ఫేక్ న్యూస్ వ్యాప్తి చేస్తున్నారు.. ప్రతి పైసా కట్టాను, నా అకౌంట్స్ నేనే వాడుతున్న: ప్రీతి జింటా క్లారిటీ

బాలీవుడ్ సినీనటి ప్రీతి జింటా రూ.18 కోట్ల రుణ మాఫీ అంశం ఇప్పుడు చర్చనీయాంశంగా మారింది. తాజాగా న్యూ ఇండియా కోపరేటివ్ బ్యాంకు పై ఆర్బీఐ నిషేధం విధించిన సంగతి మీకు తెలిసిందే. అయితే దీనికి సంబంధించి కేరళ కాంగ్రెస్ యూనిట్ ఓ ట్వీట్ చేసింది. అందులో 'ప్రీతి జింటా తన సోషల్ మీడియా అకౌంట్ పై బిజెపికి యాక్సెస్ ఇచ్చిందని, దింతో వారు ఆమెకు రూ. 18 కోట్ల లోన్ మాఫీ చేశారని' కేరళ కాంగ్రెస్ యూనిట్ ట్వీట్‌ ద్వారా ఆరోపించింది.

దీనిపై ప్రీతి జింటా Xలో ఓ పోస్ట్ చేసారు. ప్రీతి జింటా అకౌంట్ బిజెపికి ఇచ్చారని, దింతో ఆమెకి బ్యాంకులోని రూ.18 కోట్లు మాఫీ చేశారని, ఆ బ్యాంకు ఇప్పుడు మూసివేయబడిందని కేరళ కాంగ్రెస్ యూనిట్ ఒక పోస్ట్‌లో ఆరోపించింది. అంతేకాదు డిపాజిటర్లు తమ డబ్బు కోసం వీధుల్లో ఉన్నారు అని పేర్కొంది. దీనిపై ప్రీతి జింటా అసంతృప్తిని వ్యక్తం చేస్తూ ఆమె ట్వీట్ ద్వారా స్పందించారు.

ప్రీతి జింటా అసంతృప్తి, వివరణ
ప్రీతి జింటా తన పోస్ట్‌లో కాంగ్రెస్‌కు సమాధానమిస్తూ, 'నా సోషల్ మీడియా అకౌంట్ నేనే నడుపుతున్నాను' అని అన్నారు. తప్పుడు వార్తలు వ్యాప్తి చేసినందుకు మీరు సిగ్గుపడాలి. నా లోన్ ఎవరూ మాఫీ చేయలేదు. ఒక రాజకీయ పార్టీ అలాగే దాని ప్రతినిధులు ఇలాంటి తప్పుడు వార్తలను వ్యాప్తి చేయడం ఇంకా అసహ్యకరమైన గాసిప్‌లు చేయడం చూసి నేను షాక్ అయ్యాను. నా పేరు ఇంకా నా ఫోటో దుర్వినియోగం అవుతున్నాయి. నా లోన్ 10 సంవత్సరాల క్రితమే పూర్తిగా తిరిగి చెల్లించాను. ఈ వివరణ భవిష్యత్తులో మళ్ళీ ఎలాంటి అపార్థాలకు తావుండకుండా నివారిస్తుందని ఆశిస్తున్నాము అంటూ ట్వీట్ చేసారు.

బ్యాంకు సమస్య ఏమిటి?
సంక్షోభంలో చిక్కుకున్న న్యూ ఇండియా కోఆపరేటివ్ బ్యాంక్ బ్రాంచ్ మేనేజర్‌కు తెలియకుండానే చాలా మందికి రుణాలు జారీ చేసినట్లు నివేదికలు ఉన్నాయి. ఈ రుణాలలో చాలా వరకు మాఫీ అయ్యాయి. ఇందులో ప్రీతి జింటా పై ఆరోపించిన రూ. 18 కోట్లు కూడా ఉన్నాయి. వార్తల ప్రకారం, న్యూ ఇండియా కోఆపరేటివ్ బ్యాంక్ లిమిటెడ్‌లో అవినీతి భాగోతం బయటపడింది. దింతో రిజర్వ్ బ్యాంక్ ఆఫ్ ఇండియా (RBI) దాని కార్యకలాపాలను నిషేధించింది. అలాగే రిజర్వ్ బ్యాంక్ ఆఫ్ ఇండియా న్యూ ఇండియా కో-ఆపరేటివ్ బ్యాంక్ నుండి డబ్బును ఉపసంహరించుకోవడంపై 6 నెలల నిషేధం విధించింది.

No I operate my social media accounts my self and shame on you for promoting FAKE NEWS ! No one wrote off anything or any loan for me. I’m shocked that a political party or their representative is promoting fake news & indulging in vile gossip & click baits using my name &… https://t.co/cdnEvqnkYx

— Preity G Zinta (@realpreityzinta) February 25, 2025

అంతే కాకుండా, బ్యాంకు కొత్త రుణాలు జారీ చేయకుండా కూడా నిషేధించబడింది. అయితే, సోమవారం ఆర్‌బిఐ షరతులను సడలించింది. దీని కింద బ్యాంకు డిపాజిటర్లు ఫిబ్రవరి 27 నుండి వారి డిపాజిట్ అకౌంట్స్ నుండి రూ. 25,000 వరకు ఉపసంహరించుకోవచ్చు. పర్యవేక్షణాపరమైన ఆందోళనలను పేర్కొంటూ ఈ సహకార బ్యాంకుపై ఆర్‌బిఐ అనేక ఆంక్షలు విధించింది. రిజర్వ్ బ్యాంక్ ఈ బ్యాంక్ డైరెక్టర్ల బోర్డును ఒక సంవత్సరం పాటు రద్దు చేసి, స్టేట్ బ్యాంక్ ఆఫ్ ఇండియా (SBI) మాజీ చీఫ్ జనరల్ మేనేజర్ శ్రీకాంత్‌ను నిర్వాహకుడిగా నియమించింది.

ఫ్యాన్స్, మద్దతుదారుల సపోర్ట్
ప్రీతి జింటా ప్రకటన తర్వాత ఆమె అభిమానులు, మద్దతుదారులు ఆమెకు సపోర్ట్ ఇచ్చారు. పుకార్లను వ్యాప్తి చేసిన వారిని విమర్శించారు. ఎటువంటి ఆధారాలు లేకుండా ఒక వ్యక్తిపై ఇలాంటి ఆరోపణలు చేయడం తప్పు అని చాలా మంది అన్నారు. ప్రీతి జింటా, ప్రసిద్ధ బాలీవుడ్ నటిగానే కాకుండా వ్యాపారవేత్త కూడా. ఆమె ఐపీఎల్ జట్టు పంజాబ్ కింగ్స్ సహ యజమాని కూడా ఇంకా తరచుగా వ్యాపార అలాగే క్రికెట్ సంబంధిత నిర్ణయాలలో చురుకైన పాత్ర పోషిస్తుంది.