Jio Financial Services: జియో ఫైనాన్షియల్ సర్వీసెస్ ఫలితాలు..

జియో ఫైనాన్షియల్ సర్వీసెస్ 2023-24 ఆర్థిక సంవత్సరం జనవరి-మార్చి త్రైమాసికానికి రూ. 310 కోట్ల నికర లాభాన్ని ప్రకటించింది. ఈ త్రైమాసికంలో కంపెనీ నికర వడ్డీ ఆదాయం రూ. 280 కోట్లుగా ఉంది. మొత్తం ఆదాయం రూ.418 కోట్లకు చేరుకుంది. గత త్రైమాసికంలో కంపెనీ రూ. 293 కోట్ల నికర లాభాన్ని, రూ. 269 కోట్ల నికర వడ్డీ ఆదాయాన్ని ఆర్జించింది. జియో ఫైనాన్షియల్ ఆగస్టు 2023లో లిస్ట్ అయింది.

బీఎస్‌ఈలో జియో ఫైనాన్షియల్ సర్వీసెస్ షేర్లు 2.17 శాతం తగ్గి రూ.370 వద్ద ముగిశాయి. ఈ స్టాక్ గురువారం (ఏప్రిల్ 18) 4.6 శాతం పెరిగి రూ. 378.4 వద్ద రికార్డు ముగింపును సాధించింది. సగటు కంటే ఎక్కువ వాల్యూమ్‌లతో రోజువారీ చార్టులలో బుల్లిష్ క్యాండిల్‌స్టిక్ నమూనాను రూపొందించింది. 21 రోజుల EMA (ఎక్స్‌పోనెన్షియల్ మూవింగ్ యావరేజ్) ఈ ఏడాది జనవరి 29 నుండి స్టాక్‌కు బలమైన మద్దతుగా వ్యవహరిస్తోంది.

ఈ త్రైమాసికానికి సంబంధించి ఇన్వెస్టర్ల ప్రజెంటేషన్‌లో కంపెనీ మొత్తం రుణాలు రూ.173 కోట్లుగా ఉన్నాయని పేర్కొంది. గత ఏడాది ఇదే కాలంలో రూ.41 కోట్లతో పోలిస్తే ప్రస్తుతం కంపెనీ వెండర్ ఫైనాన్సింగ్ వ్యాపారంలో పనిచేస్తోందని, గృహ రుణాలు, ఆస్తిపై రుణాలు, మ్యూచువల్ ఫండ్లపై రుణాలు పైప్‌లైన్‌లో ఉన్నాయని కూడా పేర్కొంది. జియో ఫైనాన్షియల్ సర్వీసెస్ ఏప్రిల్ 15న భారతదేశంలో సంపద నిర్వహణ(weath Managment), బ్రోకింగ్ కోసం యూఎస్-ఆధారిత బ్లాక్‌రాక్‌తో 50:50 జాయింట్ వెంచర్‌లోకి ప్రవేశించినట్లు తెలిపింది.

సంపద నిర్వహణ, బ్రోకరేజ్ కోసం రెండు కంపెనీలు విలీనం చేశారు. ఇంతకుముందు జియో ఫైనాన్షియల్ సర్వీసెస్, బ్లాక్‌రాక్ భారతదేశంలో అసెట్ మేనేజ్‌మెంట్ వ్యాపారంలోకి ప్రవేశించడానికి ఒక్కొక్కటి $150 మిలియన్ల పెట్టుబడితో 50:50 జాయింట్ వెంచర్‌ను ఏర్పాటు చేయడానికి జూలై 2023లో ఒక ఒప్పందం చేసుకున్నాయి.