బంగారం ధరల పెరుగుదలపై జేపీమోర్గాన్ సంచలన నివేదిక.. పసిడి కొనుగోలుపై సామాన్యులకు కీలక సూచన..

జేపీమోర్గాన్ కమోడిటీస్ రీసెర్చ్ నివేదిక ప్రకారం, అంతర్జాతీయ మార్కెట్లో బంగారం ధరలపై మునుపటి అంచనాలను కొంతమేర తగ్గించినప్పటికీ.. దీర్ఘకాలంలో Gold పరుగు బలంగానే ఉంటుందని స్పష్టమైంది. ఈ తాజా నివేదిక ప్రకారం.. 2026 చివరి నాటికి బంగారం ధర ఔన్సుకు 6,000 డాలర్లకు , 2027 చివరి నాటికి ఏకంగా 6,300 డాలర్ల రికార్డు స్థాయికి చేరుకోవచ్చని అంచనా వేస్తున్నారు.

అంటే ప్రస్తుత ధరల స్థాయిల నుండి చూసుకుంటే, బంగారం భవిష్యత్తులో పెట్టుబడిదారులకు 20 శాతానికి పైగా లాభాన్ని తెచ్చిపెట్టే అవకాశం ఉంది. అయితే, ఈ ధరల పెరుగుదల అనేది ప్రపంచవ్యాప్తంగా కొనసాగుతున్న భౌగోళిక రాజకీయ ఉద్రిక్తతలు , అమెరికా ఫెడరల్ రిజర్వ్ తీసుకునే వడ్డీ రేట్ల నిర్ణయాలపైనే ఆధారపడి ఉంటుందని, ప్రస్తుతానికి ఈ విషయాలపై మార్కెట్లో పూర్తి స్పష్టత లేదని జేపీమోర్గాన్ పేర్కొంది.

ఈ సంవత్సరపు మార్కెట్ గమనాన్ని పరిశీలిస్తే, 2026 ప్రారంభంలో బంగారం ధరలు స్థిరమైన వృద్ధిని కనబరిచాయి. ముఖ్యంగా జనవరి చివరి నాటికి అంతర్జాతీయ మార్కెట్లో ధరలు ఔన్సుకు 5,600 డాలర్ల గరిష్ట స్థాయికి చేరుకున్నాయి. కానీ ఆ తర్వాత మార్చి చివరి నాటికి ధరల్లో కొంత తగ్గుదల కనిపించింది. ఇటీవల ఒకానొక దశలో బంగారం ధర ఔన్సుకు 4,170 డాలర్ల వద్ద ఈ ఏడాదిలోనే అత్యంత కనిష్ట స్థాయికి పడిపోయినప్పటికీ, మొత్తంమీద పసిడి కదలికలు ఒక ఇరుకైన పరిధిలోనే సాగాయి.

అంతర్జాతీయంగా చోటుచేసుకుంటున్న వాణిజ్య సంబంధిత అనిశ్చితులు, భౌగోళిక రాజకీయ ఉద్రిక్తతలు , వివిధ దేశాల సెంట్రల్ బ్యాంకులు జరుపుతున్న బంగారం కొనుగోలు, అమ్మకాల వల్లే మార్కెట్లో ఈ తరహా అస్థిరత పెరిగిందని నివేదిక స్పష్టం చేసింది. అయినప్పటికీ, దీర్ఘకాలిక పెట్టుబడిగా బంగారానికి ఉన్న డిమాండ్ దృష్ట్యా ధరలు పైపైకే పెరుగుతాయని బ్యాంకింగ్ దిగ్గజం విశ్వసిస్తోంది.

Also Read

దూసుకొస్తున్న పెళ్లిళ్ల సీజన్‌.. బంగారం కొనుగోలు చేయాలనుకునే వారికి నిపుణులు కీలక చిట్కాలు..

