e-Insurance: ఇన్సూరెన్స్ రంగంలో మరో ముందడుగు.. ఇకపై ఆ అవసరం ఉండదు..

Climate friendly: గతంలో కంటే ఇప్పుడు ఇన్సూరెన్స్ తీసుకునే వారి సంఖ్య పెరిగింది. మారుతున్న జీవన ప్రమాణాలు లేదా పెరుగుతన్న అవగాహన దీనికి కారణంగా చెప్పవచ్చు. ఇదే సమయంలో అభివృద్ధి చెందుతున్న సాంకేతికత మానవ జీవితాన్ని మరింత సౌకర్యవంతంగా మారుస్తోంది. దీన్ని బీమా విషయంలోనూ అప్లై చేయాలని నియంత్రణ సంస్థ భావిస్తోంది.

భారతీయ బీమా నియంత్రణ సంస్థ (IRDAI) నుంచి ఓ కీలక అప్‌డేట్ వచ్చింది. ఏప్రిల్ 1, 2024 నుంచి అన్ని బీమా పాలసీలు ఎలక్ట్రానిక్ పద్ధతిలో జారీ చేయబడతాయని ప్రకటన వెలువడింది. ఇ-ఇన్సూరెన్స్ ఖాతా (eIA)గా పిలువబడే సురక్షితమైన ఆన్‌లైన్ అకౌంట్‌లో ఎలక్ట్రానిక్‌గా మీ బీమా ప్లాన్‌లను నిర్వహించనుంది.

వ్రాతపని లేకుండా ఒకే కావాల్సిన సమయంలో డౌన్‌లోడ్ చేసుకునేలా దీన్ని రూపొందించారు. ఈ విధానంలో డాక్యుమెంట్స్ పోగొట్టుకోవడం, కాగితాలు చిరిగి పోవడం వంటి ఇబ్బందుల నుంచి ఉపశమనం లభిస్తుంది. eIAలో ఒకసారి వివరాలను అప్‌డేట్ చేస్తే పాలసీ వివరాలు మరియు పునరుద్ధరణ తేదీలను సులభంగా ట్రాక్ చేయొచ్చు.
'
'దరఖాస్తు పద్ధతితో సంబంధం లేకుండా అన్ని పాలసీలు ఎలక్ట్రానిక్ రూపంలో జారీ చేయబడటం ఇప్పుడు తప్పనిసరి. ఈ సౌలభ్యంతో పాలసీదారుల పోర్ట్‌ఫోలియోల భద్రత మరియు నిర్వహణ అవసరం గణనీయంగా పెరుగుతుంది' అని CAMS రిపాజిటరీ CEO వివేక్ బెంగానీ చెప్పారు. మెజారిటీ ప్రైవేట్ లైఫ్ ఇన్సూరెన్స్ కంపెనీలు మరియు నాన్-లైఫ్ ఇన్సూరెన్స్ సంస్థలు eIA మెకానిజంను ఆమోదించినట్లు తెలిపారు.