HIRE Act 2025 పాస్ అయితే – Dalal Street లో పానిక్ మూడ్ లోకి వెళ్తుందా?

భారత IT రంగం ఎన్నో ఏళ్లుగా దళాల్ స్ట్రీట్‌కి డబ్బు తయారు చేసే యంత్రంలా మారింది. ఇప్పుడు రూ.30 లక్షల కోట్ల విలువైన ఈ రంగం ముందుకు పెద్ద సవాలు వస్తోంది. కారణం అమెరికా ప్రతిపాదిస్తున్న HIRE Act 2025.

ఏమిటి ఈ HIRE Act 2025?

ఈ బిల్లును అమెరికా రిపబ్లికన్ సెనేటర్ బెర్నీ మోరెనో ప్రవేశపెట్టారు. ఇందులో అమెరికా కంపెనీలు విదేశాలకు (భారతదేశం వంటి దేశాలకు) అవుట్‌సోర్సింగ్ చేసే సర్వీసులపై "25% పన్ను" వేయాలని ప్రతిపాదించారు.

భారత కంపెనీలు అమెరికా క్లయింట్స్‌కి సర్వీసులు అందించాలంటే, అమెరికన్ కంపెనీల ఖర్చు 25% పెరుగుతుంది. అంటే మన IT రంగం చాలా ఏళ్లుగా నమ్ముకున్న ఖర్చు ప్రయోజనం మోడల్‌కు ఇది షాక్లాగా ఉంది.

రాజకీయ గేమ్ ప్లాన్: ఈ బిల్లుకి వెనుక కేవలం ఆర్థిక కారణాలు మాత్రమే కాదు, రాజకీయ లెక్కలు కూడా ఉన్నాయి. డొనాల్డ్ ట్రంప్ 'అమెరికా ఫస్ట్' అజెండా కింద నడుస్తున్న "ప్రాజెక్ట్ 2025"లో భాగంగా జాబ్ ప్రొటెక్షన్, టారిఫ్‌లు వంటి పాలసీలు ఈ బిల్లుకి బలంగా నిలుస్తున్నాయి. దీనిపై మెరిసిస్ PMS ఫండ్ మేనేజర్ అక్షయ్ బడ్జాతే వ్యాఖ్యానిస్తూ ఈ బిల్లు పాస్ అయితే IT కంపెనీల మార్జిన్స్‌కి అదనంగా 500-1000 బేసిస్ పాయింట్ల ఒత్తిడి పడే అవకాశం ఉందని చెప్పారు. ఎందుకంటే కంపెనీలు అమెరికా మార్కెట్‌లో మరిన్ని ఉద్యోగులను నేరుగా హైర్ చేయాల్సి వస్తుంది, దాంతో ఖర్చులు గణనీయంగా పెరుగుతాయని ఆయన హెచ్చరించారు.

మార్కెట్ రియాక్షన్:
ఇప్పటికే 2025లో విదేశీ ఇన్వెస్టర్లు (FIIలు) భారీగా విక్రయాలు చేసి రూ. 62,000 కోట్ల IT షేర్లు అమ్మేశారు. దాంతో Nifty IT ఇండెక్స్ తన పీక్ నుంచి దాదాపు 23% కరెక్ట్ అయ్యింది. గత ఒక ఏడాదిలో broader మార్కెట్‌తో పోలిస్తే IT స్టాక్స్ 14.6% తక్కువ రాబడులు ఇచ్చాయి. అదే సమయంలో, కంపెనీల P/E రేషియోలు 30x నుంచి 20xకి పడిపోయాయి, అంటే ఇన్వెస్టర్లు ఈ రంగంపై నమ్మకం కొంత తగ్గించుకున్నారు అని అర్థం.

ఈ పరిస్థితిపై జూలియస్ బేర్‌కి చెందిన మార్క్ మాథ్యూస్ చెబుతున్నారు "ఒకసారి స్టాక్స్ 20% కంటే ఎక్కువ కరెక్ట్ అయితే, ఇన్వెస్టర్ల ఆసక్తి తిరిగి మొదలవుతుంది. కానీ ప్రస్తుతం IT రంగం మీద ఒత్తిడి మాత్రం చాలా ఎక్కువగానే ఉంది.

భారత IT ఫీల్డ్:
భారత IT రంగానికి ఉన్న అసలైన బలం ఏమిటంటే, దాన్ని రీప్లేస్ చేయడం అంత ఈజీ పని కాదు. మార్క్ మాథ్యూస్ చెప్పినట్లు "వియత్నాం లేదా ఫిలిప్పీన్స్‌ లాంటి దేశాలకు రాత్రి కి రాత్రి IT బిజినెస్‌ను తరలించడం అసాధ్యం. అమెరికా కంపెనీలు భారత ITతో చాలా ఏళ్లుగా బలమైన సంబంధాలు కట్టుకున్నాయి. అవి ఒక్కసారిగా కూలిపోవు.

