IRCTC News: రైల్వే ప్రయాణికుల ఫ్యూజులెగిరే వార్త..! IRCTC తాజా పనితో ప్రజల్లో ఆందోళన..

IRCTC News: దేశవ్యాప్తంగా భారతీయ రైల్వేలో రోజుకు 2.5 కోట్ల మంది ప్రజలు ప్రయాణిస్తున్నారు. వీరిలో ఎక్కువ మంది ప్రయాణికులు IRCTC ద్వారా టిక్కెట్లు బుక్ చేసుకుంటారు. దీనిలో భాగంగా సదరు సంస్థ సుమారు 100TB డేటాను కలిగి ఉంది. ఇందులో ప్రయాణికుల టికెట్ బుక్కింగ్ వివరాల నుంచి ఫోన్ నంబర్ వరకు పర్సనల్ వివరాలు ఉంటాయి. అయితే ఇప్పుడు ఈ డేటాను అమ్మి సొమ్ము చేసుకోవాలని రైల్వే సంస్థ ప్రయత్నాలు మెుదలు పెట్టింది. ఇందుకోసం IRCTC టెండర్ కూడా జారీ చేసింది.

భారీ ధరకు డేటా అమ్మకం..

ఈ డేటా అమ్మటం ద్వారా రూ.1,000 కోట్లను ఆర్జించేందుకు ఐఆర్సీటీసీ సిద్ధమైంది. అయితే, కస్టమర్ల డేటా గోప్యతను కూడా తాము చూసుకుంటామని కంపెనీ తెలిపింది. దేశంలోని మూడింట రెండు వంతుల రైల్వే టిక్కెట్లు ఆన్‌లైన్‌లో జరుగుతున్నందున IRCTC ఆధిపత్యం చెలాయిస్తోంది. IRCTC ఒక కన్సల్టెంట్‌ను నియమిస్తుందని టెండర్‌లో చెప్పబడింది, వారు వినియోగదారుల డేటాను విక్రయించే మార్గాలను సూచించనున్నారు.

మీ డేటా సురక్షితమేనా..?

కస్టమర్ల డేటా గోప్యతను కూడా చూసుకుంటామని కంపెనీ చెప్పినప్పటికీ.. ప్రయాణికుల డేటా సురక్షితమేనా అనే ఆందోళనలు వ్యక్తమవుతున్నాయి. ప్రైవసీ, సేఫ్టీకి సంబంధించిన ప్రశ్నలు యూజర్ల మదిలో తలెత్తుతున్నాయి. IRCTC వినియోగదారుల 100TB కంటే ఎక్కువ డేటాను కలిగి ఉంది. ఇందులో టిక్కెట్లు బుక్ చేసుకున్న వారి పేర్లతో అన్ని వివరాలు అందుబాటులో ఉంటాయి.

తమ వ్యక్తిగత వివరాలను అమ్మి సొమ్ము చేసుకోవాలని ప్రభుత్వం యోచిస్తోందని పలువురు అభిప్రాయపడుతున్నారు. ఈ డేటా దుర్వినియోగం అవుతుందని వారు భయపడుతున్నారు. అయితే, వినియోగదారు అనుభవాన్ని మెరుగుపరచాలనుకుంటున్నట్లు కంపెనీ తెలిపింది. ఇది థర్డ్ పార్టీలతో డేటాను షేర్ చేయడం ద్వారా కూడా డబ్బు సంపాదిస్తుంది.

ప్రయోజనం ఉంటుందా..?

టెండర్ వివరాల ప్రకారం.. కంపెనీ కేవలం ప్రయాణ నమూనా, హిస్టరీ, ప్లేస్ సంబంధించిన డేటాను మాత్రమే షేర్ చేస్తుందని తెలుస్తోంది. బ్యాంకింగ్, చెల్లింపుల సమాచారం మాత్రం ఇతరులకు ఇవ్వబోమని స్పష్టం చేసింది. IRCTC ప్రైవేట్ కంపెనీలతో వినియోగదారుల డేటాను పంచుకోవడం ద్వారా వారి అనుభవాన్ని మెరుగుపరుస్తుంది. ఉదాహరణకు.. మీరు రైలులో ప్రయాణిస్తున్నప్పుడు.. ఆహారాన్ని ఆర్డర్ చేయడానికి ఈ-కేటరింగ్‌ని ఉపయోగించండి.

అటువంటి పరిస్థితిలో.. మీరు తదుపరిసారి ప్రయాణించేటప్పుడు, మీకు కొన్ని ఈ-కేటరింగ్ కంపెనీల నుంచి నోటిఫికేషన్‌లు వచ్చే అవకాశం ఉంటుంది. అక్కడ నుంచి మీరు అవసరమైన ఆహారాన్ని ఆర్డర్ చేసుకోవచ్చు. అదేవిధంగా.. క్యాబ్ బుకింగ్‌లో కూడా ప్రయోజనం పొందవచ్చు.