బ్లింకిట్, స్విగ్గీ యూనిఫాంలో దొంగలు.. ఆరు నిమిషాల్లోనే ఆభరణాల షాప్ లూటీ

ఘజియాబాద్ నగరంలోని ఓ ప్రముఖ ఒక ఆభరణాల షాపులోకి రెండు వ్యక్తులు డెలివరీ సంస్థల యూనిఫార్మ్స్ ధరించి దోపిడీ చేయడం సీసీటీవీ కెమెరా ద్వారా చిత్రీకరించబడింది. Blinkit, Swiggy యూనిఫార్మ్‌లతో ఉన్న వారు కేవలం ఆరు నిమిషాల్లో వేల రూపాయల విలువైన ఆభరణాలను దోచుకున్నారు. ఎంతో వేగంగా మరియు ప్రావీణ్యంతో మొత్తం షాపు నుంచి వేలాది రూపాయల విలువైన ఆభరణాలను దొరికినీ దొరికినట్టు తీసుకుని పారిపోయారు.

పోలీసుల కథనం ప్రకారం, ఓ డెలివరీ బాయ్ వేషధారిగా షాపులోకి ప్రవేశించిన వ్యక్తి, అతనితో వచ్చిన ఇద్దరు వ్యక్తులు మొదట సాదాసీదాగా ప్రవర్తించారు. వారికి ఆభరణాల డెలివరీ ఉందని చెప్పి, దుకాణంలోకి ప్రవేశించారు. అయితే, కొద్ది నిమిషాల్లోనే పరిస్థితి మారిపోయింది. ఒక్కసారిగానే వారు షాపు సిబ్బందిగా ఉన్న ఒక మనిషిని బెదిరించి విలువైన వజ్రాభరణాలు, నగదు ఎత్తుకెళ్లారు.

నివేదిక ప్రకారం, షాప్ యజమాని శ్రీ కృష్ణ కుమార్ వర్మ లంచ్‌ కోసం బయటకు వెళ్లగా ఈ దొంగతనం జరిగింది. ఆ సమయంలో షాప్‌లో ఉన్నంత మాత్రమె ఉద్యోగి శుభం ఈ దోపిడీ గురించి వెంటనే యజమానికి సమాచారం ఇచ్చాడు.

మొత్తం దాదాపు 20 కేజీల వెండి వస్తువులు మరియు 25 గ్రాముల బంగారాన్ని దోచేశారు. ఈ ఘటనపై పోలీసులు స్పందించి, మొత్తం 6 విచారణా బృందాలను నియమించారు. దోపిడీ జరిగిన సమయంలో షాపులో ఉన్న ఉద్యోగి శుభం‌పై కూడా అనుమానాలున్నాయి. సాహిబాబాద్ ACP శ్వేతా యాదవ్ చెప్పిన ప్రకారం, ఆయన వ్యవహారాన్ని పోలీసులు విచారిస్తున్నారు. ఆయన ఈ దొంగతనంలో పాత్ర ఉందేమో అన్న కోణంలో దర్యాప్తు చేస్తున్నారు.

ఈ దోపిడీ ఘటనపై నెటిజన్లు తమదైన శైలిలో స్పందిస్తున్నారు. ఒక యూజర్ హాస్యంగా వ్యాఖ్యానిస్తూ, ఇది దొంగతనం కాదు. ఎవరో ఆభరణాలు ఆర్డర్ చేసినట్టుగా, వాళ్లు 10 నిమిషాల్లో ప్యాక్ చేసి డెలివరీకి వెళ్లారు. వాళ్లపై ఉన్న ఒత్తిడిని కూడా అర్థం చేసుకోవాలి అన్నారు. మరొకరు, "ఇది స్విగ్గి, బ్లింకిట్ కలిసి చేస్తున్న పని లాంటిదే. ఇంత వేగం జీవితంలో చూడలేదు, అని వ్యాఖ్యానించారు. ఇంకొకరు సరదాగా, వాళ్లు రాపిడో బైక్‌పై తిరిగి వచ్చి, ఓయో లో నుంచి జెప్టోలో స్నాక్స్ ఆర్డర్ చేసి ఉండొచ్చు, అని రాశారు. చివరగా, ఓ నెటిజన్ వ్యంగ్యంగా, వాళ్లు నిజంగా 10 నిమిషాల్లో దోపిడీ చేసి, డెలివరీ కూడా చేసేశారా మరి అంటూ స్పందించారు. ఈ అన్ని కామెంట్లూ సామాజిక మాధ్యమాల్లో పెద్ద చర్చకు దారితీశాయి.