది మార్కెట్‌లోకి ప్రవేశించేందుకు ప్లాన్ చేస్తోంది. ఈ క్రమంలో కంపెనీ బార్లీ ఆధారిత స్వదేశీ లాగర్ బీయంగ్ బీర్‌ను ఏప్రిల్ 2024 నాటికి కర్ణాటక, తమిళనాడులో ప్రవేశపెడుతుందని చూస్తున్నట్లు కిమాయా హిమాలయన్ బెవరేజెస్ వ్యవస్థాపకుడు, CEO అభినవ్ జిందాల్ వెల్లడించారు. ప్రస్తుతం ఈ ఉత్పత్తి ఉత్తర భారతదేశంలో దిల్లీ, ఉత్తరాఖండ్‌తో సహా ఐదు మార్కెట్‌లలో విక్రయించబడుతోంది.

కంపెనీ ఇప్పటికే ఇటీవలి కాలంలో ఉత్తరప్రదేశ్, పంజాబ్, చండీగఢ్‌ మార్కెట్లలోకి ప్రవేశించింది. రుచి, సువాసనతో కూడిన తేలికపాటి బీర్ లక్షణాలతో ఉండే స్ట్రాంగ్ ఫీల్డ్ బీర్ కోసం పెరుగుతున్న ఎంపికను తీర్చడానికి ఇది సృష్టించబడిందని కంపెనీ వెల్లడించింది. అందువల్ల ఈ బీర్ మార్కెట్లో విలక్షణమైనదని జిందాల్ చెప్పారు. సెప్టెంబరు 2019లో కంపెనీ ప్రారంభమైనప్పటి నుంచి మార్చి 2023 నాటికి అమ్మకాల కేసులు 1,25,000 నుంచి సుమారు మిలియన్‌కు పెరిగాయి. ఇది 96 శాతం రిటైల్ అమ్మకాలతో ఆఫ్-ప్రిమైజ్‌పై ఎక్కువగా దృష్టి సారించింది.

ప్రస్తుతం కిమాయా వార్షిక ఉత్పత్తి సామర్థ్యాన్ని ఒక మిలియన్ కేసుల వద్ద కుదించింది, ఇది వివిధ యూనిట్లలో విస్తరించి ఉన్న సుమారు 200,000 హెక్టోలీటర్‌లకు సమానం. గత ఏడాది కంపెనీ 100 శాతం కాంట్రాక్ట్ సౌకర్యాన్ని ఉపయోగించుకుంది. ఈ క్రమంలో 100,000 హెక్టోలీటర్లను ఉత్పత్తి చేసింది. ఇప్పుడు 200,000 హెక్టోలీటర్ల లక్ష్యంతో ఈ సామర్థ్యాన్ని రెట్టింపు చేయడానికి విస్తరించింది. రానున్న కాలంలో సైతం కంపెనీ ఉత్పత్తి మరింతగా వేస్తరింపజేసేందుకు చర్యలు చేపడుతున్నట్లు సమాచారం. వినియోగదారుల అవసరాలను అర్థం చేసుకుంటూ తాము ముందుకు సాగుతున్నామని జిందాల్ పేర్కొన్నారు. అలాగే వినియోగదారుల ప్రాధాన్యతలను తీర్చడానికి వైన్ ఆధారిత పానీయాలను కూడా అభివృద్ధి చేస్తున్నట్లు చెప్పారు.