Multibagger Stock: లక్షను రూ.85 లక్షలు చేసిన స్టాక్.. పూర్తి వివరాలు..
Multibagger Stock: వరుసగా స్మాల్ క్యాప్ షేర్లు తమ ప్రతాపాన్ని నిరూపించుకుంటున్నాయి. తమను నమ్మి ఇన్వెస్ట్ చేసిన పెట్టుబడిదారులకు దీర్ఘకాలంలో మంచి రాబడులను అందిస్తున్నాయి. స్టాక్ ఎంపికలోనే ఇదంతా ఉంటుందని నిపుణులు చెబుతుంటారు. మంచి ఫండమెంటల్స్ చూసుకుని షేర్లలో పెట్టుబడులు పెట్టటం చాలా ముఖ్యం.
ఇప్పటి వరకు మనం మాట్లాడుకున్నది కిల్బర్న్ ఇంజినీరింగ్ లిమిటెడ్ కంపెనీ షేర్లు గురించే. గడచిన 20 ఏళ్ల కాలంలో పెట్టుబడిదారుల డబ్బును ఈ స్మాల్ క్యాప్ కంపెనీ 85 రెట్లు పెంచేసింది. తనను నమ్ముకున్న ఇన్వెస్టర్లకు కనకవర్షం కురిపిస్తూ మల్టీబ్యాగర్ రాబడులను అందించింది. శుక్రవారం మార్కెట్లు ముగిసే సమయానికి షేర్ ధర రూ.106.05గా ఉంది.
రూ.382.44 కోట్లు విలువైన స్మాల్ క్యాప్ కంపెనీ గడచిన మూడు సంవత్సరాల్లో సైతం పెట్టుబడిదారులకు ఏకంగా 740 శాతం రాబడిని అందించింది. ఈ కంపెనీ పారిశ్రామిక ఉత్పత్తులను తయారు చేసే వ్యాపారంలో నిమగ్నమై ఉంది. మూడేళ్ల కిందట బీఎస్ఈలో షేర్ విలువ రూ.12.55 వద్ద ఉండగా.. ప్రస్తుతం మార్కెట్లో స్టాక్ ధర రూ.106.05 వద్ద ఉంది.
ఎవరైనా ఇన్వెస్టర్ మూడేళ్ల కిందట కిల్బర్న్ ఇంజినీరింగ్ షేర్లలో రూ. లక్ష పెట్టుబడి పెట్టిన వారికి ప్రస్తుతం మార్కెట్ విలువ ప్రకారం రూ.8.45 లక్షలకు చేరుకుంది. అలాగే ఎవరైనా 20 ఏళ్ల కిందట ఈ కంపెనీలో లక్ష రూపాయలు పెట్టుబడి పెట్టిన ఇన్వెస్టర్లు ప్రస్తుతం మార్కెట్ విలువ ప్రకారం దీర్ఘకాలం కొనసాగించినట్లయితే రూ.85.5 లక్షలకు చేరుకుని ఉండేది.
Note: పైన అందించిన వివరాలు కేవలం అవగాహన కోసం మాత్రమే. అయితే వీటి ఆధారంగా ఎలాంటి ట్రేడింగ్ నిర్ణయాలు తీసుకోకండి. స్టాక్ మార్కెట్ పెట్టుబడులు నష్టాలతో కూడుకున్నవి. పెట్టుబడి నిర్ణయాలు తీసుకునే ముందు తప్పనిసరిగా మీ ఆర్థిక సలహాదారుడిని సంప్రదించండి.