ఇక ఆరోగ్య బీమా కొత్త పాలసీ ప్రారంభించాక, అనుమతులు

కొత్తగా ఆరోగ్య బీమా, సాధారణ బీమా పాలసీలను ఏదైనా కంపెనీ తీసుకు రావడానికి ముందు భారత బీమా నియంత్రణ, అభివృద్ధి సంస్థ(IDRAI)కు దరఖాస్తు చేసుకోవాలి. పాలసీకి సంబంధించిన పూర్తి సమాచారాన్ని అందించి, సందేహాలు నివృత్తి చేయాలి. ఆ తర్వాత సదరు పాలసీకి IDRAI అనుమతి ఇస్తుంది. అప్పుడు మాత్రమే విక్రయించవలసి ఉంటుంది.

దీనికి సమయం వృథా అవుతోంది. మార్కెట్ పరిస్థితులు, ప్రజల అవసరాలకు అనుగుణంగా సాధ్యమైనంత త్వరగా కొత్త పాలసీలు జారీ చేసే అవకాశం ఉండటం లేదని బీమా కంపెనీలు చాలా కాలంగా ఆందోళన వ్యక్తం చేస్తున్నాయి. ఈ అంశంపై దృష్టి సారించిన ఇడ్రాయ్ కొత్త పాలసీల జారీకి సంబంధించిన నియమ నిబంధనలను సులభతరం చేయాలని నిర్ణయించి, నోటిఫికేషన్ జారీ చేసింది. బుధవారం జారీ చేసిన నోటిఫికేషన్ ప్రకారం.....

సాధారణ బీమా కంపెనీలు కొత్త ఆరోగ్య బీమా, సాధారణ బీమా పాలసీలను యూజ్ అండ్ ఫైల్ పద్ధతిలో తీసుకు రావొచ్చునని తెలిపింది. ముందుగా పాలసీలను విడుదల చేసి, ఆ తర్వాత ఇడ్రాయ్ అనుమతి కోసం దరఖాస్తు చేసుకోవచ్చునని వెల్లడించింది. సమయానికి తగిన పాలసీల ఆవిష్కరణకు ఇది ఉపకరిస్తుందని తెలిపింది.