బయ్యర్స్ గెట్ రెడీ: త్వరలో ఎల్జీ ఎలక్ట్రానిక్స్ యుపిఐ.. 10కోట్ల పైగా షేర్స్ ఆఫర్..

ఎప్పటిలాగే వచ్చే వారంలో కూడా మరో పెద్ద ఐపిఒ రాబోతుంది. ఏంటంటే ఐపిఓ మార్కెట్లో త్వరలో మరో పెద్ద పబ్లిక్ ఇష్యూ ఓపెనింగ్ కోసం రెడీగా ఉంది. ఎందుకంటే దక్షిణ కొరియాకు చెందిన ఎల్‌జీ ఎలక్ట్రానిక్స్ ఇండియా ఐపీఓను తీసుకురావాలని యోచిస్తోంది. హ్యుందాయ్ మోటార్ ఇండియా విజయం తర్వాత LG ఎలక్ట్రానిక్స్ కూడా IPO తీసుకురావడానికి వేగంగా పని చేస్తోంది. మనీ కంట్రోల్ నివేదిక ప్రకారం, కంపెనీ మార్కెట్ రెగ్యులేటర్ సెబీకి IPO కోసం పేపర్స్ కూడా ఫైల్ చేసింది. పబ్లిక్ ఇష్యూ ద్వారా దాదాపు రూ.15,000 కోట్లు సమీకరించాలన్నది దీని లక్ష్యం. ఈ IPO SEBI నుండి ఆమోదం పొందితే హ్యుందాయ్ మోటార్ ఇండియా, Paytm ఇతరులతో సహా దేశంలోని అతిపెద్ద IPOల లిస్టులో చేరుతుంది. రిపోర్ట్ ప్రకారం, ఈ కొరియన్ కంపెనీ IPOలో 10.18 కోట్ల కంటే పైగా షేర్లను ఆఫర్ చేయగలదు.

కన్స్యూమర్ ఎలక్ట్రానిక్స్, హోమ్ అప్లియన్సెస్, HVAC సిస్టమ్‌లు, IT హార్డ్‌వేర్‌ అందించే LG ఎలక్ట్రానిక్స్ భారతదేశంలో పాపులర్ బ్రాండ్. ప్రపంచవ్యాప్తంగా ఎల్జీ మాతృ సంస్థ ప్రముఖ ఎలక్ట్రానిక్స్ తయారీదారులలో ఒకటి.

మోర్గాన్ స్టాన్లీ, యాక్సిస్ క్యాపిటల్, సిటీ గ్రూప్ గ్లోబల్ వంటి ప్రముఖ పెట్టుబడి బ్యాంకులు LG ఎలక్ట్రానిక్స్ IPO కోసం బుక్ రన్నింగ్ లీడ్ మేనేజర్‌లుగా వ్యవహరిస్తాయి. ఈ బ్యాంకులు పెద్ద ఎత్తున పబ్లిక్ ఆఫర్‌లను విజయవంతంగా నిర్వహించిన చరిత్ర ఉంది. కాగా, Kfin Technologies Limitedని రిజిస్ట్రార్‌గా నియమించారు. ఫైలింగ్ ప్రకారం, LG Electronics Inc. కంపెనీకి 100% ఈక్విటీ ఉంది, అంటే 67.87 కోట్ల కంటే పైగా షేర్స్ ఉన్నాయి.

మే 2022లో ఎల్‌ఐసి ఇష్యూ రూ. 21,000 కోట్లు దాటింది. తాజాగా ఈ రెండు కంపెనీలు మాత్రమే ఇష్యూల ద్వారా భారీగా ఫండ్స్ సమీకరించాయి. ఇవి కాకుండా, Paytm One97 కమ్యూనికేషన్స్ ఇష్యూ సైజ్ రూ. 18,300 కోట్లు.

ఎల్‌జీ ఎలక్ట్రానిక్స్ ఇండియా ఫైనాన్షియల్ ఫలితాలు కూడా బలంగా ఉన్నాయి. 30 జూన్ 2024తో ముగిసిన త్రైమాసికంలో రూ.6409 కోట్ల ఆదాయం నమోదైంది. 31 మార్చి 2024తో ముగిసే ఆర్థిక సంవత్సరంలో ఆదాయం రూ. 21352 కోట్లు, ఇది గత ఏడాది రూ. 19868 కోట్ల కంటే ఎక్కువ. జూన్ త్రైమాసికంలో ట్యాక్స్ ఆఫ్టర్ ప్రాఫిట్ (పీఏటీ) రూ.680 కోట్లుగా నమోదైంది. FY24కి అన్యువల్ ప్రాతిపదికన లాభం రూ.1345 కోట్ల నుంచి రూ.1511 కోట్లకు పెరిగింది.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.