IPO News: ఇన్వెస్టర్లను నిరాశపరిచిన ఐపీవో.. తొలిరోజే కన్నీళ్లు మిగిలాయ్.. పాపం

Juniper Hotels News: గత ఏడాదికి పైగా కాలం నుంచి అనేక ఐపీవోలు దేశీయ స్టాక్ మార్కెట్లోకి అడుగుపెడుతున్నాయి. అయితే వీటిలో చాలా వరకు పెట్టుబడిదారులను సంపన్నులు మార్చగా మరికొన్ని నిరాశకు గురిచేశాయి.

ఇప్పుడు మనం మాట్లాడుకోబోతున్నది నేడు మార్కెట్లోకి అడుగుపెట్టిన జునిపెర్ హోటల్స్ కంపెనీ ఐపీవో లిస్టింగ్ గురించే. ఈ ఐపీవోపై బెట్టింగ్ వేసి భారీగా సంపాదించాలనున్న ఇన్వెస్టర్లకు నిరాశ మిగిలింది. ఎందుకంటే నేడు ఐపీవో వాస్తవ ఇష్యూ ధర కంటే కేవలం 1.38 శాతం ప్రీమియం రేటు వద్ద దేశీయ స్టాక్ మార్కెట్లలోకి అరంగేట్రం చేశాయి. ఈ క్రమంలో ఎన్ఎస్ఈలో స్టాక్ ధర రూ.365 రేటు వద్ద జాబితా అవగా.. బీఎస్ఈలో స్టాక్ రూ.361.2 వద్ద ప్రారంభమైంది. అయితే కంపెనీ వాస్తవ ప్రైస్ బ్యాండ్ గరిష్ఠ ధర రూ.360గా విక్రయించిన సంగతి తెలిసిందే.

ఐపీవో స్టాక్ మార్కెట్లో జాబితాకు ముందరు గ్రేమార్కెట్ ప్రీమియం తుడిచిపెట్టుకు పోవటంతో షేర్లు పొందిన వారు పూర్తిగా నిరాశకు గురయ్యారు. ఫిబ్రవరి 21 నుంచి 23 వరకు తెరచి ఉన్న ఐపీవో కోసం ప్రైస్ బ్యాండ్ ధరను రూ.342-360గా నిర్ణయించిన సంగతి తెలిసిందే. ఈ ఐపీవో ద్వారా కంపెనీ మార్కెట్ల నుంచి రూ.1,800 కోట్లను విజయవంతంగా సమీకరించింది. ఇందుకోసం కంపెనీ పూర్తిగా 5 కోట్ల తాజా ఈక్విటీ షేర్లను విక్రయించింది.

అర్హత కలిగిన సంస్థాగత పెట్టుబడిదారులు రిజర్వ్ చేసిన భాగాన్ని 2.96 రెట్లు కొనుగోలు చేశారు. ఇదే క్రమంలో రిటైల్ ఇన్వెస్టర్లు కేటాయించిన కోటా కంటే 1.28 రెట్లు, నాన్-ఇన్‌స్టిట్యూషనల్ ఇన్వెస్టర్ల కోసం కేటాయించిన భాగం 0.85 రెట్లు అధికంగా సబ్‌స్క్రయిబ్ చేయబడింది.

లగ్జరీ హోటల్ డెవలప్‌మెంట్, యాజమాన్య స్థలంలో ఉన్నందున జునిపర్ హోటల్స్ మొత్తం 1,836 గదులతో ఏడు హోటళ్లు, సర్వీస్డ్ అపార్ట్‌మెంట్ల పోర్ట్‌ఫోలియోను కలిగి ఉంది. కంపెనీ లగ్జరీ కేటగిరీలో గ్రాండ్ హయత్ ముంబై హోటల్ అండ్ రెసిడెన్సెస్, అందాజ్ దిల్లీ కలిగి ఉండగా.. ఉన్నత స్థాయి హయత్ దిల్లీ నివాసాలు, హయత్ రీజెన్సీ అహ్మదాబాద్, హయత్ రీజెన్సీ లక్నో, హయత్ రాయ్పూర్, హయత్ ప్లేస్ హంపి ఉన్నాయి.