అలాగే JM ఫైనాన్షియల్ కూడా అదే అభిప్రాయం చెబుతోంది: ఇంత పెద్ద స్థాయిలో ఉన్న సాఫ్ట్‌వేర్ ఇంజినీర్లను చాలా తక్కువ సమయంలో ఎక్కడా రీప్లేస్ చేయడం సాధ్యం కాదు. కాబట్టి భారత IT రంగానికి ఈ స్కేల్, స్కిల్ అనేవి ట్రంప్ కార్డ్స్‌లా ఉన్నాయి.

AI:
Infosys, TCS లాంటి పెద్ద IT కంపెనీలు AI రేసులో గ్లోబల్ పీర్స్ కంటే కొంచెం వెనుకబడ్డాయి. 2025 నాటికి ప్రపంచ కంపెనీల్లో దాదాపు 75% AI ని పూర్తిగా ఇంటిగ్రేట్ చేసుకోబోతుంటే, భారత ITలో మాత్రం ఉద్యోగుల్లో కేవలం 50% మంది మాత్రమే AI పై నమ్మకం చూపుతున్నారు. ఈ గ్యాప్ వల్ల రిక్రూట్‌మెంట్ తగ్గిపోయింది, రొటీన్ జాబ్స్‌లో 70% వరకు ఆటోమేషన్ అవుతోంది. కానీ ఇదంతా నెగటివ్‌గానే కాదు. DSP మ్యూచువల్ ఫండ్ చెబుతున్నట్టుగా గ్లోబల్ కంపెనీలు రిస్కీ‌గా AIలో దూకుతున్నప్పుడు, భారత IT "సహాయకులు"లా పనిచేసి AI సొల్యూషన్స్ ఇవ్వగల సామర్థ్యం కలిగి ఉంది. అంటే ఇదే డిస్రప్షన్ ఒక పెద్ద కొత్త అవకాశం కూడా అవ్వొచ్చు.

ఇన్వెస్ట్‌మెంట్ విషయంలో ఇప్పుడు చాలా జాగ్రత్తగా ఉండాలి అంటున్నారు అనలిస్టులు. ఓమ్ ఘావాల్కర్ (Share.Market Analyst) అభిప్రాయం ప్రకారం, పెద్ద Tier-1 IT కంపెనీల్లో ఎంపికగా ఇన్వెస్ట్ చేయడం మంచిది. ఎందుకంటే వాటి దగ్గర క్యాష్ ఎక్కువగా ఉంది, కాబట్టి ఆన్‌షోర్ మోడల్ మార్చుకోవచ్చు, అలాగే బైబ్యాక్‌ల ద్వారా వోలాటిలిటీని కూడా హ్యాండిల్ చేయగలవు. కానీ కేవలం కార్మికులు మీద ఆధారపడే కంపెనీల్లో మాత్రం రిస్క్ ఎక్కువ కాబట్టి దూరంగా ఉండటం మంచిది.

ఇక JM ఫైనాన్షియల్ చెబుతున్నదేమిటంటే, FY26 వరకు IT డిమాండ్ సద్దుమణుగుతుంది కాబట్టి ఆదాయాల ఉన్న కంపెనీలు మాత్రమే సేఫ్ అవుతాయి. DSP మ్యూచువల్ ఫండ్ అయితే మరో యాంగిల్ చూపిస్తోంది. వారి ప్రకారం, IT స్టాక్స్ ఇంకాస్త కరెక్ట్ అయితే భద్రత యొక్క మార్జిన్ వస్తుంది అప్పుడు అవి అవుతాయి. ఇప్పటివరకు IT sector ఎక్కువగా రిలేటివ్ ప్లే మాత్రమే అని స్పష్టంచేస్తోంది.

HIRE Act 2025 పాస్ అవుతుందా లేదా అనేది ఇంకా క్లియర్ కాదు. ఎందుకంటే అమెరికా కాంగ్రెస్‌లో వచ్చే 10,000 బిల్లుల్లో 3-4% మాత్రమే పాస్ అవుతాయి. అయినా, ఈ బిల్లు అమెరికా ప్రొటెక్షనిజం పెరుగుతున్న సంకేతం. భారత IT రంగం ఈ రిస్క్‌ని సీరియస్‌గా తీసుకోవాల్సిందే. మొత్తం మీద, "HIRE Act 2025 రంగంలోకి వస్తే భారత ITకి షాక్ అవుతుంది, కానీ రీప్లేస్ చేయడం అంత ఈజీ కాదనే బలం కూడా మన దగ్గర ఉంది.