జియో ఇండిపెండెన్స్ డే బంపరాఫర్, 5 నెలలు ఫ్రీ డేటా, కాల్స్
రిలయన్స్ జియో భారీ ఆఫర్ ప్రకటించింది. స్వాతంత్ర్య దినోత్సవాన్ని పురస్కరించుకొని ఈ బంపరాఫర్ ఇచ్చింది. జియోపై 4G వైర్లెస్ హాట్స్పాట్ కొనుగోలుపై ఐదు నెలల వరకు ఉచిత డేటా, జియో నుండి జియో కాల్స్ ఉచితంగా అందించనుంది. ఈ ఆఫర్ పొందాలంటే రూ.1,999తో జియో ఫైను కొనుగోలు చేయడంతో పాటు ప్రస్తుతం అందుబాటులో ఉన్న ప్లాన్స్ను రీచార్జ్ చేసుకోవాలి. అప్పుడు ఈ ఆఫర్ వర్తిస్తుంది.
ముఖేష్ అంబానీ కీలక నిర్ణయం.. ప్యామిలీ కౌన్సిల్: వారసులకు సమాన బాధ్యతలు?
చౌకైన ప్లాన్.. ప్రయోజనాలు
ప్రస్తుతం జియో ఫై కస్టమర్ల కోసం మూడు ప్లాన్స్ అందుబాటులో ఉన్నాయి. అతి చవకైన ప్లాన్ రూ.199తో రీచార్జ్ చేసుకుంటే 28 రోజుల కాలపరిమితితో 1.5GB డేటా, జియో నుండి జియోకు అన్లిమిటెడ్ కాల్స్, 1,000 వరకు జియో నుండి ఇతర నెట్ వర్క్స్కు కాల్ చేసుకోవచ్చు. దీనికి రూ.99తో జియో ప్రైమ్ మెంబర్షిప్ తీసుకుంటే అదనంగా 1.5GB డేటా, అన్లిమిటెడ్ జియో నుండి జియో కాల్స్, 1,000 వరకు ఇతర నెట్ వర్స్కు కాల్స్ 140 రోజుల పాటు లభిస్తుంది. 1,000 నిమిషాల తర్వాత నిమిషానికి 6 పైసలు ఉంటుంది.
రూ.249 ప్లాన్
మరో జియో ప్లాన్ రూ.249తో అందుబాటులో ఉంది. 2GB డేటా 28 రోజుల కాలపరిమితి ఉంటుంది. రూ.99తో ప్రైమ్ మెంబర్షిప్ తీసుకోవాల్సి ఉంటుంది. వాటి ప్లాన్ ఆధారంగా వ్యాలిడిటీ ఉంటుంది. ఈ మెంబర్షిప్తో అదనంగా రోజుకు 2GB డేటా లభిస్తుంది. జియోకు అపరిమిత కాల్స్, ఇతర నెట్వర్క్స్కు 1,000 నిమిషాలు కాల్స్ చేసుకోవచ్చు. రోజుకు 100 ఎస్సెమ్మెస్లు చేయవచ్చు.
రూ.349 ప్లాన్.
కస్టమర్లు రూ.349 మూడో ప్లాన్ ఎంచుకుంటే రోజుకు 3GB డేటా వస్తుంది. ఇది 28 రోజుల కాలపరిమతి కలిగి ఉంటుంది. జియో నుండి జియోకు ఉచిత కాల్స్ అన్లిమిటెడ్. జియో నుండి ఇతర ఫోన్స్కు 1,000 కాల్స్ చేసుకోవచ్చు. రోజుకు 100 ఎస్సెమ్మెస్లు ఉంటాయి. వీటిని జియో డిజిటల్ స్టోర్స్ లేదా జియో వెబ్ సైట్ నుండి కొనుగోలు చేయవచ్చు. ఈ డివైజ్ను రూ.94 చొప్పున ఈఎంఐ చెల్లించి కూడా కొనుగోలు చేయవచ్చు.