IPO News: వచ్చేవారం మార్కెట్లోకి ఐపీవో.. ఇస్రోతో వ్యాపారం.. సూపర్ గ్రేమార్కెట్ ప్రీమియం

Jyoti CNC News: వచ్చేవారం సైతం దేశీయ స్టాక్ మార్కెట్లోకి అనేక ఐపీవోలు వరుసగా క్యూ కడుతున్నాయి. దీంతో ఇన్వెస్టర్లు చాలా సీరియస్‌గా బెట్టింగ్ వేస్తున్నారు.

ఇప్పుడు మనం మాట్లాడుకోబోతున్నది జ్యోతి సీఎన్‌సీ ఆటోమేషన్ ఐపీవో గురించే. ఇది రిటైల్ ఇన్వెస్టర్ల కోసం జనవరి 9న ప్రారంభమై జనవరి 11న ముగియనుంది. దీనికోసం కంపెనీ షేర్ ప్రైస్ బ్యాండ్ రూ.315 నుంచి రూ.331గా నిర్ణయించింది. ప్రస్తుతం గ్రేమార్కెట్లో కంపెనీ షేర్లు మంచి ప్రీమియం రేటును కలిగి ఉన్నాయి. ఆదివారం రోజున స్టాక్ రూ.82 ప్రీమియం ధరను కలిగి ఉంది. జ్యోతి CNC ఆటోమేషన్ దాదాపు ఒక దశాబ్దంలో రెండవ సారి తన షేర్లను లిస్ట్ చేయడానికి ప్లాన్ చేస్తోంది.

తాజా ఐపీవో ద్వారా కంపెనీ రూ.1000 కోట్లను సమీకరించాలని నిర్ణయించింది. ఇందుకోసం కంపెనీ పూర్తిగా ఫ్రెష్ ఈక్విటీ షేర్లను విక్రయిస్తోంది. ఐపీవో కోసం కంపెనీ లాట్ పరిమాణాన్ని 45 షేర్లుగా నిర్ణయించింది. ఐపీవో షేర్లు బీఎస్ఈ, ఎన్ఎస్ఈలో జాబితా కానున్నాయి. జనవరి 16న షేర్లు జాబితా చేయబడవచ్చని తెలుస్తోంది. గుజరాత్ కేంద్రంగా పనిచేస్తున్న ఐపీవో పరిమాణంలో 75 శాతం QIBల కోసం, 15 శాతం నాన్-ఇన్‌స్టిట్యూషనల్ ఇన్వెస్టర్ల కోసం, మిగిలిన 10 శాతం రిటైల్ వ్యక్తిగత పెట్టుబడిదారుల కోసం రిజర్వ్ చేయబడింది.

కంపెనీ కస్టమర్లలో ISRO, బ్రహ్మోస్ ఏరోస్పేస్ తిరువనంతపురం లిమిటెడ్, టర్కిష్ ఏరోస్పేస్, యూనిపార్ట్స్ ఇండియా, టాటా అడ్వాన్సెస్ సిస్టమ్, టాటా సికోర్స్కీ ఏరోస్పేస్, భారత్ ఫోర్జ్, శక్తి పంప్‌లు (ఇండియా), శ్రీరామ్ ఏరోస్పేస్ & డిఫెన్స్, రోలెక్స్ రింగ్స్ వంటి అనేక కంపెనీలు కస్టమర్లుగా ఉన్నాయి. గత సంవత్సరం సెప్టెంబర్ నాటికి కంపెనీ రూ.3,315.33 కోట్ల ఆర్డర్ బుక్‌ను కలిగి ఉంది.

కంపెనీ 44 సిరీస్‌లలో 200 రకాల CNC మెషీన్‌ల విస్తృత శ్రేణిని కలిగి ఉంది. గత మూడు ఆర్థిక సంవత్సరాల్లో భారత్, యూరప్, ఉత్తర అమెరికా, ఆసియాలోని కొన్ని ప్రాంతాలతో సహా ప్రపంచవ్యాప్తంగా 3,000 కంటే ఎక్కువ మంది వినియోగదారులకు 7,200 యంత్రాలు సరఫరా చేయబడ్డాయి. కంపెనీ తన ఉత్పత్తులను ప్రపంచవ్యాప్తంగా హురాన్ స్థాపించిన డీలర్ నెట్‌వర్క్ ద్వారా పంపిణీ చేస్తుంది. రోమానియా, ఫ్రాన్స్, పోలాండ్, బెల్జియం, ఇటలీ, యూకేలలో 29 సేల్స్ అండ్ సర్వీస్ కేంద్రాలను కలిగి ఉంది.