Stock Market: ఈ వారం మార్కెట్లు ఎలా ఉండనున్నాయి.. ఇన్వెస్టర్ల సంపద పెరుగుతుందా లేక ఆవిరవుతుందా..

Stock Market: ఈ వారం స్టాక్ మార్కెట్ల ట్రెండ్‌ను.. గ్లోబల్ ట్రెండ్‌లు, ముడి చమురు ధరల్లో అస్థిరత, విదేశీ సంస్థాగత పెట్టుబడుల కదలికలు(FII) ప్రభావితం చేయనున్నాయి. దీనితో పాటు నెలవారీ ఫ్యూచర్స్ డీల్స్ నెలవారీ క్లోజింగ్ ఎక్స్ పైరీ మార్కెట్లను మరింత ప్రభావితం చేస్తాయని మార్కెట్ నిపుణులు చెబుతున్నారు. మరో పక్క గరిష్ఠ స్థాయిలో రూపాయి మారకపు విలువ పడిపోవటం, ఫారెక్స్ నిల్వలు, బంగారం నిల్వలు తగ్గటం, లవారీ ఆటో అమ్మకాల వివరాలు మార్కెట్లకు కీలకం కానున్నాయి. వీటన్నిటికీ తోడు రుతుపవనాల పురోగతిపై ఇన్వెస్టర్లు కన్నేసి ఉంచుతారని తెలుస్తోంది.

ప్రపంచ మార్కెట్లలో కరెక్షన్, ద్రవ్యోల్బణం కారణంగా డిమాండ్ తగ్గుతుందనే భయాలతో కమోడిటీ ధరల తగ్గుదల నేపథ్యంలో రెండు వారాల భారీ క్షీణత తర్వాత భారతీయ మార్కెట్లు దిగువ స్థాయిల నుంచి కోలుకున్నాయని మార్కెట్ నిపుణులు అంటున్నారు. ఈ కరెక్షన్ మరింత కొనసాగవచ్చని, రానున్న రోజుల్లో ఈక్విటీ మార్కెట్లలో మంచి ర్యాలీని ఆశించవచ్చని వారు అంచనా వేస్తున్నారు. ఇవి ఇన్వెస్టర్ల సెంటిమెంట్లను ఎంత మేర ప్రభావితం చేస్తాయన్నది తెలియాల్సి ఉంది.

జూన్ నెల ఫ్యూచర్స్ కాంట్రాక్టులు ముగింపు కారణంగా ఈ వారం కూడా మార్కెట్లలో అస్థిరత ఎక్కువగా ఉండవచ్చని తాము భావిస్తున్నట్లు రెలిగేర్ బ్రోకింగ్ లిమిటెడ్ వైస్ ప్రెసిడెంట్ అజిత్ మిశ్రా అన్నారు.