క్రెడిట్ స్కోర్‌ తక్కువగా ఉందా.. ఇలా చేస్తే 300 నుండి 800కి పరుగులు పెడుతుంది..

పర్సనల్ లోన్స్ పొందడానికి మీ క్రెడిట్ స్కోరు చాలా ముఖ్యం. మీ క్రెడిట్ స్కోరు ఆధారంగా బ్యాంకులు మీకు లోన్స్ ఇస్తారుయి. అలాగే, మీ క్రెడిట్ స్కోరు తక్కువగా ఉన్నప్పుడు మీ లోన్ పై వడ్డీ రేట్లు కూడా పెరగవచ్చు. మీరు పర్సనల్ లోన్స్ తీసుకున్నప్పుడు మీ వడ్డీ రేట్లు ప్రధానంగా మీ క్రెడిట్ స్కోర్ ద్వారా నిర్ణయించబడతాయి. కాబట్టి మీ క్రెడిట్ స్కోర్‌ను రూ. 300 నుండి రూ. 800కి పెరగాలంటే ఏమి చేయాలో తెలుసా...

అవును, క్రెడిట్ స్కోరు సాధారణంగా 300 నుండి 850 వరకు ఉంటుంది. బ్యాంకులు, క్రెడిట్ కార్డ్ కంపెనీలు వంటి రుణదాతలు రుణగ్రహీతకు డబ్బు ఇవ్వడం లేదా క్రెడిట్‌ను పొడిగించడం వల్ల కలిగే నష్టభయాన్ని అంచనా వేయడానికి దీనిని ఉపయోగిస్తారు.
మీరు తాజగా మీ క్రెడిట్ స్కోర్‌ ఎంత ఉందొ చెక్ చేశారా? మీ క్రెడిట్ స్కోరు మీ అంచనాల కంటే చాలా తక్కువగా ఉందా ? తక్కువ క్రెడిట్ స్కోరుకు కారణాలు EMI లేదా క్రెడిట్ కార్డ్ పేమెంట్స్ మిస్ చేయడం, రుణాలపై డిఫాల్ట్‌లు, అధిక క్రెడిట్ వినియోగ రేషియో, ఎక్కువగా లోన్ అప్లికేషన్స్.

మీరు మీ CIBIL స్కోర్‌ను ప్రతిరోజూ చెక్ చేయడం చాలా ముఖ్యం. దీనివల్ల మీ క్రెడిట్ స్కోర్‌ను పెంచడానికి ఏడాది పొడవునా కొన్ని చర్యలు తీసుకోవడం చాలా అవసరం.

1 నుండి 2 నెలలు
*ముందుగా మీరు ఒక ఫుల్ క్రెడిట్ రిపోర్ట్ పొంది దానిని విశ్లేషించాలి.
*ఏవైనా లోపాలు (ఉదాహరణకు లోన్ వివరాలు, తప్పుగా వ్యక్తిగత సమాచారం) ఉంటే గమనించడం ముఖ్యం.
*ఏవైనా లోపాలను సరిదిద్దడానికి మీరు క్రెడిట్ బ్యూరోకు సబ్మిట్ చేయవచ్చు.

3 నుండి 4 నెలలు
*బాకీ ఉన్న మొత్తాలను క్లియర్ చేయండి
*పాత బకాయిలను చెల్లించడానికి మీరు బ్యాంకులు/రుణదాతలతో చర్చలు జరపాలి.
*మీరు టైంకి అన్ని EMI, క్రెడిట్ కార్డ్ బిల్లులకు ఆటో-పేమెంట్ సెటప్ చేయవచ్చు.
*ఆర్థిక భారాన్ని తగ్గించుకోవడానికి అధిక వడ్డీ రేటు రుణాలకు ప్రాధాన్యత ఇవ్వండి.

5 నుండి 6 నెలలు: క్రెడిట్ వినియోగంలో తగ్గుదల
*మీరు మీ క్రెడిట్ కార్డ్ వినియోగాన్ని పరిమితిలో 30% కంటే తక్కువగా ఉంచుకోవాలి.
*ఖర్చులను తగ్గించుకోవడానికి మీరు వివిధ క్రెడిట్ కార్డులను తెలివిగా ఉపయోగించవచ్చు.
*అనవసరమైన కొత్త లోన్స్ నివారించాలి.

7 నుండి 9 నెలలు: పాజిటివ్ క్రెడిట్ హిస్టరీ
*మంచి క్రెడిట్ హిస్టరీ కోసం మీరు సెక్యూర్డ్ క్రెడిట్ కార్డ్ (ఫిక్స్‌డ్ డిపాజిట్‌కి లింక్ చేయబడింది) కోసం అప్లయ్ చేసుకోవచ్చు.
*మీరు ఒక చిన్న పర్సనల్ లోన్ తీసుకొని సకాలంలో తిరిగి చెల్లించవచ్చు.

10 నుండి 12 నెలలు:
*మీ స్కోర్ ట్రాక్ చేయడానికి మీరు మీ CIBIL స్కోర్‌ను క్రమం తప్పకుండా చెక్ చేయాలి.
*మీరు అనవసరమైన క్రెడిట్ కార్డ్స్ నివారించవచ్చు.
*పేమెంట్స్ సకాలంలో జరిగేలా చూసుకోవడానికి మీరు ఒక టైం టేబుల్ ఏర్పాటు చేసుకోవచ్చు.
*మీ స్కోరు 800 దాటినప్పుడు, మీరు దానిని ఆర్థిక సంస్థలతో పంచుకోవచ్చు, తద్వారా గృహ రుణం లేదా క్రెడిట్ కార్డ్‌కు సులభంగా ఆమోదం పొందడం వంటి మంచి రివార్డులను పొందవచ్చు.
*మీకు లోన్ అవసరం లేకపోయినా క్రెడిట్ స్కోర్‌ ఎప్పుడూ విస్మరించకండి. మంచి క్రెడిట్ స్కోర్‌ను నిర్వహించడంలో ఆర్థిక క్రమశిక్షణ చాలా ముఖ్యం.