ITR డెడ్‌లైన్ పొడిగించినంత మాత్రాన వడ్డీ పెనాల్టీ రిలీఫ్ ఉండదు!

కరోనా నేపథ్యంలో పన్ను చెల్లింపుదారులకు కేంద్రం ఊరట కల్పించింది. fy21 ఆర్థిక సంవత్సరానికి ఆదాయ పన్ను రిటర్న్స్ గడువును సెప్టెంబర్ 30వ తేదీ వరకు పొడిగించింది. అయితే గడువు పొడిగించినప్పటికీ అంతకుముందు ఉన్న జరిమానా వడ్డీ ఛార్జీలను యథావిధిగా చెల్లించవలసి ఉంటుంది. వాటిపై ఎలాంటి మినహాయింపు లేదని తెలిపింది. వివిధ ఆదాయపు పన్ను చట్టం సెక్షన్ల కింద ఆలస్య చెల్లింపులకు గాను వడ్డీ చెల్లించాల్సి ఉంటుంది.

ఐటీఆర్ దాఖ‌లులో ఆల‌స్యమైతే సెక్ష‌న్ 234ఎ కింద వ‌డ్డీ వ‌ర్తిస్తుంది. ఐటీఆర్ ఫైలింగ్ డెడ్ లైన్ జులై 31, 2021 అనుకుంటే ఆగ‌స్ట్ ఐదో రోజు ఐటీఆర్ దాఖ‌లు చేస్తే, చెల్లించాల్సిన మొత్తం ప‌న్నుపై నెల‌కు ఒక శాతం చొప్పున వ‌డ్డీ ఉంటుంది. ఇక్క‌డ ఒక నెల దాటి మ‌రో నెల‌లో ఐదు రోజులే అయిన‌ప్ప‌టికీ, దాని మొత్తం నెల‌గా భావిస్తారు. అందుకే పూర్తిగా నెల‌రోజుల వ‌డ్డీ వర్తింపచేస్తారు. అయితే గ‌త సంవ‌త్స‌రం మాదిరి ప్ర‌భుత్వం ఈ వ‌డ్డీ విష‌యంలో కొంత మిన‌హాయింపు ఇచ్చింది.

చెల్లించాల్సిన ప‌న్ను మొత్తం రూ.ల‌క్ష లోపు ఉంటే ఇది వ‌ర్తించ‌దు. రూ.ల‌క్ష కంటే ఎక్కువ‌గా ఉంటే వ‌ర్తిస్తుంది. అంటే వారికి ఇప్పుడు సెప్టెంబ‌ర్ 30 వ‌ర‌కు స‌మ‌యం ఉంటుంది. అయితే ఆగ‌స్ట, సెప్టెంబ‌ర్ నెల‌ల‌కు ఒక శాతం చొప్పున వ‌డ్డీ చెల్లించాలి.