ONDC: ఓఎన్డీసీ రాకతో స్విగ్గీ, జొమాటోకు దెబ్బ..!

అరిటిక్ వ్యవస్థాపకుడు అంకిత్ ప్రకాష్ ఓపెన్ నెట్‌వర్క్ ఫర్ డిజిటల్ కామర్స్ (ONDC)లో విక్రయదారు యాప్ అయిన Paytmలో ఇండియానా బర్గర్స్ నుంచి పనీర్ బర్గర్, పెప్సీ కాంబోను ఆర్డర్ చేశాడు. వీటి ధర స్విగ్గీ వసూలు చేస్తున్నదానికంటే 45 తక్కువ ఉందని ఆయన తెలిపారు. దీంతో ప్రకాష్ లాగా ఇతర వినియోగదారులు ప్లాట్‌ఫారమ్‌లలో ధరలను పోల్చడం ప్రారంభించారు.

దీంతో ONDC రోజువారీ ఆర్డర్ వాల్యూమ్‌లను 2.5X పెగింది. ఆర్డర్లు 10,000 నుంచి 25,000 ఆర్డర్లకు పెరిగాయి.
ఇది భారత్ లోని $5 బిలియన్ల ఫుడ్ డెలివరీ మార్కెట్‌లో 90 శాతం నియంత్రణలో ఉన్న స్విగ్గీ, జొమాటో ఎదురు దెబ్బగొ భావిస్తున్నారు. ఓఎన్డీసీతో స్విగ్గీ, జొమాటో మార్జిన్లు తగ్గే అవకాశం ఉంది.

ఇ-కామర్స్ ఇంటర్‌పరేబుల్‌గా చేయడానికి, వ్యాపార నిర్ణయాలపై కంపెనీలకు మరింత నియంత్రణను ఉంచడానికి ప్రభుత్వ మద్దతుతో, ONDCని తీసుకొచ్చారు. ఓపెన్ నెట్‌వర్క్ ఫర్ డిజిటల్ కామర్స్ (ONDC)ని గత ఏడాది ఏప్రిల్‌లో ప్రారంభించారు. మొదటి ఆరు నెలల్లో ఇందులో రోజుకు రెండు వందల లావాదేవీలను మాత్రమే జరిగాయి. కానీ క్రమంగా ఓఎన్డీసీలో ఆర్డర్లు పెరుగుతోన్నాయి.

ONDC ఆలోచన మంచిదే అయినప్పటికీ దాని అమలు సంక్లిష్టంగా కనిపిస్తుంది. నెట్‌వర్క్ మొత్తం ఆర్డర్-డెలివరీ ఆపరేషన్‌ను మూడు భాగాలుగా విభజిస్తుంది. వినియోగదారుని ఎదుర్కొనే కొనుగోలుదారు-పక్ష యాప్‌లు, వ్యాపారులు, వ్యాపారాన్ని చేర్చుకునే విక్రేత పక్ష యాప్‌లు, తుది వినియోగదారునికి చివరి మైలు డెలివరీ చేసే లాజిస్టిక్స్ ప్రొవైడర్లు ఉన్నాయి.