IT News: ఉచ్చు బిగించిన విప్రో.. ఉద్యోగం గోవిందా, టెక్ ఫ్రెడ్స్ జాబ్ జాగ్రత్త

Wipro News: ప్రపంచ వ్యాప్తంగా మాంద్యం ఛాయలు దాదాపుగా చివరి అంకానికి చేరాయి. ఈవారం జరగనున్న ఫెడ్ సమావేశంలో వడ్డీ రేట్ల తగ్గింపు ఉంటుందనే ఊహాగానాలు ఉన్నాయి. ఇది ఐటీ రంగం పునరుద్ధరణను సూచిస్తోంది.

గ్లోబల్ మార్కెట్లు తిరిగి గాడిన పడతాయనే సంకేతాలు ఇప్పటికే మెుదలయ్యాయి. దీంతో ఐటీ కంపెనీలు సైతం తిరిగి భారీగా రిక్రూట్మెంట్స్ కొనసాగిస్తున్నాయి. ఇదే సమయంలో టెక్ కంపెనీలు సైతం కఠినంగా వ్యవహరిస్తున్నాయి. భారతీయ టెక్ దిగ్గజ సంస్థలు తమ ఉద్యోగులకు కరోనా సమయంలో అందించిన వర్క్‌ఫ్రమ్ హోమ్ సౌలభ్యాన్ని ఇప్పటికే తొలగించగా, వ్యాపారాలు బూస్ట్ అవుతున్న వేళ ఉద్యోగులను తిరిగి ఆఫీసులకు రప్పించేపనిలో కొనసాగుతున్నాయి.

ఈ క్రమంలో దేశీయ టాప్ టెక్ దిగ్గజాల్లో ఒకటిగా కొనసాగుతున్న విప్రో తన ఉద్యోగులను ఆఫీసులకు రప్పించేందుకు రంగంలోకి దిగింది. ఈ క్రమంలో టెక్కీలు ఆఫీసు నుంచి పనిచేయటాన్ని సెలవులకు లింక్ చేసింది. నివేదిక ప్రకారం బెంగళూరుకు చెందిన టెక్ మేజర్ తన సిబ్బందికి వారంలో కనీసం మూడు రోజులు కార్యాలయానికి హాజరు కావాలని లేదా హాజరుకాని రోజులకు లీవ్స్ కోల్పోయే ప్రమాదం ఉందని ఉద్యోగులకు మెయిల్ ద్వారా వెల్లడించినట్లు తెలుస్తోంది. ఇంటి నుండి పని చేసేందుకు ఉద్యోగుల అభ్యర్థనలను అనుమతించవద్దని మేనేజ్‌మెంట్ HR బృందానికి సెప్టెంబర్ మెుటది వారంలోనే ఆదేశాలు జారీచేసినట్లు వార్తా నివేదికలు వెల్లడించాయి.

హ్యూమన్ రిసోర్సెస్ టీమ్ వర్క్ ఫ్రమ్ హోమ్ అభ్యర్థనలను వెంటనే రద్దు చేయాలని, ఉద్యోగులను వారానికి కనీసం మూడు రోజులు కార్యాలయానికి హాజరు కావాలనే విషయాన్ని అన్ని టీమ్స్‌కు మెయిల్ ద్వారా తెలిపినట్లు విప్రో ఉద్యోగి ఒకరు వెల్లడించారు. కొత్త పాలనీ ప్రకారం ఎవరైనా ఉద్యోగి వారంలో మూడు రోజులు ఆఫీసుకు హాజరుకాకపోతే అతడు పనిచేసినప్పటికీ.. కార్యాలయంలో భౌతికంగా హాజరుకాని రోజును సెలవుగా పరిగణించబడతాయని స్పష్టం చేసింది.

వాస్తవానికి తొలుత ఈ పద్ధతిని భారతీయ టెక్ మేజర్ టాటా కన్సల్టెన్సీ సర్వీసెస్ తొలుత తన సంస్థలో ప్రవేశపెట్టింది. అయితే టీసీఎస్ ఇక్కడ తన ఉద్యోగుల వేరియబుల్ వేతనాన్ని కార్యాలయ హాజరుతో అనుసంధానించింది. టాటా గ్రూప్ తన ఉద్యోగులు వారంలో 5 రోజులు తప్పనిసరిగా ఆఫీసుల నుంచే పనిచేయాలని, ఇంటినుంచి పనికి పూర్తిగా స్వస్తి పలికింది. అలాగే మరో టాప్ టెక్ దిగ్గజం ఇన్ఫోసిస్ తన ఉద్యోగులను కనీసం మూడు రోజుల-వారం ఆఫీసు నుండి పని చేయాలని సూచించింది. ఇక చివరిగా LTIMindtree ఉద్యోగుల హాజరును ఇటీవల సెలవులను లింక్ చేసింది.