IT Raids: గ్లాండ్ ఫార్మాపై కొనసాగుతున్న ఐటీ దాడులు.. హైదరాబాదులో సోదాలు..

Gland Pharma: హైదరాబాదు నగరంలో మరోసారి ఐటీ అధికారుల సోదాలు కలకలం రేపుతున్నాయి. నగరంలోని ఫార్మా కంపెనీలే లక్ష్యంగా దాడులు కొనసాగుతున్నట్లు సమాచారం.

అందుబాటులో ఉన్న సమాచారం ప్రకారం హైదరాబాద్‌లో గ్లాండ్ ఫార్మా కంపెనీకి చెందిన కార్యాలయాలు, ప్రాంతాలపై దాడులు కొనసాగుతున్నాయి. ఇదే క్రమంలో కంపెనీ ప్రతినిధులు, వారి బంధువుల ఇళ్లలో సైతం తనిఖీలు కొనసాగుతున్నట్లు సమాచారం. ఈ క్రమంలో పన్ను అధికారులు ఏకకాలంలో దాదాపు 9 ప్రాంతాల్లో సోదాలు నిర్వహిస్తున్నారు. ప్రస్తుతం సోదాలు రాయదుర్గం, కోకాపేట్ సహో ఇతర ప్రాంతాల్లో రెయిడ్స్ కొనసాగుతున్నాయి.

అలాగే రంగారెడ్డి జిల్లా యెనికేపల్లిలో ఉన్న నీమ్‌ట్రీ ఫామ్‌హౌస్‌లో కూడా అదాయపు పన్ను అధికారులు తనిఖీలు కొనసాగిస్తున్నారు. అయితే సోదాలకు సంబంధించి ఇప్పటి వరకు కంపెనీ ఎలాంటి అధికారిక ప్రకటన విడుదల చేయలేదు. దాడులు ఎందుకు జరుగుతున్నాయి, కంపెనీపై ఉన్న ఆరోపణలు ఏమిటనే విషయం తెలియాల్సి ఉంది.

ఈ క్రమంలో గ్లాండ్ ఫార్మా కంపెనీ షేర్ ధర ఎన్ఎస్ఈలో స్వల్ప నష్టంలో రూ.1925.20 వద్ద ట్రేడింగ్ కొనసాగిస్తోంది.