Irdai సరికొత్త ట్రావెన్స్ ఇన్సురెన్స్ పాలసీ!

ఇన్సురెన్స్ రెగ్యులేటరీ అండ్ డెవలప్‌మెంట్ అథారిటీ ఆఫ్ ఇండియా (Irdai) సోమవారం ఒక ప్రామాణిక ట్రావెల్ ఇన్సురెన్స్ పాలసీని ప్రతిపాదించింది. దీనిని ఏప్రిల్ 1, 2021 నాటికి ప్రారంభించాలని Irdai భావిస్తోంది. ట్రావెల్ ఇన్సురెన్స్ పాలసీ విక్రయాలను పెంచాలనే లక్ష్యంతో Irdai ఈ సరికొత్త పాలసీని తీసుకొచ్చింది. Irdai 2018-19 వార్షిక నివేదిక ప్రకారం 2.58 మిలియన్ విదేశీ ట్రావెల్ ఇన్సురెన్స్ పాలసీలు, 11.4 మిలియన్ దేశీయ ట్రావెల్ ఇన్సురెన్స్ పాలసీలు జారీ అయ్యాయి.

ట్రావెల్ ఇన్సురెన్స్ పాలసీలు సహజంగా తక్కువగా అమ్ముడుపోతాయి. వివిధ ట్రావెల్ ఇన్సురెన్స్ ఉత్పత్తులు వేర్వేరు ఫీచర్స్ కలిగి ఉంటాయి. ఇవి అవగతం చేసుకోవడం కాస్త కష్టం. 2020లో ఆరోగ్య బీమా పాలసీ నుండి టర్మ్ లైఫ్ కవర్, పర్సనల్ యాక్సిడెంట్ ప్లాన్ సహా పలు ప్రామాణిక బీమా కవర్లను Irdai ప్రారంభించింది.

కాగా, డిసెంబర్ 28న Irdai జారీ చేసిన మార్గదర్శకాల ప్రకారం... ప్రామాణిక ఉత్పత్తికి ముసాయిదా మార్గదర్శకాలలో పేర్కొన్న విధంగా బేసిక్ మాండేటరీ కవర్ ఉంటుంది. మార్కెట్ అంతటా ఏకరీతిగా ఉంటాయి. ఇవి ఇండివిడ్యువల్ లేదా గ్రూప్ ఉత్పత్తిగా ఉండవచ్చు.