ఉద్యోగులకు ఫార్మ్ 16 ఎప్పుడు ఇస్తారు..? ఇన్కమ్ ట్యాక్స్ ఎప్పుడు కట్టాలి అంటే..?

చాలా మంది జీతం తీసుకునే ఉద్యోగులు కంపెనీ నుండి ఫారం 16 (TDS సర్టిఫికేట్) కోసం ఎదురుచూస్తుంటారు. ఫారం 16 అనేది ఒక ఆర్థిక సంవత్సరంలో ఉద్యోగికి చెల్లించిన జీతం ఆదాయం, పన్ను విధానం, ఉద్యోగి జీతం నుండి క్లెయిమ్లు, మినహాయింపుల వివరాలు ఉండే ముఖ్యమైన సర్టిఫికేట్. ఇది ఆదాయపు పన్ను రిటర్న్ (ITR) ఫైల్ చేయడానికి అవసరమైన ముఖ్యమైన వాటిలో ఒకటి.

ఫారం 16 జారీ చేయడానికి చివరి తేదీ :ఆదాయపు పన్ను నిబంధనల ప్రకారం, కంపెనీలు జనవరి-మార్చి త్రైమాసికానికి సంబంధించిన ఈ-TDS రిటర్న్‌ను వచ్చే ఆర్థిక సంవత్సరం మే 31లోపు ఫైల్ చేయాలి. ఈ-TDS రిటర్న్ ఫైల్ చేసిన తర్వాత అంటే జూన్ 15 లోపు TDS సర్టిఫికేట్‌ను జారీ చేయాలి. ఫారం 16ను టైంకి జారీ చేయలేకపోతే, ప్రతి రోజుకు రూ. 500 జరిమానా విధించబడుతుంది. ఈ జరిమానాను కంపెనీ కేంద్ర ప్రభుత్వానికి నేరుగా జమ చేయాలి.

ఫారం 16 లేకుండా ITR ఫైల్ చేయవచ్చా: ఫారం 16తో ఆదాయపు పన్ను రిటర్న్‌ను ఫైల్ చేయడం ఈజీ. అయితే, పన్ను చెల్లింపుదారులు ఫారం 16 లేకుండా కూడా ఆదాయపు పన్ను రిటర్న్‌ ఫైల్ చేయవచ్చు. మీకు ఫారం 16 లేకపోతే మీరు మీ ఆదాయపు పన్ను రిటర్న్‌ ఫైల్ చేయడానికి జీతం స్లిప్‌లు, అన్యువల్ ఇన్ఫర్మేషన్ స్టేట్మెంట్ (AIS), ఫారం 26AS వంటి ఇతర వాటిపై ఆధారపడాలి.

పాన్ ఉపయోగించి ఆదాయపు పన్ను వెబ్‌సైట్ నుండి ఫారం 16 డౌన్‌లోడ్ చేసుకోవచ్చా: ఒక జీతం పొందే ఉద్యోగి పాన్ లేదా డిడక్టార్ పాన్ ఉపయోగించి ఆదాయపు పన్ను శాఖ వెబ్‌సైట్ నుండి ఫారం 16ను డౌన్‌లోడ్ చేయలేరు. డిడక్టార్ మాత్రమే ఉద్యోగికి లేదా డిడక్టీకి ఫారం 16ను జారీ చేయగలడు. డిడక్టార్ కూడా TRACES పోర్టల్ నుండి డౌన్‌లోడ్ చేసిన తర్వాత మాత్రమే ఫారం 16ను జారీ చేయగలడు.

ఎవరికి ఫారం 16 వస్తుంది: కంపెనీ ఉద్యోగికి చెల్లించిన జీతం ఆదాయంపై పన్ను కట్ చేస్తే వారికి ఫారం 16 జారీ చేయబడుతుంది. 2024-25 ఆర్థిక సంవత్సరానికి ( 1 ఏప్రిల్ 2024 నుండి 31 మార్చి 2025 మధ్య) వర్తించే ఆదాయపు పన్ను నిబంధనల ప్రకారం, పన్ను ఆదాయం రూ. 7 లక్షలు మించకపోతే కొత్త పన్ను విధానంలో జీరో ట్యాక్స్ చెల్లించబడుతుంది. అదేవిధంగా పన్ను విధించదగిన ఆదాయం రూ. 5 లక్షలు మించకపోతే ఉద్యోగి 2024-25 ఆర్థిక సంవత్సరానికి పాత పన్ను విధానాన్ని తీసుకుంటే కంపెనీ ఎటువంటి పన్ను తీసివేయదు.

ఉద్యోగి ఫారం 16లో కొన్ని విషయాలను చెక్ చేయాలి. ఫారం 16లో రెండు భాగాలు ఉన్నాయి - పార్ట్ A అండ్ పార్ట్ B. ఫారం 16లోని పార్ట్ Aలో ఉద్యోగి ఇంకా కంపెనీ వివరాలు అనగా పేరు, చిరునామా, పాన్ మొదలైన పన్ను వివరాలు ఉంటాయి. ఫారం 16లోని పార్ట్ Bలో కంపెనీ ఉద్యోగికి చెల్లించిన మొత్తం ఆదాయం వివరాలు ఉంటాయి. రెండు భాగాలు TRACES పోర్టల్ నుండి డౌన్‌లోడ్ చేస్తే TRACES లోగోతో ఉంటాయి.

ఫారం 16 పాస్‌వర్డ్ ఏంటి :ఫారం 16 సాధారణంగా పాస్‌వర్డ్ ప్రొటెక్ట్ ఫైల్. పాస్‌వర్డ్ మీ పాన్ (చిన్న లేదా పెద్ద అక్షరాలలో), మీ పుట్టిన తేదీ (DD/MM/YY), లేదా పాన్ (చిన్న లేదా పెద్ద అక్షరాలలో) ఇంకా పుట్టిన తేదీతో కావచ్చు. ఫారం 16 పాస్‌వర్డ్ ప్రొటెక్ట్ చేస్తే అలాగే పాస్‌వర్డ్ తెలుసుకోవడానికి మీరు మీ ఇమెయిల్‌ను చెక్ చేయాలి.