ఈ నేపథ్యంలో జేపీమోర్గాన్ 2026 , 2027 సంవత్సరాల కాలానికి తన త్రైమాసిక ధరల అంచనాలను సవరించింది. 2026 రెండవ త్రైమాసికానికి మునుపటి అంచనా అయిన 5,530 డాలర్లను 13 శాతం తగ్గించి 4,800 డాలర్లుగా నిర్ణయించింది. అలాగే, మూడవ త్రైమాసికానికి అంచనాను 5,900 డాలర్ల నుండి 10 శాతం తగ్గించి 5,300 డాలర్లకు మార్చింది. ఇక 2026 నాల్గవ త్రైమాసికానికి సంబంధించి మునుపటి అంచనా 6,300 డాలర్లుగా ఉండగా, దానిని 5 శాతం తగ్గించి 6,000 డాలర్లుగా సవరించింది.

ఈ మార్పుల వల్ల 2026 పూర్తి సంవత్సరానికి సగటు బంగారం ధర అంచనా ఔన్సుకు 5,708 డాలర్ల నుండి 5,243 డాలర్లకు పడిపోయింది. ఇదే విధంగా 2027 సంవత్సరపు అంచనాల్లోనూ కోత విధించింది. 2027 మొదటి త్రైమాసికానికి అంచనాను 6,440 డాలర్ల నుండి 6,200 డాలర్లకు, రెండవ త్రైమాసికానికి 6,560 డాలర్ల నుండి 6,250 డాలర్లకు తగ్గించింది. అలాగే మూడు , నాల్గవ త్రైమాసికాల అంచనాలను 6,600 డాలర్ల నుండి 6,300 డాలర్లకు తగ్గించడంతో, 2027 పూర్తి సంవత్సరానికి సగటు ధర అంచనా 4 శాతం పెరిగి 6,263 డాలర్లుగా స్థిరపడింది.

జేపీమోర్గాన్ ఈ విధంగా అంచనాలను తగ్గించడానికి గల కారణాలను ఆ సంస్థ బేస్ అండ్ ప్రెషియస్ మెటల్స్ విభాగాధిపతి గ్రెగ్ షియరర్ వివరించారు. ప్రస్తుతం సాంకేతికంగా బంగారం ఒక ఇరుకైన పరిధిలో చిక్కుకుపోయిందని, ఇటీవలి నెలల్లో పసిడిపై పెట్టుబడిదారుల ఆసక్తి కొంత మేర తగ్గిందని ఆయన పేర్కొన్నారు. మార్కెట్ వర్గాలు ప్రస్తుతం యూఎస్ ఫెడరల్ రిజర్వ్ ద్రవ్య విధానాలు , అంతర్జాతీయ ఇంధన ధరలపైనే ఎక్కువగా దృష్టి కేంద్రీకరించడం కూడా దీనికి ఒక కారణం.

అయినప్పటికీ ఇరాన్, ఇజ్రాయెల్, , అమెరికా దేశాల మధ్య సాగుతున్న భౌగోళిక రాజకీయ ఉద్రిక్తతలు, దీర్ఘకాలిక ద్రవ్యోల్బణ ఆందోళనలు, అమెరికా దేశపు ద్రవ్య లోటు , ప్రపంచవ్యాప్తంగా నెలకొన్న ఆర్థిక అనిశ్చితి వంటి అంశాలు దీర్ఘకాలంలో బంగారానికి శ్రీరామరక్షగా నిలుస్తాయని ఆయన అభిప్రాయపడ్డారు. ఒకవేళ పశ్చిమ ఆసియాలో ఉద్రిక్తతలు పూర్తిగా తగ్గి, ప్రపంచ ఆర్థిక వ్యవస్థపై స్పష్టత వస్తే, సురక్షితమైన పెట్టుబడిగా భావించే బంగారం వైపు ఇన్వెస్టర్లు మళ్లీ భారీగా తరలివస్తారని, అందుకే ఇటీవలి ధరల కోత తాత్కాలికమేనని జేపీమోర్గాన్ అంచనా వేస్తోంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.