Flexi Vs Large Cap Mutual Fund: లార్జ్ క్యాప్, ఫ్లెక్సీ క్యాప్ మ్యూచువల్ ఫండ్.. ఎందులో పెట్టుబడి పెట్టాలి..!

భారతీయ మ్యూచువల్ ఫండ్ పెట్టుబడిదారులలో లార్జ్ క్యాప్, ఫ్లెక్సీ క్యాప్ ఫండ్‌లు అత్యంత విస్తృతంగా ఉన్న రెండు ఈక్విటీ కేటగిరీలుగా ఉన్నాయి. ఈ రెండు కేటగిరీలను తరచుగా ఒకదానితో ఒకటి పోలుస్తుంటారు. రెండూ ప్రధానంగా ఈక్విటీలలో పెట్టుబడి పెడతాయి. రెండూ దీర్ఘకాలిక సంపద సృష్టి కోసం తీసుకొచ్చారు. ఒక లార్జ్ క్యాప్ ఫండ్ తన పోర్ట్‌ఫోలియోలో కనీసం 80% లార్జ్ క్యాప్ స్టాక్స్‌లో పెట్టుబడి పెట్టాల్సి ఉంటుంది. మార్కెట్ క్యాపిటలైజేషన్ ప్రకారం టాప్ 100 కంపెనీలను SEBI లార్జ్ క్యాప్ స్టాక్స్‌గా నిర్వచించింది. లార్జ్ క్యాప్ ఫండ్స్ టాప్ 100 కంపెనీల్లో పెట్టుబడి పెట్టాల్సి ఉంటుంది.

ఒక ఫ్లెక్సీ క్యాప్ ఫండ్‌కు మార్కెట్ క్యాప్ విభాగాలలో అటువంటి స్థిర కేటాయింపు అవసరం లేదు. పోర్ట్‌ఫోలియో మొత్తంలో కనీసం 65% ఈక్విటీలలో పెట్టుబడి పెట్టాల్సి ఉంటుంది. ఫండ్ మేనేజర్ సరైనదిగా భావించిన ఏ నిష్పత్తిలోనైనా లార్జ్ క్యాప్, మిడ్ క్యాప్, స్మాల్ క్యాప్ స్టాక్‌లలో పెట్టుబడి పెట్టవచ్చు. ఈ నిర్మాణాత్మక వ్యత్యాసమే ఈ రెండు కేటగిరీలు ఒకే కాల వ్యవధిలో ఇంత భిన్నంగా ప్రవర్తించడానికి అతిపెద్ద ఏకైక కారణం. డేటా ప్రకారం మూడు కాలపరిమితులలోనూ ఫ్లెక్సీ క్యాప్ కేటగిరీ సగటు, లార్జ్ క్యాప్ కేటగిరీ సగటు కంటే ఎక్కువగా ఉంది. ఒక సంవత్సరం కాలంలో ఫ్లెక్సీ క్యాప్ ఫండ్ల సగటున 4.82 శాతంగా ఉంది. లార్జ్ క్యాప్ ఫండ్‌లు దాదాపు స్థిరంగా 0.55% రాబడిని అందించాయి.

అగ్రగామి లార్జ్ క్యాప్ పథకాల కంటే అగ్రగామి ఫ్లెక్సీ క్యాప్ పథకాలు 3 సంవత్సరాల కాలంలో అధిక రాబడి నమోదు చేస్తున్నాయి. ఈ డేటాలోని అత్యుత్తమ ఫ్లెక్సీ క్యాప్ ఫండ్ 20.42% రాబడిని అందించగా, అత్యుత్తమ లార్జ్ క్యాప్ ఫండ్ 14.91% రాబడిని అందించింది. అయినప్పటికీ ఫ్లెక్సీ క్యాప్‌లో అత్యుత్తమ రాబడికి, కేటగిరీ సగటుకు మధ్య వ్యత్యాసం కూడా ఎక్కువగా ఉంది. ఫ్లెక్సీ క్యాప్ నిబంధన ప్రకారం ఫండ్ మేనేజర్‌లకు మిడ్ క్యాప్, స్మాల్ క్యాప్ స్టాక్స్‌లో బలమైన అవకాశాలు కనిపించినప్పుడు వాటిలో పెట్టుబడిని పెంచుకోవడానికి అవకాశం ఉంది. 3 సంవత్సరాల్లో అత్యుత్తమ పనితీరు కనబరిచిన ఫ్లెక్సీ క్యాప్ ఫండ్ రాబడి 20.42 శాతంగా ఉంది.

అదే సమయంలో కేటగిరీ సగటు 12.65 శాతంగా ఉంది. త్యాసం దాదాపు 8 శాతం పాయింట్లుగా ఉంది. 3 సంవత్సరాల కాలంలో లార్జ్ క్యాప్‌లో అత్యుత్తమ పనితీరు కనబరిచిన ఫండ్ 14.91 శాతం రాబడి ఇచ్చింది. ఇందులో కేటగిరీ సగటు 10.18 శాతం ఉండగా.. వ్యత్యాసం 4.7 శాతం పాయింట్లకు దగ్గరగా ఉంది. ఫ్లెక్సీ క్యాప్ కేటగిరీలో ఫండ్ ఎంపిక చాలా ముఖ్యం, ఎందుకంటే లార్జ్ క్యాప్ స్కీమ్‌లతో పోలిస్తే వివిధ ఫ్లెక్సీ క్యాప్ స్కీమ్‌లలో ఫలితాలు చాలా విస్తృతంగా మారుతూ ఉంటాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.